ligue 1
Igli Nikolli09:58 | 30/03/2020
Neymar la Parisin disa ditë më parë për të vazhduar periudhën e izolimit në Brazil. Sulmuesi i PSG-së krijon gjithmonë lajm dhe Mundo Deportivo, e përditshmja spanjolle, ngriti dyshime ditën e djeshme mbi faktin nëse Neymar po respektonte apo jo karantinën. Disa foto kur ai dallohej bashkë me djalin e tij dhe disa persona të tjerë në një fushë volejbolli u publikuan, gjë që ka sjellë irritimin e agjentit të 28-vjeçarit, i cili ka mohuar lajmin gjatë një konference për shtyp.
“Fotografitë që shoqëruan artikullin tregojnë Neymar në karantinë bashkë me persona të tjerë, të cilët kanë udhëtuar me të nga Parisi për në Brazil. I vetmi përjashtim është djali i tij, Davi Lucca, i cili ka shkuar të jetojë me babanë e tij. Neymar po i zbaton rregullat.
Neymar vazhdon punën e tij të përditshme për të shmangur dëmtimet dhe për të ruajtur formën fizike me trajnerin Ricardo Rosa, duke pritur me padurim fundin e këtij momenti të trishtë të njerëzimit dhe kthimin në aktivitet”, deklaron agjenti i tij. /abcnews.al
Igli Nikolli14:17 | 29/03/2020
Koronavirusi i ka krijuar një panik të madh edhe në botën e futbollit. Normale diçka e tillë, teksa të gjithë po nxitojnë për t’u kthyer në shtëpitë e tyre. Thiago Silva, Neymar dhe Edinson Cavani ishin të parët që u larguan nga Franca.
Lojtarët e PSG-së u kthyen në Brazil e Uruguaj dhe po qëndrojnë në shtëpitë e tyre. Të njëjtën gjë ka bërë edhe Keylor Navas. Portieri nga Kosta Rika ka insistuar për t’u kthyer në vendlindje dhe nuk është kursyer aspak.
ESPN dhe AS raportojnë se Navas ka kryer një fluturim privat për në Kosta Rika mbrëmjen e 27 marsit. Ai ka marrë gruan dhe tre fëmijët e vegjël, dhe është nisur nga Parisi për në San Jose. Kosto e këtij udhëtimi? Plot 200 mijë dollarë. /abcnews.al
Igli Nikolli23:46 | 28/03/2020
Klubet franceze kanë rënë dakord për të ulur rrogat e lojtarëve. Koronavirusi ka shkaktuar një krizë shëndetësore dhe ekonomike. Pasojat do të jenë të mëdha, të drejtat televizive kanë rënë dhe sponsorët do të largohen.
L’Equipe raporton se klubet e mëdha të Ligue 1 kanë arritur një marrëveshje për të përmgjysmuar rrogat. Marseille ka qenë klubi që ka propozuar uljen e pagave me 50%, ide që është aprovuar nga PSG, Lyon dhe të gjithë klubet e tjera të elitës.
Tani pritet reagimi i Sindikatës së Futbollistëve, që do të mbrojë interesin e lojtarëve me shumë siguri. Gjithsesi, drejtuesit e klubeve janë të vendosura dhe të detyruara të bëjnë këtë veprim. /abcnews.al
Igli Nikolli19:11 | 20/03/2020
Neymar është rikthyer në Brazil dhe po qëndron i izoluar në vilën e tij në Mangaratiba. Sulmuesi i PSG-së ka vendosur të kalojë këtë periudhë të vështirë në vendlindje.
Ylli i kampionëve të Francës ishte deciziv në eliminimin ndaj Dortmund në Champions League dhe shënoi dy nga tre golat e skuadrës së tij përballë verdhezinjve gjermane. Drejtori sportiv, Leonardo i ka paraqitur prej muajit nëntor propozimin për të rinovuar sipas Le10Sport.
Neymar nuk ka kthyer ende një përgjigje dhe diçka e tillë ka nervozuar drejtuesit e klubit francez. 28-vjeçari dëshiron të rikthehet te Barcelona dhe po luan me nervat e drejtuesve të PSG-së, që nuk e kanë përjashtuar opsionin e shitjes së tij në fund të sezonit. /abcnews.al
Igli Nikolli17:42 | 20/03/2020
Max Allegri do të kthehet në pankinë sezonin e ardhshëm. Trajneri livornez i dha fund aventurës 5-vjeçare me Juventusin verën e kaluar dhe vendosi të qëndrojë 1 vit pushim. E ardhmja e tij do të jetë larg Serie A.
Foot Mercato raporton se Allegri është i përzgjedhuri i PSG-së. Kampionët e Francës do të mbyllin bashkëpunimin me Thomas Tuchel në fund të sezonit, me gjermanin që përflitet për marrjen e drejtimit të Bayern Munchen.
Kontaktet mes Allegrit dhe PSG-së kanë nisur dhe palët po tentojnë të arrijnë një akord. Drejtori sportiv, Leonardo nuk e ka mohuar pëlqimin ndaj trajnerit italian, i cili është i motivuar dhe gati për të nisur një aventurë të re në karrierën e tij. /abcnews.al
Igli Nikolli22:34 | 19/03/2020
Shumë futbollistë po vendosin të largohen drejt vendeve të tyre, për të vazhduar karantinën në shtëpitë e tyre. Thiago Silva ka marrë familjen me vetë dhe është rikthyer në Brazil pak orë para mbylljes së kufinjve të Francës.
Shkakun e këtij veprimi e ka sqaruar gruaja e mbrojtësit të PSG-së. Isabele, me anë të një postimi në rrjetet sociale, tregon se situtata në kryeqytetin francez ishte bërë e padurueshme dhe supermarketet po boshatisen.
“Vendosëm të niseshim për Brazil, sepse situatë në Paris është shumë e trishtë. Nuk arrija të gjëja më asgjë në supermarkete. Për fat të mirë asnjë prej anëtarëve të familjes tonë nuk është infektuar me koronavirus.
Morëm avionin për në Brazil, aty ku nuk do të na mungojë ushqimi. Kemi pishinë këtu dhe kemi më shumë mundësi për të qëndruar në shtëpi më fëmijët tanë”, deklaron Isabele, bashkëshortja e kapitenit të PSG-së. /abcnews.al
Veronik Istrefaj23:17 | 18/03/2020
Presidenti i Olympiakos, miliarderi Evangelos Marinakis ka bërë një ofertë për klubin francez, Troyes. “Le 10Sport” raporton se biznesmeni grek ka paraqitur një propozim për të blerë klubin e Ligue 2 Troyes nga Daniel Masoni.
Negociatat midis Masoni dhe Marinakis janë përshpejtuar ditët e fundit, me këtë të fundit që ka bërë një ofertë prej 12 milion eurosh për të blerë skuadrën franceze.
Negociatat janë ngadalësuar disi, pasi të dy personat u takuan në Londër në fillim të këtij muaji, vetëm disa ditë përpara se Marinakis të diagnostikohej pozitiv me COVID-19, duke bërë që të dy individët të izolohen. Negociatat megjithatë, pritet të rinisin gjatë muajit prill./abcnews.al
Veronik Istrefaj21:16 | 18/03/2020
Ylli i PSG-së, Angel Di Maria, ka gjetur formën e tij më të mirë te kampionët e Francës, aty ku është titullar i padiskueshëm dhe një golashënues e asistues e rregullt.
Sot, faqja zyrtare e PSG-së, ka zgjedhur një nga golat e argjentinasit si golin më të bukur të ditës. Në takimin kundër Nice, i vlefshëm për Ligue 1, Di Maria shënoi një supergol, duke turpëruar ish-mbrojtësin e Bayern dhe të Brazilit, Dante.
Pasi i fut topin mes këmbëve kapitenit të Nice, Di Maria futet në zonë dhe gjuan me të jashtmen, duke mposhtur dhe portierin dhe duke shënuar një gol që vështirë ta harrojë. Thjesht fantastik!/abcnews.al
Ce toucher de balle de Fideo 🔝#GoalOfTheDay pic.twitter.com/OJoLPsMA0Q
— Paris Saint-Germain (@PSG_inside) March 18, 2020
Veronik Istrefaj22:14 | 14/03/2020
Sulmuesi rus i Monaco, Aleksandr Golovin, ka rinovuar me klubin nga Principata, deri në vitin 2024. 23 vjeçari vuajti sezonin e shkuar, i pari pas transferimit nga CSKA e Moskës, por këtë sezon, ka gjetur formën e tij më të mirë.
Monaco aktualisht ndodhet në vend të nëntë në Ligue 1, por është vetëm 1 pikë pas Reims në vend të pestë. Golovin ka qenë një ndër lojtarët më të rëndësishëm për trajnerin spanjoll, Moreno, dhe ka rinovuar edhe për 4 vite të tjera, duke i premtuar besnikëri Monacos./abcnews.al
✍️ 🇷🇺OFICIAL | GOLOVIN renueva con el MÓNACO hasta 2024. #Ligue1 pic.twitter.com/WFR23bB5Td
— ChiringuitoChampions (@chirichampions) March 14, 2020
Igli Nikolli21:54 | 14/03/2020
PSG ka një sulm të jashtëzakonshëm, por njëri midis Kylian Mbappe dhe Neymar do të largohet gjatë merkatos së verës. Drejtuesit e klubit francez e kanë ndarë mendjen dhe kanë zgjedhur lojtarin që do të shesin.
ESPN raporton se ai është braziliani Neymar. 28-vjeçari e ka shprehur gjithmonë dëshirën për t’u rikthyer te Barcelona, aty ku luajti gjatë viteve 2013-2017. PSG ka vendosur edhe çmimin e lojtarit të kombëtares së Brazilit, për të cilin duhen paguar 150 milion euro.
Një shumë që Barcelona pritet të derdhë në arkat e francezëve në fund të këtij sezoni. Po Mbappe? Shumë klube janë gati të bëjnë çmendurira për të, por ai është i pashitshëm dhe projekti i kampionëve të Francës është i bazuar te ylli francez. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
08:39 | 31/03/2020
08:21 | 31/03/2020
08:10 | 31/03/2020
