Premier League pritet të rifillojë gjatë këtij muaji. Në pritje të autorizimit të qeverisë britanike, klubet britanike kanë pasur një takim mes tyre për të vendosur në lidhje me datën e rifillimit dhe mbarimit.
Gazetari i Telegraph, John Percy, raporton se nga takimi i organizuar sot, përfundimi është se klubet në shumicë janë të mendimit që Premier League të rifillojë më 19/20 qershor dhe të përfundojë më 1 gusht. Tani pritet qëndrimi i autoriteteve shtetërore.
From today's Premier League meeting: majority of clubs are keen to restart season on June 19/20, with the season to conclude on/by August 1. #ProjectRestart
— John Percy (@JPercyTelegraph) May 28, 2020
Kohët e fundit janë zhvilluar teste në klubet elitarë të Anglisë dhe kanë dalë pozitivë 8 persona. Dy prej tyre janë të konfirmuar si futbollistë, Adrian Mariappa, mbrojtësi i Watford, si dhe portieri i Bornemouth dhe Anglisë U21, Aaron Ramsdale. /abcnews.al
