Sergio Aguero është i fokusuar totalisht te Manchester City, edhe pse ndodhet në vitin e fundit të kontratës. Sulmuesi argjentinas shpreson ta mbyllë me trofe aventurën fantastike me ekipin e Ppe Guardiolës, teksa objektivi i madh quhet Champions League.
Në verë do të nisë një aventurë të re dhe zërat e transferimit në Serie A po shtohen nga dita në ditë. Juventusi po shfaq një interes të fortë për 32-vjeçarin argjentinas. ESPN thekson se Aguero tundohet nga ideja për të garuar me kampionët e Italisë.
Rivali më i fortë i bardhezinjve është PSG. Klubi francez është gati t’i dhurojë një ofertë interesante goleadorit të njohur, teksa nuk mbetet pas edhe Barcelona, që nuk do e humbiste shansin për të siguruar një lojtar të tillë me parametra zero. /abcnews.al
