angli

morguu.jpg
Sid Orela20:06 | 01/04/2020

Një morg, i cili pritet që të mbajë trupat e viktimave të Covid-19, po ndërtohet në Londrën Lindore.

Morgu po ndërtohet në një tokë të vjetër pylli afër krematoriumit dhe varrezave të Londrës dhe pritet që të sillen persona të pajetë nga spitali i ri Nightingale nga Qendra ExCel.

Morgu ndodhet më pak se tre milje larg spitalit dhe ndodhet akoma më afër me varrezat në mënyrë që personelet mjekësore ta kenë më të lehtë  transportimin e trupave nga morgu i përkohshëm në vendin e tyre të fundit të pushimit ose krematorët.

Me caktimin e vendit, ndërtuesit kanë nisur që të ngrenë gardhe prej druri rreth tokës ndërsa nisën punën edhe gërmuesit. Ndërtimi i këtij morgu është zhvillimi më i fundit i vendit në kuadër të luftës kundër epidemisë së koronavirusit.

Deri më tani, Britania e Madhe numëron 29,474 raste të konfirmuar me koronavirus si dhe 2,352 viktima. /abcnews.al/

Shtepia-e-Cole.jpg
Veronik Istrefaj22:59 | 31/03/2020

Ish-mbrojtësi i njohur anglez, Ashley Cole, ka qenë viktimë e disa grabitësve. Vila e Cole në Londër, është grabitur nga disa persona të maskuar, të cilët kanë vjedhur disa bizhuteri me vlerë mijëra sterlina.

Cole dhe partnerja e tij, kanë mohuar të kenë qenë në shtëpi, ndërsa një dëshmitar okular, tha për ‘The Sun’: “Ishte një eksperiencë e frikshme. Vrapuan shumë pranë meje. Flisnin me kode dhe dukeshin që ishin profesionistë. Mendoj se e kanë studiuar prej kohësh shtëpinë e Cole”.

Ky nuk është rasti i parë që një futbollist grabitet, pasi janë objektivat kryesorë për shkak të pasurive të tyre. Cole, 39 vjeç, është paraqitur në rajonin e policisë, e cila po punon për zbardhjen e kësaj ngjarje./abcnews.al

Premier-League.png
Veronik Istrefaj22:24 | 30/03/2020

Premier League nuk ka ndërmend ta ndërpresë përfundimisht kampionatin dhe është gati të marrë edhe masa drastike. Një plan është draftuar dhe ka shkuar në tavolinën e drejtuesve të kampionatit anglez, të cilët kanë planifikuar një video-konferencë me drejtuesit e 20 klubeve të elitës angleze.

Ky plan, që do të diskutohet në video-konferencë, është i tillë: Futbolli të rikthehet në muajin maj, ndeshjet të luhen pa tifozë dhe të transmetohen falas në televizion. Kjo gjë do të sillte humbje të mëdha për Sky Sport, BT Sport, Amazon, NBC dhe shumë kompani të tjera, që kanë blerë të drejtat televizive.

Mbetet për tu parë nëse Premier League do të vendosë ta zbatojë këtë plan, por deri më tani, kjo duket si pista më e mundshme…/abcnews.al

nurseeeee.jpg
Sid Orela16:39 | 30/03/2020

Një adoleshente angleze e cila punon në repartin ku ndodhen pacientët me koronavirus ka ndarë një foto të sajën në përpjekje për për të sensibilizuar anglezët që të qëndrojnë në shtëpi.

19-vjeçarja Lucy Hutchings punon 13 orë në ditë duke u shërbyer pacientëve të moshuar me koronavirus. Disa prej pacientëve të saj janë në gjendje të rëndë në kujdesin intensiv, shkruan abcnews.al

Hutchings punon si asistente e mjekëve në Spitalin Gjeneral Southampton, dhe tregoi se spitali ku ajo punon së shpejti nuk do të ketë më as pajisje mbrojtëse për personelin mjekësor. Ajo është e shqetësuar për situatën që mund të krijohet nëse numri i pacientëve rritet në ditët në vijim.

Shumë prej reparteve në spitalin ku ajo punon, përfshirë dhe të sajin, janë mbyllur dhe janë vënë në dispozicion të pacientëve me Covid-19.

Lucy thotë:

“Ne kemi këtu njerëz që janë në gjendje të rëndë dhe njerëz që nuk kanë nevojë për ventilatorë. Shumica e pacientëve që kanë nevojë për oksigjen janë në të gjashtëdhjetat apo nëntëdhjetat. Mund ta shohësh në sytë e tyre që disa prej tyre janë duke vuajtur, ata mund të thonë që janë mirë, por nuk është e vërtetë. Është shumë e trishtë të shohësh njerëz me virusin…”

Hutchings thotë se sa më shpejt që njerëzit ta kuptojnë rëndësinë e të ndenjurit brenda, aq më shpejt kjo situatë do të përfundojë. /abcnews.al

l5.jpg
Sid Orela16:12 | 30/03/2020

Një DJ i njohur nga Anglia, i cili prej dy vitesh ka luftuar leuceminë, u kërkoi mjekëve që të shpëtonin jetën e dikujt tjetër pasi mori vesh se ishte infektuar me koronavirus.

Liam Downing mori lajmin e keq se ishte infektuar me virusin korona ndërsa ndodhej në spital duke menduar se kishte ndonjë infeksion të zakonshëm.

Ai e mori lajmin e trishtë vetëm disa ditë pasi kishte mbushur 30 vjeç. DJ nga Middleton-i mori gjithashtu lajmin nga mjekët se nuk kishte mbetur më asgjë për t’u bërë për të shpëtuar nga kanceri. I gjendur përpara kësaj situate, Liam vendosin që mjekët të mos “harxhonin” medikamente për të trajtuar atë, por t’i përdornin për të shpëtuar dikë tjetër.

Doëning e humbi betejën me leuceminë dhe koronavirusin të premten. Familja e tij po shpresonte që ai të kishte edhe disa muaj jetë, edhe pse e dinin që kanceri që ai kishte ishte i pashërueshëm.

Për fat të keq, koronavirusi e përshpejtoi “udhëtimin” e tij të fundit. /abcnews.al

0a0cc88b-dcf0-4738-ab45-2420f52d10eb-1280x852.jpg
So Nila12:21 | 30/03/2020

Përhapja e koronavirusit në Mbretërinë e Bashkuar po tregon shenja të ngadalësimit, sipas Neil Ferguson, një profesor i biologjisë matematikore në Imperial College London.

“Ne mendojmë se pandemia po ngadalësohet në Mbretërinë e Bashkuar tani,” tha ai për BBC Radio të hënën. “Është rezultat i veprimeve që njerëzit dhe qeveritë kanë ndërmarrë.”

Megjithatë ai paralajmëroi se shpërthimi është në faza të ndryshme në pjesë të ndryshme të vendit.

Në Londrën qendrore, profesori Ferguson thotë se 3-5% e popullsisë mund të jetë e infektuar.

Mbretëria e Bashkuar raportoi  më shumë se 19.500 raste pozitive që nga e diela, sipas shifrave të departamentit të shëndetit dhe kujdesit shoqëror. Të paktën 1,228 nga ata që ishin shtruar në spital kanë vdekur./abcnews.al

Forza-Italia.png
Veronik Istrefaj21:33 | 27/03/2020

Sot, ishte parashikuar të luhej miqësorja e luksit mes Anglisë dhe Italisë. Kjo sfidë mes dy kombëtareve gjigante të Europës, pritej të luhej në mitikun “Wembley”. Gjithçka ishte programuar për të qenë perfekte, që nga spektakli në fushë, deri te tifozeritë në tribuna, por për fat të keq, Koronavirus ka bllokuar gjithçka.

Faqja zyrtare e Anglisë në Twitter, ka pasur një mesazh mbështetës për Italinë, që është shteti më i prekur nga Koronavirus, ku vetëm sot ka pasur plot 969 të vdekur.

“Ne duhet të ishim rivalë sot në fushë Itali, por po qëndrojmë të bashkuar në këtë situatë të vështirë”, shkruhej në statusin e faqes zyrtare të Anglisë. Një mesazh i shkëlqyer./abcnews.al

boris-1.jpg
Sid Orela13:42 | 27/03/2020

Mbretëresha e Anglisë vazhdon të mbetet me shëndet të mirë, edhe pse është takuar me kryeministrin Boris Johnson, i cili konfirmoi sot se është infektuar me koronavirus.

Lajmin e ka bërë të ditur Pallati Buckingham të premten pasi u mor vesh se Johnson ka rezultuar pozitiv për Covid-19, shkruan abcnews.al

Në një deklaratë, Pallati njofton:

“Mbretëresha u takua për herë të fundit me KM më 11 mars dhe po ndjek këshillat e posaçme në të mirë të shëndetit të saj.”

Princi Charles rezultoi pozitiv më herët gjatë kësaj jave dhe tashmë ndodhet në vetë-izolim bashkë me bashkëshorten Camilla në Skoci. Kryeministri anglez Boris Johnson njoftoi të premten me anë të një postimi në llogarinë e tij në Twitter se kishte rezultuar pozitiv për koronavirusin.

Në postim, ai shkruante:

“Gjatë 24 orëve të fundit kam zhvilluar simptoma të lehta dhe dola pozitiv për koronavirusin. Tashmë jam i vetë-izoluar, por do të vazhdoj ta udhëheq qeverinë me anë të video-konferencave ndërsa luftojmë virusin. Bashkë do ia dalim.” /abcnews.al

CRRRR.jpg
Sid Orela10:36 | 26/03/2020

Më shumë se 6.6 milionë anglezë mund të jenë të infektuar me koronavirus. Të paktën kështu thuhet në të dhënat e një aplikacioni që gjurmon simptomat e koronavirusit tek personat që e përdorin.

Aplikacioni i quajtur “The COVID Symptom Tracker”, është krijuar nga shkencëtarët në Kolegjin King në Londër, dhe është shkarkuar më shumë se 650,000 herë që në 24 orët e para pasi u lançua këtë javë.

Që prej ditës kur u laçua, aplikacioni ka zbuluar se 10 për qind e personave që janë regjistruar në të i kanë pasur simptomat e koronavirusit, si temperatura, kolla dhe lodhja, shkruan abcnews.al

Autoritetet e Shëndetit në Angli, deri më tani, nuk u bëjnë testime personave që nuk janë në spital, kështu që ky aplikacion konsiderohet si një mënyrë jo-zyrtare për të pasur një ide për numrin e të infektuarve.

Nëse shkalla e infeksionit një në çdo 10 persona aplikohet në popullatën e Mbretërisë së Bashkuar prej 66 milion banorësh, kjo mund të nënkuptojë 6.6 milion ose më shumë persona janë të infektuar.

Kryeministri Boris Johnson ka njoftuar se së shpejti do të jenë gati testet që janë blerë dhe do të dërgohen në shtëpitë e personave me simptoma. /abcnews.al

City-3.jpg
Veronik Istrefaj20:16 | 25/03/2020

Për momentin të papunë, por pagat do i marrin të plota! Bëhet fjalë për 1000 punëtorët e Manchester Cityt, që merren me stadiumin, rrjetet sociale, marrëdhëniet me publikun, ekipi PR, punëtorët e dhomave të zhveshjeve, sanitarët e çdokush tjetër që ka kontratë me klubin anglez.

Vetë kampionët e Anglisë me anë të një komunikate zyrtare, njoftuan punëtorët dhe publikun e gjërë se pagat do të merren të plota, pavarësisht situatës së krijuar për shkak të Koronavirusit. Një gjest i madh, edhe pse Manchester City nuk i ka aspak problem paratë. Më herët këtë gjë, e kishte bërë dhe klubi i Liverpool dhe pritet që të gjitha klubet e mëdha, të mos privojnë punëtorët e tyre nga pagat që meritojnë. Bravo!/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono