Paul Pogba është objektivi i madh i Real Madrid për mesin e fushës, por francezi është në dilemë mes transferimit në Spanjë dhe rikthimit te Juventusi. “Los Blancos” nuk duan të mbeten pa alternativa dhe kanë piketuar një tjetër… kampion bote.
90MiN citon se ai është N’Golo Kante, një ndër më të mirët në rolin e tij. 29-vjeçari ndihet për mrekulli te Chelsea, por të luash në “Santiago Bernabeu” është një mundësi që intrigon çdo futbollist.
Për francezin interesohet edhe PSG. Chelsea nuk ka ndërmend të privohet nga shërbimet e tij, por Reali po përgatit ofertën e parë për Kante, një nga lojtarët më të dashur të tifozëve të futbollit. /abcnews.al
