Departamenti Amerikan i Shtetit i ka bërë edhe një herë thirrje Turqisë që t’u japë fund “provokimeve të vazhdueshme” në Mesdheun Lindor.
Në një deklaratë të lëshuar nga zëdhënësja Morgan Ortagus , DASH dënoi përdorimin e Navtex dhe i bëri thirrje Turqisë që t’u japë fund sfidave, në mënyrë që të niset një dialog me Greqinë.
Ajo u shpreh:
“Shtetet e Bashkuara nuk e pranojnë njoftimin e Turqisë për të rifilluar aktivitetin e lidhur me kërkimin në zonat ku Greqia mban gjithashtu juridiksionin në Mesdheun Lindor. Njoftimi i Turqisë rrit në mënyrë të njëanshme tensionet në rajon dhe komplikon qëllimisht rinisjen e bisedimeve kritike hulumtuese mes aleatëve tanë të NATO-s, Greqisë dhe Turqisë. ..Indtimidimi, kërcënimet dhe veprimtaria ushtarake nuk do të zgjidhin tensionet në Mesdheun Lindor. Veprimet e njëanshme nuk mund të krijojnë besim dhe nuk do të prodhojnë zgjidhje të qëndrueshme. Ne e nxisim Turqinë t’i japë fund kësaj sfide dhe të lejojë fillimin e bisedimeve me Greqinë.”
Anija kërkimore turke me sistemin e identifikimit gjeografik të mbyllur në shelfin kontinental grek, Orc Reis me ndihmën e Ataman dhe Cengiz Han u largua nga porti i Antaliase shoqëruar nga rreth pesë anije luftarake turke të hënën në mëngjes dhe mbylli sistemin e vendndodhjes pak para orës 10 të së martës.”
Vendndodhja e saj e fundit ndodhet në një zonë të shelfit kontinental grek, rreth 35 milje detare në jug të Kastelorizo. s.b/abcnews.al/
