futboll
Pescara në fushë me maska

fshf-1280x728.jpg
Vladimir Prenga11:55 | 30/03/2020

FSHF ka dalë në një komunikatë sot dhe kërkon nga qeveria shqiptare që të përfshijë në skemën e punësimit edhe të punësuarit në klubet shqiptare të futbollit, që në kushtet aktuale po shkojnë drejt falimentimit.

DEKLARATA – Federata Shqiptare e Futbollit i ka dërguar një letër Këshillit të Ministrave dhe i ka kërkuar garantimin e anës financiare për të gjithë komunitetin e futbollit në Shqipëri, përmes një pakete kompensimi.

FSHF iu përgjigj në mënyrë të menjëhershme urdhërit nr. 132 të Ministrisë së Shëndetësisë dhe Mbrojtjes Sociale më datë 08.03.2020 duke pezulluar të gjitha aktivitetet futbollistike në vend, si dhe u kërkoi klubeve të marrin masa për mbrojtjen e shëndetit të futbollistëve dhe stafeve teknike.

Njëherazi Vendimi nr.243 i Këshillit të Ministrave i datës 24.03.2020 për Shpalljen e Gjendjes së Fatkeqësisë Natyrore, ka ndaluar tërësisht punën e Federatës së Futbollit dhe të gjitha hallkave të këtij sektori në rang vendi.

Kjo situatë, ka paralizuar punën e klubeve, shkollave dhe akademive të futbollit duke i çuar ato drejt falimentit, duke lënë pa asnjë të ardhur mijëra të punësuar, duke nisur nga futbollistët, trajnerët dhe deri të stafet teknike.

Klubet janë në pamundësi për të bërë pagesa, për shkak të ndërprerjes së të gjitha të ardhurave nga biletat, transmetimet televizive si dhe për shkak të tërheqjes së sponsorave.

Nisur nga kjo situatë, Federata e Futbollit kërkon që të gjithë punonjësit e përfshirë në sektorin e futbollit në vend, të përfshihen patjetër në paketën e kompensimit, si një e drejtë themelore për të garantuar mbijetesën e familjeve të tyre në këtë kohë të vështirë.

Federata e Futbollit i është bashkuar mesazhit të qeverisë në thirrjen ndaj qytetarëve për të qëndruar në shtëpi dhe duke ruajtur shëndetin e gjithësecilit.

Këto mesazhe janë pjesë e një projekti kombëtar të FSHF për të kthyer vëmendjen ndaj fëmijëve tanë dhe për ta parë futbollin si një mjet argëtimi dhe përkujdesjeje për ta.

Njëherazi, FSHF i është bashkuar fushatës së FIFA-s dhe Organizatës Botërore të Shëndetësisë në luftë kundër virusit COVID-19, duke e përcjellë këtë fushatë në të gjitha hallkat e botës futbollistike shqiptare. / abcnews.al

Ronaldo-Crouch.png
Igli Nikolli12:38 | 29/03/2020

Ronaldo fenomeni ishte një futbollist gjenial dhe për shumë tifozë më i miri absolut i historisë. Peter Crouch ka treguar për Daily Mail një histori të bukur në lidhje me brazilianin. Ish-sulmuesi anglez u takua vetëm një herë të vetme me Ronaldo origjinalin. Ndodhi në plazh, aty ku ky i fundit po zbavitej me alkool dhe një bukuroshe pranë tij.

Vetëm një herë jam takuar me Ronaldon, të them të drejtën. Isha me pushime në Ibiza dhe e pashë në plazh. Ai ishte i zënë me shishet e tij të birrës, kishte edhe një tavull duhani. Sapo mbaronte një pije, top modelja që kishte me vete i sillte tjetrën.

Ishte një mundësi joshëse për t’u prezantuar me të, nuk e humba si rast. Shpresoja të thoshte: ‘Oh, po ti je Crouch’. Ai nuk ia kishte fare idenë se kush isha, nuk e dinte se isha edhe unë një futbollist. Bëra një foto me të dhe u largova. Do të kishte qenë e jashtëzakonshme të kisha luajtur përkrah tij”, deklaron ish-sulmuesi anglez. /abcnews.al

UEFA.jpg
Vladimir Prenga11:58 | 26/03/2020

UEFA, FIFA dhe federatat e futbollit anembanë Europës janë në një pozicion të vështirë. Pandemia prej Coronavirusit i ka vënë të gjithë në vështirësi dhe për momentin futbolli është ndalur thuajse kudo. Para pak kohësh UEFA vendosi të shtyhej EURO 2020, ndërkohë që një ditë më parë u shtynë edhe Lojërat Olimpike.

Direktiva e parë e qeverisë evropiane të futbollit ishte përfundimi i kampionateve deri më 30 qershor. Kjo duket një ide që nuk mund të vihet në jetë, pasi situata ende nuk njeh përmirësim dhe gjasat janë që të mos mund të rifillohet të luhet deri në qershor.

Zgjidhja, sipas asaj që raporton italiania Corriere dello Sport, është që të vazhdohet deri në muajin gusht. Presidenti i FIGC, Gravina, e tha diçka të tillë një ditë më parë dhe plani është që deri në mesin e korrikut të mbarojnë kampionatet dhe kupat.

Pasi të ndodhë kjo, mendohet që të zhvillohen Europa League dhe Champions League, pjesa e mbetur e këtyre garave. Sigurisht nuk ka asgjë përfundimtare dhe bisedimet vazhdojnë. Ajo që dallohet qartë, është se të gjithë duan që sezonin aktual futbollistik duan ta mbyllin në fushë dhe arsyet janë më së shumti financiare. /abcnews.al

Napoli-Juventus-Serie-A.jpg
Vladimir Prenga14:13 | 25/03/2020

Serie A mund të mos mbyllet në fushën e blertë dhe ky opsion po merret në konsideratë. Janë disa drejtuesit e klubeve që mendojnë që kampionati nuk mund të vazhdojë më, duke parë situatën e krijuar në Itali nga Coronavirusi.

Mijëra të prekur dhe të vdekur, ndërkohë që ende nuk dihet se kur gjërat do t’i rikthehen normalitetit. Sipas gazetarit të Gazzetta dello Sport, Nicolo Schira, janë disa klube te Serie A që kanë propozuar që Serie A të bëhet me 22 skuadra, me dy ekipet e para të Serie B që ngjiten.

Në B nuk bie asnjë ekip dhe dy sezonet e ardhshme kampionat të vazhdojë kështu, për t’u rikthyer me 20 skuadra në vitin 2022. E njëjta situatë edhe për Serie B, që mund të bëhet me 25 ose 26 ekipe, kurse në Serie C do të garojnë 66 ekipe, si zakonisht të ndara në tre grupe. /abcnews.al

1-7.jpg
Vladimir Prenga12:21 | 24/03/2020

Superiorja ka ndalur pa u mbyllur faza e tretë, që në program kishte edhe një takim. Shkak u bë situata  krijuar në vend nga përhapja e Coronavirusit. Fillimisht nuk u mendua që gjendja do të rëndohej kaq shumë, por më pas u vendos të mos luhej më.

Plani ishte që të vazhdohej të zhvilloheshin kampionatet me dyer të mbyllura, ndërkohë që aktualisht UEFA ka këshilluar që sezoni të përfundojë deri më 30 qershor. Dëshira është kjo dhe para pak ditësh, Sekretari i Përgjithshëm i FSHF, u shpreh se do jetë e vështirë që të vendoset fatet e këtij kampionati në tavolinë.

 

“Nuk është menduar për mbylljen e garës tani. Nuk mendojmë se kjo situatë do vazhdojë pafundësisht. Shpresojmë që kjo situatë të normalizohet dhe të rikthehemi sa më shpejt në jetën normale. Kam dëgjuar edhe opsione të tjera, por më duket më i pamunduri që kampionati të jepet në tavolinë dhe të ndërpriten tani. Shpresojmë që kampionatet të fillojnë shumë shpejt”, deklaroi Shulku në “Studio Sprint” në ABC News.

PLANI B – Momentalisht nuk dihet akoma se çfarë do të ndodhë me kampionatin. Rastet me COVID-19 po vijnë e shtohen, ndërkohë që ka edhe viktima në vendin tonë. Parashikohet që gjendja të përkeqësohet dhe më pas çdo gjë besohet se do të shkojë drejt normalizimit, gjithmonë nëse do të ndiqen udhëzimet e autoriteteve.

 

Sa i takon Superiores, ABC News mëson se në FSHF po mendojnë edhe ndryshimin e skemës së Superiores. Kjo do të ndodhë nëse kampionati nuk nis deri në muajin qershor. Renditja aktuale konsiderohet si përfundimtare, me Tiranën kampione, kurse Kukësi e Laçi shkojnë në Europë. Me Skënderbeun të dënuar, përfiton Teuta e pozicionuar në vendin e pestë.

Po me ekipet që bien çfarë ndodh? Po mendohet që kampionati të bëhet me 12 ose 14 skuadra dhe Luftëtari e Flamurtari të shpëtojnë, ndërkohë që në garë mund të shtohen Pogradeci, Apolonia, Kastrioti dhe Besëlidhja. Ose vetëm dy skuadrat e para në grupet e së Parës, liqenorët dhe krutanët. Gjithsesi ende nuk ka asgjë përfundimtare, por në FSHF po i mendojnë të gjitha, pasi është e vështirë të parashikohet se si do të rrjedhin ngjarjet në vazhdim. /abcnews.al

Matthaus-e1584948954182.png
Igli Nikolli08:54 | 23/03/2020

Lothar Matthaus është një legjendë e gjallë e futbollit gjerman. Ish-kampioni i botës dhe fituesi i “Topit të Artë” në vitin 1990, njëkohësisht fituesi i disa trofeve me Bayern Munchen dhe Inter, ka mbetur i bllokuar në Emiratet e Bashkuara Arabe.

Përhapja e koronavirusit ka mbyllur kufijtë e shumë shteteve dhe numri i fluturimeve është reduktuar ndjeshëm. Matthaus rrëfen situatën e pazakontë në një prononcim për Sportbuzzer, por pranon se ndihet më i sigurt në Dubai se sa në vendlindje.

Nuk mund të kthehem në Budapest, aty ku është rezidenca ime kryesore prej 16 vitesh. Hungarezët kanë mbyllur kufinjtë dhe nuk mund të shkoj në shtëpinë time. Gruan e kam ruse, ajo e ka të vështirë të futet në Gjermani, pasi nuk ka dokumente europiane.

Nuk mund të kthehem as në Mynih, në shtëpinë time të dytë. Opsioni i fundit janë aeroplanët privatë. Është një situatë shumë stresuese. Kam marrë vesh që shumë njerëz janë infektuar në Gjermani, aktualisht ndihemi më të sigurt në Dubai”, deklaron Matthaus. /abcnews.al

nigeriani-aksident.jpg
Vladimir Prenga14:58 | 22/03/2020

Futbolli në Nigeri ka ndalur për shkak të situatës së krijuar nga Coronavirusi. Së fundmi një lojtar, duke shfrytëzuar pushimin, ka menduar të udhëtojë drejt Enugu dhe më pas në kthim drejt Lagos ka gjetur vdekjen.

Bëhet fjalë për Ifeanyi George, i cili ka mbetur viktimë pas një aksidenti me makinë në Abudu. Sulmuesi ishte vetëm 26 vjeç dhe në makinë me të ishte edhe një tjetër futbollist i Enugu Rangers, si dhe një mik i tyre.

Gjendja e këtyre dy të fundit ende nuk dihet, por nga fotot e publikuara, shikohet qartë që kemi të bëjmë me një aksident të frikshëm. Makina me të cilën ata udhëtonin është përplasur me një mjet të tonazhit të lartë dhe është shkatërruar plotësisht. /abcnews.al

Muriqi.png
Igli Nikolli16:12 | 19/03/2020

Më në fund është dorëzuar edhe Turqia. Autoritetet vendase kanë vendosur të pezullojnë kampionatin e futbollit si pasojë e rritjes së personave të infektuar me COVID-19. Përveç futbollit janë ndërprerë edhe kampionatet e basketbollit dhe volejbollit.

Turqia ishte ndër të paktat shtete ku sporti nuk u frenua. Fundjavën e kaluar u luajtën ndeshjet e Superligës dhe divizionit të dytë në futboll, por pa praninë e tifozëve. Gjendja në vend është përkeqësuar dhe tani janë marrë masa mbrojtëse kundër koronavirusit. /abcnews.al

melo-sparkate.jpg
Vladimir Prenga09:59 | 19/03/2020

Felipe Melo është një nga ata lojtarë që në gjuhën popullore u themi “nuk kanë lidhje me topin”. Edhe pse brazilian, mesfushori është shquar për ndërprerjen e aksioneve sulmuese të rivalëve dhe këtë punë ai e ka bërë më së miri me Brazilian dhe me klubet e tij, ku spikasin emra si Inter dhe Juventus.

Aktualisht 36-vjeçari është pjesë e Palmeiras në Brazil, ndërkohë që edhe ai i ndjek rrjetet sociale dhe është pjesë e tyre. Së fundmi në “Instagram” ka sfida nga më të ndryshme, siç është edhe ajo ku futbollistët mbajnë topin me këmbë.

Melo i është përgjigjur rrjetit dhe e ka bërë në mënyrën e tij, duke mos treguar cilësitë teknike. E ku ka më mirë se të bënte një sparkatë? Braziliani e ka bërë diçka të tillë dhe e ka ndarë me miqtë e tij në rrjetet sociale. /abcnews.al

Italia.gif
Vladimir Prenga09:23 | 14/03/2020

Jo vetëm kampionate të anuluara, por edhe ndeshje miqësore. Vendime të detyruara, pasi situata në Europë nuk është aspak e mirë për shkak të përhapjes në masë të Coronavirusit. Të gjitha shtetet primare kanë të fitojë betejën me virusin e ri, që ka shkaktuar shumë viktima.

Kështu, një ditë më parë janë anuluar dy ndeshje miqësore që Italia kishte planifikuar. Të dyja do t;i luante në transfertë, por shumica e shteteve i kanë mbyllur fluturimet me Italinë e prekur në masë nga COVID-19.

Fillimisht u anulua ndeshja mes Anglisë dhe Italisë, e programuar të zhvillohej më 27 mars. Në orët e vonë të ditës së djeshme edhe Gjermania konfirmoi anulimin e përballjes me “Axurrët”. Autoritetet në Nuremberg ishin shprehur se nuk marrin përsipër organizimin nëse ka më shumë se 100 të pranishëm në këtë përballje dhe është parë e udhës që të mos luhet edhe kjo miqësore “big”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono