kylian mbappe

PSG-1.png
Igli Nikolli21:54 | 14/03/2020

PSG ka një sulm të jashtëzakonshëm, por njëri midis Kylian Mbappe dhe Neymar do të largohet gjatë merkatos së verës. Drejtuesit e klubit francez e kanë ndarë mendjen dhe kanë zgjedhur lojtarin që do të shesin.

ESPN raporton se ai është braziliani Neymar. 28-vjeçari e ka shprehur gjithmonë dëshirën për t’u rikthyer te Barcelona, aty ku luajti gjatë viteve 2013-2017. PSG ka vendosur edhe çmimin e lojtarit të kombëtares së Brazilit, për të cilin duhen paguar 150 milion euro.

Një shumë që Barcelona pritet të derdhë në arkat e francezëve në fund të këtij sezoni. Po Mbappe? Shumë klube janë gati të bëjnë çmendurira për të, por ai është i pashitshëm dhe projekti i kampionëve të Francës është i bazuar te ylli francez. /abcnews.al

Mbappe-1-e1583867924991.png
Igli Nikolli20:19 | 10/03/2020

PSG është gati për ndeshjen e nesërme kundër Borussia Dortmund (fitoi 2-1 ndeshjen e parë në Gjermani), edhe pse kjo sfidë e rëndësishme për klubin francez nuk është përgatitur në mënyrën më të mirë të mundshme. Shkaku është koronavirusi, por e njëjta gjë po ndodh edhe me skuadrat e tjera.

Ylli i PSG-së, Kylian Mbappe është në dyshim për ndeshjen ndaj verdhezinjve gjermanë. Sulmuesi ndodhet në një gjendje gripale prej ditës së djeshme dhe trajneri Tuchel do të vendosë nesër për aktivizimin e tij.

L’Equipe raporton se 21-vjeçari ka kryer testet në lidhje me koronavirusin dhe përgjigjet do dalin nesër. Shenjat e para flasin për një mundësi të vogël që Mbappe të jetë infektuar, diçka që e shpresojnë të gjithë në kampin e PSG-së dhe jo vetëm. /abcnews.al

mbappe.png
Vladimir Prenga10:39 | 05/03/2020

PSG u tregua e pamëshirshme ndaj Lyon mbrëmjen e djeshme. Kampionët e Francës triumfuan me përmbysje, me shifrat 1-5 dhe vendasit u tërbuan, me drejtorin sportiv Juninho që në fund të ndeshjes goditi me shkelm derën dhe ofendoi videon analistin dhe stafin e PSG.

Në fushë skenën e mori Kylian Mbappe, i cili në portën e Lyon ia doli të shënonte tre gola. Njëri prej tyre ishte spektakolar, ai që i çoi shifrat në 1-3 për skuadrën e kampionit të botës, që shkoi në finalen e Kupës së Francës.

Në minutën e 70-të, Mbappe “ndezi motorët” dhe mori topin në udhëheqjen që në gjysmëfushën e skuadrës së tij dhe iu drejtua portës së Lyon. Askush nuk ia doli ta ndalte sulmuesin, i cili më pas mposhti dhe portierin, duke mahnitur tifozët në stadium dhe të gjithë ata që po e ndiqnin ndeshjen direkt përmes TV-së. /abcnews.al

Mbappe.jpg
Igli Nikolli18:37 | 29/02/2020

PSG po përballet në shtëpi me Dijon dhe ka gjetur shumë shpejt golin e avantazhit. Spanjolli Sarabia zhbllokoi ndeshjen që në minutën e tretë, teksa Kylian Mbappe ka realizuar një veprim të jashtëzakonshëm në minutën e 26-të.

Ylli francez realizoi dy driblime dehëse të njëpasnjëshme, duke ia kaluar topin mes këmbëve kundërshtarëve dhe duke shkaktuar entuziazëm të madh te të pranishmit në “Parc des Princes”. /abcnews.al

Mbappe-1.jpg
Igli Nikolli17:21 | 26/02/2020

Kylian Mbappe është ëndrra e madhe e Real Madrid. Presidenti Perez dhe Zinedine Zidane nuk heqin dorë nga ylli francez dhe në verë do të bëjnë tentativat e radhës për ta transferuar në “Santiago Bernabeu”.

21-vjeçari i PSG ka zbuluar një sekret dhe ka bërë një rrëfim interesant në një prononcim për Players Tribune. Nuk i kishte mbushur akoma 14 vjeç dhe një telefonatë surprizë nga Madridi e shtangu totalisht.

Pak para se të mbushja 14 vjeç, më ndodhi një surprizë e jashtëzakonshme. Babai im mori një telefonatë nga një zyrtar i Real Madrid, i cili më ftonte të shkoja në Spanjë për disa seanca stërvitore gjatë pushimeve. I thashë babait që Zidane, i cili ishte drejtor sportiv i klubit në atë kohë, dëshironte të më shihte nga afër.

Për mua ishte sikur të shkoja në hënë. Nuk ishte e lehtë, edhe pse kisha marrë vëmendjen e mediave. Nuk di ta menaxhosh këtë pjesë në moshën 13-vjeçare. Kishte shumë presion dhe familja donte të më mbronte. Atë javë mbushja 14 vjeç dhe nuk e dija që prindërit po organizonin gjithçka me skuadrën për të më dërguar në Madrid si dhuratë për ditëlindje.

Nuk i treguam askujt se ku po shkonim, nuk doja të zhgënjeja askënd nëse gjërat nuk shkonin mirë. S’e harroj kurrë momentin kur shkuam në qendrën stërvitore të Realit. Zidane na takoi në parking, kishte një makinë të këndshme sigurisht. U përshëndetëm dhe ai më ftoi të futesha në makinën e tij. Më ftoi të futesha brenda dhe unë, që kisha ngrirë në ato momente, e pyeta: ‘A duhet t’i heq këpucët?

Nuk e di pse e thashë atë, por ishte makina e Zidane. Ai qeshi dhe më tha që nuk ishte e nevojshme diçka e tillë. Kur Zidane më ftoi të futesha në makinën e tij u ndjeva si në ëndërr. Më dërgoi me makinë në qendrën stërvitore dhe unë po mendoja me veten time: ‘Unë jam Kylian nga Bondy, kjo nuk është e vërtetë, mund të jem duke ëndërruar në avion‘. Ndonjëherë, edhe kur vërtet po jeton diçka, ndjehet si ëndërr“, përfundon Kylian Mbappe. /abcnews.al

PSG.jpg
Igli Nikolli12:54 | 24/02/2020

Humbja në Gjermani përballë Borussia Dortmund është përjetuar shumë keq nga tifozët e PSG. Objektivi i madh i kampionëve të Francës është triumfi në Champions League, por kualifikimi në çerekfinale është komplikuar disi pas kësaj disfate.

Skuadra e Tuchel fitoi 4-3 mbrëmjën e kaluar kundër Bordeaux, teksa ultrasit vendas shpalosën një pankartë thumbuese kundrejt tre prej lojtarëve kryesorë të PSG-së.

Antoine Kombouare, David Ginola dhe Rai kishin mentalitet fituesi. Thiago Silva, Mbappe dhe Neymar, keni frikë të fitoni?“, lexohej në pankartën e tifozëve francezë kundrejt tre futbollistëve. /abcnews.al

Haaland-Mbappe-e1582223140886.jpg
Igli Nikolli19:28 | 20/02/2020

Sfidën e parë mes Kylian Mbappe dhe Erling Haaland e fitoi sulmuesi norvegjez. 19-vjeçari shënoi dy golat e Dortmund në fitoren 2-1 kundër PSG-së në ndeshjen e parë të raundit të 1/8 në Champions League, teksa francezi u mjaftua vetëm me asistin për Neymar. Ish-kampioni i botës me Francën, Christophe Dugarry ka një këshillë për patriotin e tij dhe gjithçka lidhet me “gjigantin” Erling Haaland.

Kylian, ti di të bësh shumë gjëra, por ajo që të mungon është ajo që bëri Haaland në një orë e gjysmë. Ditën që do ta bësh këtë, do të fitosh ‘Topin e Artë’ dhe do të jesh futbollisti më i mirë në botë.

Mbappe është një lojtar madhështor, por nëse dëshiron të fitojë gjithçka duhet të ulet të shohë në dvd atë që po arrin të bëjë Erling Haaland“, thekson Christophe Dugarry në një prononcim për Radio Monte Carlo. /abcnews.al

 

Dugarry me kupan e botës në vitin 1998
Mbappe-Neymar-e1580581305828.jpg
Vladimir Prenga09:48 | 16/02/2020

Barcelona duhet të shohë për ndonjë objektiv tjetër, pasi Kylian Mbappe e ka vendosur se ku do të transferohet. Gazetari i njohur, Edoardo Inda, ka zbuluar se katalanasit kanë pasur një komunikim me babain e sulmuesit francez, Wilfried.

Ky i fundit ka qenë i qartë: “Djali im do ta lërë PSG-në vetëm për Real Madrid”. Kjo është përgjigja që Barcelona ka marrë dhe kjo madje ka ndodhur dy herë.

Qartazi, katalanasit nuk kanë asnjë shans të transferojnë Mbappe, i cili e ka thënë hapur disa herë që Reali është klubi që ka ëndërruar të luajë. /abcnews.al

Mbappe-Kylian.png
Igli Nikolli15:57 | 13/02/2020

Real Madrid nuk dorëzohet lehtë për Kylian Mbappe, por PSG nuk mund ta humbasë një fenomen si francezi. Kontrata e sulmuesit me kampionët e Francës përfundon në verën e vitit 2022, por PSG synon të zgjasë bashkëpunimin dhe e ka një plan.

AS raporton se drejtuesit e klubit janë gati t’i afrojnë 21-vjeçarit një rrogë të çmendur prej 50 milion eurosh në sezon, duke e barazuar me atë të Leo Messit. A do të mjaftojë diçka e tillë për ta bindur yllin francez që të mos ndryshojë ekip.

Asgjë nuk është e sigurt deri në momentin që PSG nuk është kompetitive për të fituar Champions League. Francezët po shpenzojnë pafund në përforcimin e skuadrës, por dështojnë nga viti në vit për të fituar kupën me veshë të mëdhenj. /abcnews.al

mbape-dhe-leonardo.jpg
Klejdi Kaimi12:24 | 04/02/2020

Sulmuesi i PSG-së, Kylian Mbappe, nuk i ka kërkuar falje trajnerit Tuchel pas debatit që dyshja pati në ndeshjen e fundit. Gjigantët francez ishin duke fituar me një rezultat të thellë kundër Montpellier dhe tekniku francez vendosi ta zëvendësonte Mbappen. Por, ylli francez nuk e priti mirë dhe pati një debat mes tyre, ku Tuchel kërkonte ta qetësonte sulmuesin.

21-vjeçari u ul në stol për pjesën e mbetur të takimit dhe të gjithë e panë reagimin e tij. Trajneri gjerman u shpreh mbas ndeshjes se do të merrte një vendim për të ditën e nesërme. Asgjë nuk ndodhi ditën e diel, pasi ekipi vazhdoi stërvitjen normalisht dhe nuk pati asnjë reagim nga asnjëri prej tyre.

Kur zihen dy veta gjithmonë përfiton një i tretë dhe në këtë rast është Real Madrid. Spanjollët kanë ndjekur me kujdes episodin e fundit dhe kanë nisur kontaktet me agjentin e sulmuesit francez. Mediat në Spanjë raportojnë se madrilenët do të bëjnë një ofertë zyrtare për Mbappen në merkaton e verës dhe me shumë mundësi i riu do të tundohet nga kalimi në Madrid. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono