chelsea

Milan-2-e1576172258350.png
Igli Nikolli21:39 | 29/03/2020

Gianluca Donnarumma do të jetë një nga largimet e Milanit këtë verë. Talenti i portës nuk ka pranuar rinovimin (kontrata i përfundon në verën e vitit 2021) dhe do të shitet nga kuqezinjtë. Interesimi për të është i madh, teksa një super ofertë po përgatitet nga Chelsea.

“Blutë e Londrës” kanë piketuar portierin e kombëtares italiane si zëvendësuesin e Kepa Arrizabalaga dhe janë gati të ofrojnë 60 milion euro për të sipas citimit të Sportmediaset.

Një shifër e mirë për Milanin, duke llogaritur faktin që 21-vjeçari futet në vitin e fundit të kontratës. Juventus dhe PSG janë klubet e tjera të interesuara për Donnarumma, por Chelsea shpreson të fitojë këtë garë. /abcnews.al

 

Gianluigi Donnarumma
Neuer.jpg
Igli Nikolli18:18 | 28/03/2020

Manuel Neuer është më shumë larg se sa afër Bayern Munchen. Kapitenit i përfundon kontrata në verën e vitit 2021. Palët nuk po arrijnë një akord për rinovimin dhe portiere po sheh për ndonjë alternativë tjetër.

Vetë klubi gjerman do detyrohet ta shesë në fund të këtij sezoni nëse kontrata nuk zgjatet. Daily Mail raporton se Chelsea është futur në garë për shërbimet e 34-vjeçarit. Aventura angleze e tundon titullarin e kombëtares gjermane.

Po Bayern Munchen? Objektivi i madh është Marc-Andre Ter Stegen. Gjermani nuk ka rinovuar akoma me Barcelonën dhe një thirrje nga bavarezët është e vështirë për t’u refuzuar, teka kartoni i tij vlen rreth 100 milion euro. /abcnews.al

Hudson-Odoi-Lampard.png
Igli Nikolli18:05 | 27/03/2020

Callum Hudson-Odoi ishte i pari futbollist i Premier League që u infektua me COVID-19. Sulmuesi i talentuar qëndroi gjatë në karantinë dhe ia ka dalë të fitojë betejën me koronavirusin.

Lajmin e konfirmon Frank Lampard. Trajneri i Chelsea tregon se si komunikonte me 19-vjeçarin, sidomos javën e parë që ishte edhe momenti më i vështirë për lojtarin dhe familjarët e tij.

Bisedoja me Callum javën e parë, ishte një situatë e çuditshme. Për fat të mirë nuk i ra të vuante dhe jemi të lumtur që ia doli të shërohej”, deklaron trajneri i “Bluve të Londrës”. /abcnews.al

neuer-modric.jpg
Vladimir Prenga09:41 | 27/03/2020

Manuel Neuer dhe Luka Modric në qendër të vëmendjes. Dy lojtarë që kanë fituar shumë në karrierën e tyre, por e ardhmja e tyre është në udhëkryq. Portieri i kombëtares gjermane ka biseduar së fundmi me Bayern Munchen, por palët nuk kanë rënë dakord për kohëzgjatjen e kontratës.

Neuer, që sot ka mbushur 34 vjeç, kërkon një marrëveshje afatgjatë dhe bavarezët janë të kujdesshëm me pagesat, sidomos në këtë moment. Gjithsesi portieri ka treg ende, pasi ka treguar se mund të japë akoma shumë në fushën e blertë.

BILD e lidh emrin e tij me Chelsea, pasi trajneri Frank Lampard nuk është i kënaqur me Kepa Arrizabalaga, për të cilin londinezët paguan rreth 80 milionë euro te spanjollët e Athletic Bilbao.

Tani të kthehemi te Luka Modric, mesfushori kroat i Real Madrid. Fituesi i “Topit të Artë” në vitin 2018 ka kontratë me madrilenët deri në qershor të vitit 2021 dhe në kampion spanjoll janë të dyzuar nëse duhet të nënshkruajnë një kontratë të re, apo ta shesin.

Këtë sezon Modric ka pasur probleme dëmtimesh, ndërkohë që në shtator bën 35 vjeç. Me Realin që është në dilemë, sipas MARCA, mesfushori do të duhet ta shohë mirë ofertën e Inter Miami dhe të provojë një eksperiencë të re në MLS, në klubin e David Beckham. /abcnews.al

Simeone-2-e1583517912469.jpg
Igli Nikolli16:33 | 26/03/2020

Atletico Morata arriti një akord me Chelsea janarin e vitit 2019 për të marrë në huazim Alvaro Moratën. Sulmuesi spanjoll është përshtatur për mrekulli me skuadrën e Diego Simeones dhe është rikthyer të shënojë përsëri.

Periudha angleze u shoqërua me probleme psikologjikë dhe në Madrid ka gjetur vetveten. Paraqitjet e tij kanë bindur “Cholchoneros” të blejnë përfundimisht kartonin e 27-vjeçarit. AS raporton se Atletico ka vendosur të shfrytëzojë klauzolën e blerjes së Moratës për shumën e 55 milion eurove.

Sulmuesi ka shënuar 15 gola këtë sezon dhe është ndër të preferuarit e trajneri Simeone. Morata do të firmosë një kontratë 3-vjeçare në verë dhe do të vazhdojë të jetë pjesë e klubit spanjoll. /abcnews.al

 

Morata duke festuar një gol me Atletico Madrid
Jorginho.png
Igli Nikolli15:57 | 26/03/2020

Chelsea nuk heq dorë nga objektivi Marash Kumbulla dhe ka bërë lëvizjen e radhës. Mbrojtësi shqiptar i Veronës pëlqehet shumë nga trajneri Frank Lampard dhe drejtuesit e klubit anglez duan të fitojnë garën e fortë me Interin.

L’Arena raporton se “Blutë e Londrës” kanë gati 23 milion euro dhe ia kanë ofruar këtë shumë klubit italian. Verona e ka bërë të qartë kërkesën e saj prej 25 milion eurosh për të lënë të lirë 20-vjeçarin nga Malësia e Madhe.

Kumbulla është zbulimi i këtij sezoni në Serie A. Paraqitjet e tij kanë qenë mbresëlënëse dhe sezoni i ardhshëm do e gjejë në një klub të madh. Oferta e Chelsea është e mirë, por duhet bindur edhe vetë lojtari, i cili preferon transferimin tek Interi. /abcnews.al

 

Rrahmani dhe Kumbulla
pulisic-1.jpg
Klejdi Kaimi13:17 | 25/03/2020

Pas sfidës me letrën higjenike, tashmë futbollistët kanë gjetur një sfidë të re. Mënyra më e re e argëtimit për të kaluar këto ditë izolimi është aplikacioni “Tik Tok”. Ajo të mundëson të kërcesh këngën e preferua dhe më pas ta postosh videon në rrjetën sociale.

I fundit që e ka bërë është sulmuesi i Chelsea, Christian Pulisic. Amerikani shikohet në video duke kërcyer dhe më pas ai e ka postuar videon në rrjetet sociale. Nuk mund të mungonte dhe një share nga Chelsea, ku klubi anglez e ka postuar në “Twitter” videon e tij dhe ka shkrua “Jo keq”.

Premier League vazhdon të jetë e pezulluar nga Coronavirusi. Kampionati është shtyrë për të paktën deri më 30 prill dhe ende nuk dihet nëse gjërat do të rikthehen aty ku i lamë. /abcnews.al

Ballack-Mou.png
Igli Nikolli17:53 | 24/03/2020

Jose Mourinho është një ndër trajnerët më fitues të 15 viteve të fundit. Shumëkush nuk e preferon për stilin e tij ultras mbrojtës, por portugezi mbetet një mjeshtër në pankinë. Verën e vitit 2004 mori drejtimin e Chelsea dhe e ngriti skuadrën në nivele të larta.

Mourinho u shkarkua nga drejtimi i “Bluve të Londrës” në fundshtatorin e vitit 2007, duke e mbyllur aventurën e parë me Chelsea me 6 trofe të fituar. Michael Ballack ishte pjesë e skuadrës londineze atë periudhë dhe zbulon për Sky Sports të vërtetën e shkarkimit të trajnerit.

Tani kam mjaft përvojë për të kuptuar gjithçka. Kur një skuadër nuk fiton, personi i parë që ndërrohet është trajneri. Mourinho ndodhej në sezonin e katërt me Chelsea. Nëse sheh kohën mesatare të një trajneri me një klub, mund të them që ai ishte një rezultat i mirë.

Mourinho punonte shumë, ndoshta kjo është arsyeja pse, në një moment të caktuar, gjithçka pushon së funksionuari. Problemi ishte i të gjithëve, por fajin e kishin lojtarët. Sinqerisht nuk jemi penduar, duhet të shihnim përpara. Ruaj ende një raport shumë të mirë me Jose, besoj se janë të paktë lojtarët që flasin keq për të”, përfundon ish-mesfushori gjerman. /abcnews.al

Broja-3.png
Veronik Istrefaj16:48 | 24/03/2020

Sulmuesi shqiptar i Chelsea, Armando Broja, ka dhënë një intervistë për faqen zyrtare të klubit, ku ka treguar si po i kalon ditët e izolimit në shtëpi.

NETFLIX – “Riverdale”. Unë po e shikoj këtë për një kohë të gjatë deri më tani, por është një serial vërtet i mirë, po e shijoj shumë. Çdo seria që është me mister, është serial i përsosur. Po shikoj edhe John Wick 3. Është një nga filmat më të mirë aksion që kam parë ndonjëherë. E kam parë pesë herë deri tani dhe është ende i mahnitshëm”.

MUZIKË – “Ndërsa unë kam qenë duke bërë stërvitje, kam dëgjuar albumin e ri të ‘Lil Baby-My Turn”

APLIKACIONET – “Unë kam përdorur shumë Instagramin, duke parë të gjithë që postojnë sfidat “Qëndroni në shtëpi”. Është i lezetshëm dhe gjithashtu pashë në Instagramin e Chelsea që klubi po lejon punonjësit e NHS të qëndrojnë në hotelin e tyre, gjë që është e mahnitshme! Unë gjithashtu kam përdorur Twitter pak, si dhe është një aplikacion i lehtë për t’u përdorur dhe është shumë i mirë.

VIDEO-LOJËRAT – “Unë kam qenë duke luajtur Call of Duty: Warzone, e cila ju lejon të luani me miqtë në një skuadër prej tre kundër të tjerëve për të provuar të fitoni. Unë gjithashtu kam qenë duke luajtur Grand Theft Auto. Unë e di se është e vjetër, por është një lojë me të vërtetë e mirë, veçanërisht kur të gjithë miqtë e mi janë online dhe ne bëjmë një listë të madhe për lojëra me shumë gara. Gjithmonë bëhet shumë konkurruese”.

KOHA E LIRË – “Unë stërvitem shumë tani që jam në shtëpi, sepse kjo është mënyra më e mirë që të mund të qëndroj në formë dhe të kthehem i gatshëm kur të kthehemi. Unë jam gjithashtu duke ndihmuar mamanë time të gatuajë, gjë që është më e vështirë nga sa mendoja, por është vërtet kënaqësi të mësosh”, tha Armando Broja./abcnews.al

Broja-2.png
Igli Nikolli22:54 | 22/03/2020

Nga letra higjenike te portokalli. “Topi” i xhonglimeve ka ndryshuar dhe kjo ka ndodhur falë Armando Brojës. Sulmuesi shqiptar i Chelsea e kryen saktë detyrën i ulur në një karrige, madje vetëm me këmbën e djathtë.

Tani do të fillojnë nominimet për lojtarët e tjerë, teksa duhet theksuar se sfida me portokall është më e vështirë dhe e komplikuar se sa ajo me letër higjenike. 18-vjeçari cilësohet si e ardhmja e sulmit të kombëtares kuqezi dhe në 8 mars debutoi në Premier League me skuadrën e parë të Chelsea. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono