Sulmuesi i Chelsea, Christian Pulisic, konsiderohet një yll në ngritje nga trajneri i Shteteve të Bashkuara të Amerikës. Gregg Berhalter foli me superlativa për lojtarin, i cili nëse vazhdon me këto ritme një ditë mund të luajë për klube si Bayern Munchen, Real Madrid apo Barcelona sipas tij.
“Pulisic është një lider te Chelsea në moshën 21-vjeçare. Nuk ndodh shpesh që një lojtar të transferohet nga Bundesliga në një nga klubet më të mira në Premier League dhe të përshtatet kaq shpejt,” deklaroi amerikani për “Sport Bild”.
“Nëse ai vazhdon me këtë ritëm, atëherë i ka të gjitha mundësitë për të luajtur me klubet e mëdha të botës, siç janë Barcelona, Real Madridi apo Bayern. Christian është lojtari perfekt për blutë e Londrës dhe është shembulli për të gjithë lojtarët amerikanë që luajnë në Bundesligë dhe ëndërrojnë të luajnë në Premier League,” mbyll tekniku Berhalter. /abcnews.al
