Theo Hernandez dhe Gigio Donnarumma janë nga lojtarët më të spikatur te Milani dhe normalisht ofertat i kanë të shumta. Për mbrojtësin e majtë interesohet PSG.
Gazetari i Bild, Christian Falk, shkruan se Theo ka një ofertë nga francezët, por Milani nuk ka dhënë “OK”-in për transferimin e tij. Mbrojtësi është nën kontratë edhe tre vite me kuqezinjtë.
Ndryshe është situata e Donnarumma, i cili nga 1 korriku është i lirë dhe shumë klube po e ndjekin. Juventusi i pari në Itali.
Barcelona gjithashtu po e mendon si opsion, por ka edhe klube të tjera që po e ndjekin situatën e portierit italian. Mes tyre, sipas “The Sun”, janë edhe Manchester United e Chelsa. /abcnews.al