Rregullatori i Branave në Evropë përsëriti të premten se përfitimet e vaksinës Covid të AstraZeneca tejkalojnë çdo rrezik.
EMA përcaktoi që efektet anësore serioze të mpiksjeve të rralla të gjakut ka të ngjarë të ndodhin në 1 në 100,000 njerëz të vaksinuar, sipas Reuters.
Në udhëzimet e reja, rregullatori i BE tha që njerëzit duhet të vazhdojnë të marrin dozën e dytë të AstraZeneca katër deri në 12 javë pas të parës.
Në analizën e saj të të dhënave në të gjithë Evropën, EMA gjithashtu tha se nuk kishte informacion të mjaftueshëm për të ditur se kush mund të ishte më i ndjeshëm ndaj mpiksjeve të pazakonta.
Në fillim të këtij muaji, rregullatori i barnave me bazë në Amsterdam për Bashkimin Evropian tha se ekzistonte një “lidhje e mundshme” midis vaksinës AstraZeneca dhe çrregullimeve të rralla të mpiksjes së gjakut, por që përfitimet e tejkalonin rreziqet. g.v/abcnews.al
