Turqi

turkey-tes.jpg
Sid Orela18:44 | 30/03/2020

Numri i të infektuarve me koronavirus në Turqi është rritur në 10,827. Prej këtyre, 1,610 janë konfirmuar vetëm gjatë 24 orëve të fundit.

Ndërsa, si pasojë e Covid-19 kanë ndërruar jetë gjithsej 168 persona, prej të cilëve 37 e kanë humbur jetën vetëm gjatë orëve të fundit. Autoritetet vend tashmë kanë vendosur në karantinë 39 zona rezidenciale në 18 qytetë në përpjekje për të limituar shpërndarjen e koronavirusit.

Sipas të dhënave të publikuara nga Ministria e Brendshme, karantina është vendosur në një qytet, 6 distrikte dhe katër komunite.

Si pjesë e masave të marra për të mbajtur nën kontroll epideminë, Turqia ka pezulluar udhëtimet në distanca të gjata me tren të shtunën si janë kufizuar edhe fluturimet e brendshme. /abcnews.al/

 

 

sokol-cikalleshi.jpg
Vladimir Prenga13:18 | 29/03/2020

Sokol Cikalleshi, sulmuesi i Akhisarspor, vijon stërvitjen në shtëpi, pasi edhe në Turqi u ndal kampionati para pak kohësh. Edhe pse u tentua të vazhdohej gara me dyer të mbyllura, ishte e pamundur. Numri i të prekurve në Turqi është rritur dhe kjo situatë nuk mund të përballohet ndryshe, veçse duke u mbyllur në shtëpi.

Kavajasi i kombëtares shqiptare mundohet ta shfrytëzojë në maksimum ballkonin e apartamentit ku jeton dhe vrapon në gjithë gjatësinë e tij. Bashkëshortja e tij i ka postuar edhe një video, ku Cikalleshi shfaqet duke vrapuar.

“Nuk ndalon asnjëherë stërvitjen, edhe pse jemi në karantinë”, shkruan ajo, ndërkohë që sulmuesi mezi pret që e gjitha kjo të mbarojë dhe të zbresë në fushën e blertë dhe të bëjë atë që di më mirë: të luajë futboll dhe të përpiqet të shënojë gola. /abcnews.al

eri.jpg
in a08:16 | 28/03/2020

Turqia ka mbyllur pothuajse të gjitha kufijtë e saj, duke bllokuar të gjitha fluturimet ndërkombëtare nisje dhe mbërritje për të parandaluar përhapjen e koronavirusit. Lajmin e bëri të ditur Presidenti turk Rexhep Taip Erdogan.

Ndërkohë ministri turk i shëndetësisë njoftoi se 17 njerëz vdiqën nga koronavirusi në Turqi në 24 orët e kaluara, duke e çuar numrin e vdekjeve në 92.

Duke folur në një konferencë për shtyp, Fahrettin Koca tha se 2,069 pacientë janë diagnostikuar me COVID-19 pasi numri i përgjithshëm i rasteve të konfirmuara u rrit në 5,698.

Ai bëri me dije se 42 pacientë janë larguar nga spitalet pasi janë shëruar nga virusi vdekjeprurës ndërsa 344 të tjerë janë trajtuar në njësitë e kujdesit intensiv.

terim.jpg
Veronik Istrefaj20:16 | 23/03/2020

Trajneri i njohur turk, Fatih Terim, ka rezultuar pozitiv me Koronavirus. Vetë strategu 66 vjeçar e konfirmoi këtë gjë në llogarinë e tij zyrtare në Tëitter, duke shkruar:

“Sipas testeve që bëra sot, kam rezultuar pozitiv me Coronavirus. Jam në duar të sigurta në spital. Mos u shqetësoni. Do të komunikojmë sërish sa më shpejt të jetë e mundur”, shkroi Terim.

Fatih Terim aktualisht po drejton ekipin e Galatasaray. Në Turqi, kampionati u ndërpre më vonë se të gjitha kampionatet e tjera dhe pritet që numri i të prekurve, të rritet edhe më shumë./abcnews.al

Panucci.jpg
Veronik Istrefaj21:56 | 22/03/2020

Katër fitore, dy barazime dhe plot nëntë humbje: Ky ishte bilanci i Christian Panuccit në krye të Shqipërisë. I shumëkritikuar dhe gjatë fundit të aventurës së tij, edhe i urryer nga tifozët shqiptarë. Panucci kishte një vizion tjetër për kombëtaren e Shqipërisë, një vizion që thuajse askush nuk e pëlqente dhe që askush nuk ishte komod për të pritur rezultatet.

Presidenti Duka u detyrua të ndërhyjë, duke e shkarkuar strategun italian dhe duke emëruar një tjetër “axurr”, Edoardo Rejan. Ky i fundit, ka sjellë një frymë tjetër në krye të kuqezinjve, që kanë marrë rezultate relativisht të mira.

Momenti kulminant, që i kushtoi dhe stolin Panuccit, ishte ajo humbje fiks dy vite më parë, përballë Turqisë. Me datë 22 mars të 2019-ës, kombëtarja jonë kuqezi mposhtej 0-2 nga turqit, një humbje që shoi çdo shpresë që kishim për kualifikim në Euro2020./abcnews.al

tue.jpg
in a08:29 | 22/03/2020

Turqia ka konfirmuar 12 viktima të tjera nga koronavirusi i ri (COVID-19), duke e çuar numrin e vdekjeve në 21. Në llogarinë e tij në “Twitter”, ministri turk i Shëndetësisë, Fahrettin Koca, njoftoi se personat që kanë humbur jetën nga koronavirusi janë të moshuar.

Gjithashtu Koca tha se në 24 orët e fundit janë bërë 2.953 teste tek personat që dyshohet se janë infektuar me koronavirus dhe se 277 prej tyre janë testuar pozitiv. Ndër të tjera ai shtoi se numri i përgjithshëm i të infektuar në vend rritet në 947.

“Le t’i paralajmërojmë njerëzit tanë të moshuar. Ata duhet të respektojnë kufizimet e largimit nga shtëpia”, shkroi Koca. Koronavirusi, i cili për herë të parë u shfaq në Wuhan të Kinës dhjetorin e kaluar, është përhapur në të paktën 167 vende dhe rajone në mbarë botën.

corona2-1280x854.jpg
Sid Orela21:32 | 21/03/2020

Numri i të infektuarve me koronavirus në Turqi është rritur në 947. Sipas të dhënëve të bëra të ditura nga autoritetet në vend,  vetëm gjatë 24 orëve të fundit janë konfirmuar 277 raste të reja.

Deri më tani, në Turqi kanë ndërruar jetë 21 persona, prej këtyre 12 e kanë humbur betejën me Covid-19 vetëm ditën e sotme.

Duke qenë grupi më i cënueshëm nga koronavirusi, Turqia ka vendosur që të moshuarit që janë më të mëdhenj se 65- vjeç dhe ata që vuajnë nga sëmundje kronike të qëndrojnë në shtëpi. Lajmin e ka bërë të ditur Ministria e Brendshme të shtunën.

Ministria shkruante në një deklaratë:

“Që nga mesnata sot, qytetarët e moshës 65-vjeçare dhe lart si dhe njerëzit që vuajnë nga sëmundje kronike janë të kufizuar të dalin nga shtëpitë e tyre dhe të ecin në zona të hapura si parqe, kopshte.” /abcnews.al/

turri-koronavirusi.jpg
ger ta07:34 | 21/03/2020

Ka shkuar në 9 numri i personave të vdekur nga koronavirusi në Turqi. Lajmi është konfirmuar nga ministri i Shëndetësisë, Fahrettin Kocai cili shtoi se numri i rasteve të konfirmuara me koronavirus në vend është rritur në 670.

Koca, këtë e bëri të ditur nëpërmjet një postimi në rrjetet sociale, duke treguar se në 24 orët e fundit janë testuar 3.656 të dyshuar.

“Prej tyre 311 janë pozitive. Numri i përgjithshëm i të sëmurëve arriti në 670. Humbëm 5 prej të sëmurve të moshuar dhe me rezistencë të dobët. Deri më tani kemi 9 të vdekur. Të gjithë të moshuar”, u shpreh ai. /abcnews.al

mikel-foto-e1584696318455.jpg
Vladimir Prenga10:44 | 20/03/2020

Futbolli në Turqi ndaloi  dje. Coronavirusi i bëri ata të dorëzoheshin, edhe pse fillimisht kishin menduar ta vazhdonin garën me dyer të mbyllura. Vendimi drastik nuk ishte i lehtë, ndërkohë që ka sjellë edhe probleme të ndryshme mes lojtarëve dhe klubeve. Ndodhi dje në Zvicër, ku Sion largoi 9 futbollistë me arsyetimin se nuk mund t’i paguajë për një punë që ata s’e bëjnë dot në këtë periudhë.

Ditë më patë në Turqi, John Obi Mikel ishte ndarë me Trabzonspor. Nigeriani vendosi të flasë dhe të sqarojë gjithë situatën e krijuar atje, madje tregon se çfarë ndikimi mund të ketë nëse kampionati nuk do të rikthehet shpejt. “Futbolli është e vetmja gjë në Turqi që i lejon njerëzit të largojnë stresin, të argëtohen dhe të largojnë mendjen nga gjërat e tjera. Nëse ata e ndalojnë kampionatin për një kohë të gjatë, nuk do të ketë gjyqtarë mjaftueshëm për të vendosur për të gjitha rastet e divorceve”.

 

Fituesi i Champions League me skuadrën e Chelsea, është i drejtpërdrejtë: “Duhet të jem i ndershëm dhe i ashpër me ato që them: ata po tregojnë që realisht nuk ua ndjen për jetën e njerëzve. Nuk ua ndjen aspak për atë që po ndodh në gjithë botën. Gjithçka që u intereson është fitimi i kampionatit. Arsyeja pse firmosa me Trabzonspor në verë ishte që të fitonim titullin. Dhashë më të mirën time në çdo ndeshje, por në këtë situatë, ku bota po përballet me kohë të vështira, unë nuk e ndjeva që futbolli duhet të vazhdonte”.

TËRBIMI I PRESIDENTIT – Obik Mikel bëri një postim në “Instagram” dhe presidenti Ahmet Agaoglu nuk e priti aspak mirë. Nigeri kërkonte ndalimin e kampionatit dhe iu kërkua ta fshinte postimin, por nuk pranoi. “Sekretari erdhi dhe më tha: ‘Ju nuk duhet ta thoshit diçka të tillë, jemi drejt titullit kampion dhe duhet ta hiqni atë’. Unë i thashë që nuk e heq, ky është mendimi im. Bota po kalon një kohë të turbullt, të frikshme. Duhet të zgjoheni”, tregon Mikel.

 

Postimi i Mikel

Më pas pati edhe një takim ballë për ballë me presidentin Agaoglu. “Po më thoshte se nëse nuk do ta hiqja postimin, atëherë nuk do të luajë deri në fund të sezonit”. Unë iu përgjigja kështu: ‘OK, nëse kjo është ajo që ju mendoni, atëherë unë jam gati t’u qëndroj fjalëve që kam thënë dhe të marr dënimin’. Presidenti më tha se do t’i them trajnerit që unë nuk do të luaj dhe i thashë OK”.

Kundër Basaksehir Mikel ishte në stol, në një ndeshje me dyer të mbyllura që për nigerianin nuk zgjidhte asgjë. “Ende ishte një rrezik që virusi të transmetohej, pasi kishte shumë njerëz të akredituar. E pashë çfarë po ndodhte, pasi isha në stol. Nuk kishte asnjë motivim, lojtarët ishin të trembur. Nuk pati shtrëngim duarsh dhe ndjeva që nuk dua të jem pjesë e kësaj”, rrëfen nigeriani për “The Guardian”.

 

Obi Mikel dhe presidenti Ahmet Agaoglu

LARGIMI – Vendimi për t’u luajtur ndeshja me dyer të mbyllura, si dhe anulimi i shumë fluturimeve, e frikësoi mesfushorin, i cili i druhej faktit që mund të qëndronte në Turqi për disa muaj, pasi aty ishte më i sigurt. Nuk e donte diçka të tillë, por të shkonte pranë familjes.

“Klubi më tha se nëse do të largohesha nga Turqia, atëherë nuk do të kthehesha në ekip. kështu ata më kërcënuan të mos iki, e kuptoni çfarë them besoj? Ata nuk e menduan se do të isha në gjendje të anuloja kontratën. U thashë, që nëse duan ta mbyllin, le ta mbyllin. Unë duhet të shkoj në shtëpi për të parë familjen tim”, shton Mikel.

 

MESAZHET  – Më tej ai tregon se kolegët e tij në Turqi kishin frikë të shpreheshin kundër vazhdimit të kampionatit. “Si njeri, duhet të shohësh veten në pasqyrë dhe të pyesësh, a e ndihmon shoqërinë apo familjen me këtë veprim? Kam bërë gjënë e duhur, doja të isha me familjen tim. Të gjithë në Turqi kishin frikë të thoshin diçka, pasi mund të ndëshkoheshin nga klubet ose tifozët do t’u viheshin kundër. E ndjeva se dikush duhet ta thoshte diçka. Ishte vetëm e vërteta, çfarë duhet të bëhej.

Kjo është e gjitha çfarë unë bëra. Kam marrë mesazhe nga lojtarë në Turqi, që më falënderonin që ngrita krye, pasi ata nuk mund ta bënin dhe më kërkonin t’i kuptoja. Ata kanë frikë të humbasin kontratën e tyre, punën e tyre dhe e kuptoj. E gjitha ishte për familjen time, për të bërë atë që unë mendoj se është e drejtë, për të ndihmuar botën për ta luftuar këtë virus. E vetmja mënyrë është duke ndjekur udhëzimet, të qëndrojmë në shtëpi dhe të mos luajmë futboll në këtë moment”, ka përfunduar Mikel. /abcnews.al

5e65676c18c7730c90ec0e1b.jpg
eri Ida09:24 | 20/03/2020

Ministri i Shëndetësisë i Turqisë, Fahrettin Koca, konfirmoi vdekjen e tretë nga koronavirusi i ri COVID-19.

Mediat vendase bëjnë me dije se  viktima e fundit nga koronavirusi është ish-komandanti i Forcave Tokësore, Aytaç Yalman.

Ministri turk i shëndetsisë ëhstë shprehur se testi i tij (fillimisht) ishte negativ, megjithatë, të afërmit e tij gjithashtu u testuan dhe disa prej tyre rezultuan pozitivë.

“Në një rast të tillë, rezultati i testit mund të jetë negativ në fillim, por ai mund të jetë pozitiv më vonë…Numri i vdekjeve (nga COVID-19) është tre”, tha ai.

I lindur në vitin 1940, Yalman shërbeu si komandant i Forcave Tokësore midis viteve 2000 dhe 2002./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono