Veteranët e UÇK, të mbeshtetur nga qytetarët dhe partitë opozitare, dhe familjarët e të zhdukurve nga Serbia gjatë luftës, paralajmëruan qeverinë Kurti se nuk do të tolerojnë më politikat e tyre kundër atyre që luftuan për lirinë e Kosovës. Protesta e thirrur nga Veteranët e UÇK pasoi deklaratat kundër tyre nga ministei i brendshëm Xhelal Svecla i mbështetur nga kryeministri Kurti të cilat u konsideruan skandaloze.
Qëndrimet e tyre ishin të qarta, kundër qeverisë Kurti dhe vetë kryeministrit të cilin e akuzojnë për pazare me kriminelë të sanksionuar nga ShBC si Milan Radojicic dhe mos dekretimin nga presidentja Osmani të ligjit për pagën minimale, i cili nuk i përfshin ata. Veteranët e luftës thanë se pazaret e qeverisë Kurti me njerëzit e Radojicic janë të papranueshme.
Shoqatat e veteranëve kanë theksuar se protestat do të vazhdojnë dhe po kështu kanë nënvizuar se nuk kanë komunikim me qeverinë Kurti.
Protesta e veteranëve dha mesazhe të qarta për qeverinë Kurti e cila mbrohej nga gardhi i policisë. Rrethojat mbrojtëse u hoqën vetëm pas përfundimit të protestës./abcnews.al
