Në ditët e fundit po flitet shumë për të ardhmen e Sergio Agueros. Sulmuesit të Manchester Cityt i përfundon kontrata në fund të sezonit dhe deri më tani nuk ka asnjë sinjal mes palëve për rinovimin e saj. Barcelona përflitet se është shumë pranë transferimit të tij, por në lojë ka hyrë dhe një klub anglez.
Sipas raportimit të “Daily Mail”, ekipi që kërkon të konkurrojë me katalanasit është Chelsea. Blutë e Londrës nuk janë të kënaqur me progresin e treguar nga Timo Werner dhe pse jo të transferonin një lojtar të kalibrit të Agueros me parametra zero.
Për 32-vjeçarin ka shfaqur interes edhe PSG-ja, por nuk ka patur ndonjë kontakt zyrtar deri më tani. Edhe pse ka qenë Barcelona ajo që është përmendur më shumë si destinacioni i radhës i Sergios, do të jetë vetë bomberi që do të vendosë për të ardhmen e tij. /abcnews.al
