Marc Marquez nuk ka mundur të zbresë në pistë në një garë zyrtare të Moto GP që thuajse një vit më parë, kur ai u aksidentuar në xhirot e fundit të garës së parë sezonale.
8 herë kampioni i Botës pësoi një dëmtim të rëndë në shpatull, teksa iu desh të vendoste një hekur për të bashkuar kockat. Ai u mundua të kthehet sa më shpejt, por në fund rezultoi e vështirë sepse hekuri lëvizi dhe pilotit iu desh të rikthehej edhe një herë në sallën e operacionit.
Pas kësaj ai e mori gjithçka me qetësi dhe duket se këtë herë gjithçka po shkon mirë. Marquez ka mundur të dalë nga palestra tashmë dhe ka zbritur në pistë për herë të parë që nga operacioni i dytë. Ai ka marrë lejen e mjekëve për të pilotuar një minimotor, teksa me shumë mundësi do jetë gati për garën e parë sezonale.
Otro pasito más! Primer día de BTT estrenando mi nueva @MondrakerBikes! ??♂️
Another step! First BTT day with my new @MondrakerBikes! ?? pic.twitter.com/HCPn2ZfLyO— Marc Márquez (@marcmarquez93) March 13, 2021
Në cirkuitin Alcarrás ai është munduar të gjejë kthesat e duhura për të forcuar krahun e tij. Më parë ai kishte provuar edhe një xhiro në mal me biçikletë, sprovë e kaluar me sukses. Direkt pas testit Marquez ka udhëtuar drejt Katarit, për të marrë dozën e parë Covid-19.
Ayer, después de ocho meses y tras el ok de los doctores, por fin volví a sentir esta sensación aunque fuese con una mini moto ???
Yesterday, after eight months and the Doctors approval in the last check-up,I felt this feeling again although it was with a mini moto! #stepbystep pic.twitter.com/supRUYKmYD— Marc Márquez (@marcmarquez93) March 13, 2021
Këtë të fundit po e marrin pjesa më e madhe e pilotëve dhe stafeve të Moto GP dhe Formula 1. Ka qenë vetë shteti i Katarit, që ka vendosur të dhurojë dozat e vaksinës Pfizer, në kuadër të garës së parë sezonale, që do zhvillohet pikërisht atje. /abcnews.al
