PSG
Igli Nikolli18:58 | 02/04/2020
Edinson Cavani do të dalë lojtar i lirë në fund të sezonit dhe interesimi për sulmuesin e PSG-së është shumë i madh. Garës për shërbimet e 33-vjeçarit i është bashkuar edhe Napoli. Mediat italiane raportuan se Aurelio De Laurentiis ka gati një ofertë 3-vjeçare për të.
Presidenti do t’i ofrojë një rrogë prej 7 milion eurosh në sezon dhe po 7 milion euro do të përfitojë në momentin e firmës. “El Matador” ka kaluar tre sezone të paharrueshme në skuadrën italian dhe vazhdon të jetë një idhull i tifozëve. Rrethë mundësisë së rikthimit në “San Paolo” ka folur agjenti i tij për CalcioNapoli1936.it.
“Një rikthim te Napoli? Gjithçka mund të ndodhë, shumë klube janë të interesuara për Edinson. Gjithsesi, për momentin, nuk kemi nisur asnjë negociatë me drejtuesit e Napolit. Cavanin e pëlqejnë shumë edhe në Amerikën Latine. Flamengo, Palmeiras, Internacional dhe Boca Juniors kanë shprehr interesin e tyre”, tregon Walter Guglielmone. /abcnews.al
Igli Nikolli17:59 | 02/04/2020
Miralem Pjanic mund ta shohim me një tjetër uniformë në sezonin e ardhshëm. Juventusi nuk e ka përjashtuar largimin e mesfushorit boshnjak, i cili pëlqehet shumë nga PSG. Drejtori sportiv, Leonardo e pëlqen shumë 30-vjeçarin.
Braziliani ka marrë një propozim shkëmbimi gjatë ditëve të fundit nga homologët italianë. Juventusi ka kërkuar Marco Verrattin për të lënë të lirë Pjanic, opsion që është refuzuar menjëherë nga Leonardo sipas mediave italiane.
Verratti është pjesë e PSG-së prej vitit 2012 dhe cilësohet si i pashitshëm. 27-vjeçari është një nga lojtarët më të rëndësishëm të kampionëve të Francës. Ai ka një histori të veçantë, pasi ka kaluar nga Serie B (Pescara) te PSG. Edhe pse numëron 36 ndeshje të zhvilluara me Italinë, Verratti nuk ka luajtur kurrë në Serie A. /abcnews.al
Vladimir Prenga09:36 | 02/04/2020
Zërat e merkatos zor të shuhen edhe në një periudhë të vështirë si kjo, që do të pasohet edhe nga krizë financiare anembanë botës. Gjithsesi, kur flitet për futbollin dhe për klubet e mëdha, shifrat e transferimeve mbeten ende të mëdha. Sidomos kur përmendet rekordmeni Neymar.
Braziliani mbetet një dëshirë e Barcelonës, që sipas “Sky Sport” është e vendosur ta rikthejë brazilianin dhe për këtë është gati të sakrifikojë Antoine Griezmann. Francezi nuk ka shkëlqyer dhe një kalim te PSG do e lehtësonte këtë operacion merkatoje.
PSG e vlerëson me 135 milionë sterlina brazilianin, kurse Barcelona francezin me 88 milion sterlina. Klubi spanjoll synon ta shkëmbejë dhe t’i paguajë diferencën kampionëve të Francës. Nga ana tjetër po mundohet të transferojë edhe Lautaro Martinez të Interit dhe sërish në lojë mund të përfshijë një tjetër lojtar, brazilianin Philipp Coutinho.
Në krahun tjetër PSG po mendon të marrë nga Juventusi Paolo Dybala. Sulmuesi argjentinas nuk po bie dakord me bardhezinjtë, që i kanë ofruar një kontratë të re me një pagë që kap shifrën e 10 milion eurove neto, plus bonuse. Dybala këmbëngul për 12 dhe palët janë larg për momentin. /abcnews.al
Veronik Istrefaj19:58 | 01/04/2020
Thomas Meunier do të jetë lojtar i lirë në verë. Duke folur me Le Parisien, 28-vjeçari belg mohoi të gjitha thashethemet që e lidhin atë me një transferim te Borussia Dortmund këtë verë, pavarësisht se do të jetë një agjent i lirë në qershor.
Një lojtar që është i lirë, që luan me kombëtaren e Belgjikës, që është e para në renditjen e FIFA-s, dhe është 28-vjeç, nuk mund të jetë një blerje e keqe. Edhe nëse këmba ime pritet dhe unë nuk mund të luaj për një kohë të gjatë.
Klubet nuk kanë shumë për të humbur për sa i përket investimit dhe unë mendoj se ata e dinë këtë. Ata mund të fitojnë. Gjithçka që ndodh në lidhje me mua në rrjetet sociale rreth Dortmundit, nuk e kuptoj atë. Kam parë kaq shumë artikuj që më transferojnë te Tottenham apo Inter, nuk e kuptoj këtë çmenduri. Qëllimi im kryesor është akoma të qëndroj në PSG, por për momentin”, tha Meunier./abcnews.al
Veronik Istrefaj22:19 | 31/03/2020
Lorik Cana, ish-kapiteni legjendar i Shqipërisë, ka luajtur për shumë skuadra të njohura në Europë, duke qenë i suksesshëm në shumë prej tyre. Një lider që në moshë të re, Cana ka dhënë një intervistë për TMW, ku është rikthyer pas në kohë dhe ka folur për aventurën te PSG, te Lazio, si dhe për situatën që është krijuar nga koronavirus.
“Mund të mbyllet sezoni duke luajtur pa tifozë. Unë do të isha që të mundohen të mbyllin këtë kampionat, nëse ekziston siguria të mundohen ta bëjnë një gjë të tillë, edhe në verë. Por është e vështirë të flitet për futboll kur ka me mijëra persona të infektuar.
Kam debutuar 19 vjeç te PSG dhe kisha atje lojtarë si Ronaldinho, Pochettino, Heinz dhe Anelka. Ronaldinho ishte special, por edhe Okocha ishte mbresëlënës.
Finalja e Kupës së Italisë së 26 majit kundër Romës. Një derbi në finale e Kupës, aty e kemi kuptuar të gjithë sa ishte i rëndësishëm për tifozët.
Kam krijuar një fondacion për të promovuar sportin në Shqipëri dhe në Kosovë, janë të përfshirë një mijë fëmijë tani. Shpresoj që të bëhem një drejtues në botën e futbollit më shumë se një trajner”, u shpreh Cana./abcnews.al
Igli Nikolli15:17 | 31/03/2020
Të drejtjat e imazhit janë një ndër pjesët më të rëndësishme për një futbollist dhe fitimet nga kjo fushë janë të mëdha. Imazhi i Kylian Mbappe është përdorur shumë në dy vitet e fundit në fushatat e reklamimit online të kriptovalutës.
Ylli francez shfrytëzohej nga kompani të ndryshme, aty ku shfaqej duke inkurajuar njerëzit të bënin investime për të blerë monedhën virtuale.Një mashtrim i madh dhe L’Equipe raporton se Mbappe ka vendosur t’i denoncojë.
Këto lloje mashtrimesh, sipas Autoriteteve të Tregut Financiar, çuan në më shumë se 1 mijë ankesa dhe 55.5 milion euro të grabitura vetëm në vitin 2018. /abcnews.al
Veronik Istrefaj23:01 | 30/03/2020
Situatë plotësisht e çmendur!” Kështu e hap intervistën e tij për “Telefe” Angel Di Maria, me yllin e PSG-së që nuk duket aspak i qetë nga situata që ka krijuar Koronavirus. Di Maria frikësohet për vajzat e tij të vogla dhe shëndetin e tyre.
“Situata është e frikshme. Është plotësisht i çmendur. Ne jemi të izoluar. Për 14 ditë kemi qenë brenda, dymbëdhjetë ditë që kur presidenti e shpalli Francën zonë e kuqe.
Ne dolëm vetëm një herë për të shkuar në supermarket. Po mundohemi të qëndrojmë në shtëpi në mënyrë që të mos infektohem. Kam vajzën e vogël dhe jam shumë i shqetësuar”, përfundoi Di Maria./abcnews.al
Igli Nikolli09:58 | 30/03/2020
Neymar la Parisin disa ditë më parë për të vazhduar periudhën e izolimit në Brazil. Sulmuesi i PSG-së krijon gjithmonë lajm dhe Mundo Deportivo, e përditshmja spanjolle, ngriti dyshime ditën e djeshme mbi faktin nëse Neymar po respektonte apo jo karantinën. Disa foto kur ai dallohej bashkë me djalin e tij dhe disa persona të tjerë në një fushë volejbolli u publikuan, gjë që ka sjellë irritimin e agjentit të 28-vjeçarit, i cili ka mohuar lajmin gjatë një konference për shtyp.
“Fotografitë që shoqëruan artikullin tregojnë Neymar në karantinë bashkë me persona të tjerë, të cilët kanë udhëtuar me të nga Parisi për në Brazil. I vetmi përjashtim është djali i tij, Davi Lucca, i cili ka shkuar të jetojë me babanë e tij. Neymar po i zbaton rregullat.
Neymar vazhdon punën e tij të përditshme për të shmangur dëmtimet dhe për të ruajtur formën fizike me trajnerin Ricardo Rosa, duke pritur me padurim fundin e këtij momenti të trishtë të njerëzimit dhe kthimin në aktivitet”, deklaron agjenti i tij. /abcnews.al
Igli Nikolli14:17 | 29/03/2020
Koronavirusi i ka krijuar një panik të madh edhe në botën e futbollit. Normale diçka e tillë, teksa të gjithë po nxitojnë për t’u kthyer në shtëpitë e tyre. Thiago Silva, Neymar dhe Edinson Cavani ishin të parët që u larguan nga Franca.
Lojtarët e PSG-së u kthyen në Brazil e Uruguaj dhe po qëndrojnë në shtëpitë e tyre. Të njëjtën gjë ka bërë edhe Keylor Navas. Portieri nga Kosta Rika ka insistuar për t’u kthyer në vendlindje dhe nuk është kursyer aspak.
ESPN dhe AS raportojnë se Navas ka kryer një fluturim privat për në Kosta Rika mbrëmjen e 27 marsit. Ai ka marrë gruan dhe tre fëmijët e vegjël, dhe është nisur nga Parisi për në San Jose. Kosto e këtij udhëtimi? Plot 200 mijë dollarë. /abcnews.al
Igli Nikolli18:46 | 27/03/2020
Gianluigi Donnarumma është gjithnjë e më larg Milanit. Portierit të talentuar i përfundon kontrata me kuqezinjtë në fund të sezonit të ardhshëm. Rinovimi është larg, për shkak të kërkesave të larta të agjentit Raiola dhe mundësive të pakta të klubit italian.
Milani ka vendosur si rrogën kufi atë prej 2.5 milion eurosh në sezon, shumë larg 6 milion eurove që përfiton portieri. Në mungesë të rinovimit do të ndodhë shitja e tij në fund të sezonit pasi Milani nuk mund ta humbasë me parametra zero verën e vitit 2021.
Corriere dello Sport raporton se PSG është e interesuar seriozisht për Donnarumma, ndërsa klubi i “Djallit” shpreson të përfitojë një shifër prej 30-35 milion eurosh për ta lënë të lirë. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
23:48 | 02/04/2020
23:30 | 02/04/2020
