Emrat e Erling Haaland dhe Kylian Mbappe janë ndër më të përfolurit në merkato dhe ata lidhen me një transferim në Spanjë. Real Madrid dhe Barcelona janë gati t’u plotësojnë çdo dëshirë, por Javier Tebas frenon entuziazmin e tifozëve të dy klubeve më të mëdha iberike.
Në një prononcim për mediat, presidenti i La Liga spanjolle shpjegon se pse dy sulmuesit e talentuar nuk mund të transferohen në futbollin spanjoll. “Haaland dhe Mbappe në Spanjë? Po, për të luajtur golf. S’e kuptoj si mund të vijnë këtu, duke bërë magji?
Barcelona duhet të shesë shumë futbollistë përpara se të blejë një yll. Ata dhe Reali janë të vetmet klube që mund të bëjnë shpenzime të tilla. I përjashtoj goditjet e mëdha në verë. Nuk mund të themi me siguri që do të vijnë Haaland dhe Mbappe, apo që Messi do të qëndrojë“, deklaroi Tebas. /abcnews.al
