Jean Michel Aulas është një ndër presidentët më jetëgjatë të futbollit. 70-vjeçari ndodhet në krye të Lyon prej vitit 1987 dhe së fundmi ka dhënë një prononcim për Tuttosport, aty ku ndalet edhe te Maurizio Sarri.
Francezi e vlerëson shumë trajnerin e Juventusit dhe zbulon se ishte gati t’i dhuronte pankinën e Lyon. Sarri ishte trajneri i Empolit, por akordi nuk u arrit dhe italiani u transferua te skuadra e Napolit.
“Sarrin e vë në një nivel me Guardiolën, Klopp dhe trajnerët më të mirë. Te Chelsea kreu një punë të jashtëzakonshme, por unë e vlerësoj që kur ishte trajneri i Empolit. Tentova ta merrja te Lyon përpara se të kalonte te Napoli. Nuk komunikova direkt me të, fola me agjentin e tij“, deklaron presidenti i klubit francez. /abcnews.al
