Kina i është përgjigjur akuzave të SHBA se ka furnizuar me armë Rusinë.Ministri kinez i Mbrojtjes Dong Jun duke iu përgjigjur homologut amerikan Lloyd Austin, ka thënë se Pekini nuk ka furnizuar me armë “asnjë nga palët në konflikt në Ukrainë”.
Zëdhënësi Wu Qian e raportoi këtë në një konferencë menjëherë pas takimit të mbajtur në margjinat e Dialogut Shangri-La në Singapor, sipas mediave të Pekinit.
Ndërkohë më datën 15 dhe 16 qershor është planifikuar të mbahet konferenca e paqes për Ukrainën në Zvicër.
Kina ka njoftuar se nuk do të marrë pjesë në konferencën e paqes, kjo sipas saj për shkak të mungesës së kushteve të paraqitura nga ana e tyre.
Këtë javë Pekini komunikoi vendimin e tij përmes kanaleve diplomatike, duke u shprehur kritik për mungesën sipas Kinës të pjesëmarrjes së barabartë të të gjitha palëve të përfshira dhe të një diskutimi të drejtë të të gjitha propozimeve në dispozicion”
