manchester city

Guardiola-3.jpg
Igli Nikolli15:34 | 30/03/2020

Pep Guardiola i ka premtuar besnikëri Manchester Cityt, por konfirmimi i pezullimit nga Champions League mund të ndikojë në largimin e trajnerit spanjoll. Kampionët në fuqi të Anglisë nuk duan të mbeten të papërgatitur dhe kanë piketuar pasuesin e tij.

The Athletic raporton se i preferuari është Patrick Vieira, aktualisht trajner i Nice në Francë. 43-vjeçari luajti gjatë sezonit 2010-2011 me “Cityzens” dhe vlerësohet nga drejtuesit e klubit për aftësitë taktike dhe personalitetin e fortë.

Francezi cilësohet si zëvendësuesi perfekt i Pep Guardiolës, nëse katalanasi vendos të largohet dhe të nisë një tjetër aventurë në karrierën e tij. /abcnews.al

 

Sane-Alaba-e1585421615751.png
Igli Nikolli19:55 | 28/03/2020

Leroy Sane vazhdon të jetë një nga objektivat kryesorë të Bayern Munchen. Ditën e djeshme doli lajmi që drejtuesit e klubit gjerman i ofronin Manchester City shërbimet e David Alaba për të siguruar sulmuesin e majtë.

Një shkëmbim që është hedhur poshtë nga Karl-Heinz Rummenigge. CEO i Bayern ka lëshuar një batutë për TZ në lidhje me zërat që flasin për një shkëmbim Sane-Alaba.

Më duhet të them që më duket si një përrallë nga vëllezërit Grimm, nuk ka asnjë lidhje me realitetin. Askush nuk e di se kur do të përfundojë emergjenca, kështu që nuk e kemi mendjen te merkato”, deklaron Rummenigge. /abcnews.al

 

Vëllezërit Grimm, të njohur për përrallat për fëmijë si “Kësulkuqja”, “Borëbardha”, “Hirushja” dhe “Bukuroshja e fjetur”
Guardiola-3.jpg
Igli Nikolli14:34 | 27/03/2020

Bayern Munchen nuk heq dorë nga Leroy Sane. Kampionët e Gjermanisë kanë gati dy vite që po tentojnë të sigurojnë shërbimet e lojtarit të Manchester City. 24-vjeçari ka qenë i pafat këtë sezon, u dëmtua rëndë në verë dhe nuk ka zhvilluar asnjë ndeshje.

Kjo gjë frenoi blerjen nga ana e Bayern, që tani ka një propozim interesant për “Cityzens”. The Sun raporton se drejtuesit e klubit bavarez i kanë propozuar Manchester City një shkëmbim: Sane në Mynih dhe David Alaba në Premier League.

Diçka për të cilën Pep Guardiola është dakord. Trajneri spanjoll e njeh mirë austriakun dhe e vlerëson shumë atë. Problem mbetet dëshira e vetë Alaba, i cili preferon më shumë një transferim në Spanjë te Barcelona ose Real Madrid. /abcnews.al

 

Alaba dhe Sane, gjatë një ndeshje Austri-Gjermnai
City-Manchester-e1581753400381.jpg
Igli Nikolli17:23 | 25/03/2020

UEFA vendosi të përjashtonte Manchester City nga kompeticionet europiane për dy sezonet e ardhshme. Problemet në FPF (fair-play financiar) ndikuan në vendimin e 14 shkurtit, teksa kampionët e Anglisë u gjobitën edhe me 30 milion euro

Klubi i City pretendon se ka çdo bilanc në rregull dhe ka dërguar çështjen në CAS. (Gjykata e Arbitrazhit Sportiv). Ndërkaq, janë tetë klube në Premier që kërkojnë që “Cityzens” të përjashtohet, pasi shkelja e këtyre rregullave ka bllokuar mundësinë e klubeve të tjera të jenë pjesëmarrëse në kompeticionet europiane.

Situtata emergjente në botë mund të çojë në trajtimin e kësaj cështje në një kohë më të largët dhe kështu City mund të marrë sërish të drejtën e pjesëmarrjes në Champions League për edicionin e ardhshëm. Ndërmjet tetë klubeve në Premier që duan përjashtimin e Sitit janë edhe: Liverpool, Chelsea, Manchester United e Arsenal. /abcnews.al

Sterling-e1585091077114.png
Igli Nikolli23:54 | 24/03/2020

Rahem Sterling kaloi tre sezone te Liverpool përpara transferimit te Manchester City në korrikun e vitit 2015. 25-vjeçari është rritur shumë që nga ajo periudhë dhe është kthyer në një nga lojtarët kyç të skuadrës së Pep Guardiolës.

Sulmuesi anglez tregohet i sinqertë në një bisedë virtuale me tifozët të organizuar nga agjentët e tij. Sterling pranon lidhjen e fortë me Liverpool, deklaratë që do pëlqehet shumë nga tifozët e zjarrtë të “The Reds”.

E pranoj që kam mbetur i lidhur me Liverpool, i dua shumë. Është një klub që më ka ndihmuar shumë të rritem, Liverpool do të qëndrojë gjithmonë ne zemrën time”, deklaron Rahem Sterling. /abcnews.al

 

Sterling kur ishte pjesë e Liverpool

 

 

Gundogan.png
Igli Nikolli19:06 | 18/03/2020

Real Madrid-Manchester City është dueli më i fortë i raundit të 1/8 në Champions League. Sfida e parë në Spanjë u mbyll me fitoren 1-2 të kampionëve të Anglisë. Dueli i kthimit nuk dihet se kur do të zhvillohet, pasi koronavirusi ka pezulluar gjithçka.

Ilkay Gundogan tenton të flasë për futboll në një prononcim për spanjollen Marca. Mesfushori i skuadrës së Guardiolës shpreson që futbolli të nisë sa më shpejt dhe ka një mesazh për shokët e tij. Rezultati i parë është fantastik, por Reali nuk duhet nënvlerësuar në asnjë mënyrë.

Akoma nuk e dimë nëse do të luhet dhe kur do të luhet ndeshja e kthimit me Real Madrid. Padyshim që shpresojmë të zbresim në fushë. Nuk mund ta nënvlerësojmë Realin, do të ishte një gabim fatal. Kualifikimi? Për momentin kemi kryer vetëm gjysmën e detyrës”, deklaron mesfushori gjerman. /abcnews.al

Perez-Real.png
Igli Nikolli08:05 | 18/03/2020

Florentino Perez nuk heq dorë nga vesi i tij për të sjellë në Madrid lojtarët më të mirë në botë. Njëri prej tyre është Kevin De Bruyne, mesfushori ofensiv i Manchester City.

Belgu është ndër të preferuarit e presidentit të Real Madrid, i cili mbeti i mahnitur nga performanca e lojtarit në duelin e parë të Champions League kundër City në “Santiago Bernabeu” (De Bruyne dhuroi asist dhe shënoi gol).

Mediat spanjolle raportojnë se kreu i “Los Blancos” ka gati një ofertë prej 140 milion eurosh për yllin e skuadrës së Guardiolës.

Klubi anglez nuk ka ndërmend ta shesë dhe është gati t’i ofrojë rinovimin e kontratës (i përfundon në vitin 2023) me një shtim të konsiderueshëm të rrogës vjetore.

Gjithsesi, konfirmimi i pezullimit nga kompeticionet europiane mund ta shtyjë De Bruyne të provojë një aventurë të re dhe Reali do të ishte një opsion perfekt për 28-vjeçarin, i cili ndodhet në kulmin e karrierës. Fjalën e fundit e thotë ai dhe Perez shpreson ta bindë për t’u transferuar në La Liga. /abcnews.al

 

De Bruyne duke festuat golin e shënuar kundër Real Madrid në Champions League
City-Manchestert-e1582137813181.jpg
Vladimir Prenga10:43 | 17/03/2020

Pronarët e Manchester City i shtrijnë “tentakulat” e tyre edhe në Francë, ku raportohet se ata kanë arritur marrëveshjen për blerjen e Nancy. “France Football” raporton se palët ishin në bisedime prej kohësh dhe një nga pikat ku kishin ngecur ishte ajo ku drejtuesit e klubit francez kërkonin të ruanin përqindje të kartonëve të lojtarëve të rinj, në rast se transferohen në një nga klubet që ka në pronësi “City Football Group”.

Momentalisht ky grup financiar ka në pronësi klubi si Manchester City, Neë York City, Girona, Melbourne City, Yokohama Marinos dhe Montevideo City. Marrëveshja me Nancy pritet të zyrtarizohet në orët në vijim dhe “City Football Group” thuhet se do të paguajë 12 deri në 18 milion euro.

Hapi i parë është emërimi i një trajneri të ri në krye të Nancy, që aktualisht garon në ligën e dytë në Francë. I zgjedhur është Eric Mombaerts, i cili aktualisht është në krye të Melbourne City në Australi. Francezi, gjashtë vite më parë ka drejtuar Le Havre në Ligue 1. /abcnews.al

Bayern-Bundesliga-e1582041093782.jpg
Igli Nikolli20:43 | 15/03/2020

Ndërprerja e Premier League i ka prishur shumë punë… Bayern Munchen. Skuadra gjermane vazhdon të jetë e interesuar për Leroy Sane. Lojtari ofensiv i Manchester City u dëmtua në verë dhe ka humbur pjesën më të madhe të sezonit.

24-vjeçari sapo kishte lënë pas problemet fizike dhe do të fillonte të aktivizohej gradualisht nga Pep Guardiola. Një mundësi e mirë edhe për bavarezët për të parë gjendjen e tij përpara investimit, por Sane do të vazhdojë të qëndrojë jashtë pasi futbolli është ndalur. The Sun raporton se ky fakt mund të mdikojë në mos kryerjen e këtij operacioni merkato.

Drejtuesit po punojnë edhe për Ivan Perisic. Kroati ka ardhur në huazim nga Interi me të drejtë blerje për shumën e 20 milion eurove. Fcinternews.it raporton se Bayern është gati ta blejë përfundimisht 31-vjeçarin, por kanë një kërkesë për zikaltrit. Gjermanët ofrojnë deri në 15 milion euro, kështu që Interi duhet të ulë çmimin e nënkampionit të botës.

City-Southampton.jpg
Veronik Istrefaj18:15 | 14/03/2020

Në Premier League, nuk ka futboll, si dhe në të gjitha kampionatet tjera europiane. Koronavirus ka bërë që shumë ndeshje të shtyhen dhe kjo fundjavë, nuk ka asnjë ndeshje. Dy klubet angleze, Manchester City dhe Southampton, e kanë gjetur zgjidhjen online.

Dy ekipet angleze kanë luajtur lojën e famshme, Tic-Tac-Toe, në faqet e tyre zyrtare në Tëitter. Në fund, sfida mes tyre ka dalë barazim dhe postimet e tyre të kësaj ndeshje, kanë marrë vëmendje të madhe në rrjetet sociale.

Edhe faqet zyrtare të klubeve të tjera kanë komentuar, ndërsa faqja e Bayer Leverkusen, shkroi: “Një ndeshje shumë e mirë. Një pikë e merituar për të dyja skuadrat”. Thjesht epike…/abcnews.al

 

Rezultati final i ndeshjes Tic-Tac-Toe


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono