Policia italiane ka shkatërruar një grup të trafikut të lëndëve narkotike dhe ka arrestuar 8 persona mes të cilëve edhe shqiptarë. Mediat vendase shkruajnë se skuadra e lëvizshme e Shtabit të Policisë së Bolonjës, e koordinuar nga DDA e Bolonjës dhe Firences ka shkatërruar bandën e trafikantëve të drogës të drejtuar nga dy vëllezër shqiptarë.
Në lidhje me këtë grup trafikantësh janë edhe 48 të dyshuar dhe aktiviteti kishte të bënte me një grup të përbërë kryesisht nga shqiptarë nën drejtimin e dy vëllezërve me banim në Santa Croce sull’Arno (Pisa) dhe në Massa dhe Cozzile.
Ndër të tjera mësohet se grupi merrte drogën nga Holanda me një çmim prej 24-30,000 euro për kilogram, në varësi të shkallës së pastërtisë e kokainës së zgjedhur, e cila më pas tregtohej me një çmim prej 3000 deri në 10000 euro për kilogram.
Droga, e blerë në Holandë, transportohej në Itali nga bashkëpunëtorët dhe mbahej në shtëpi larg vendeve ku banonin drejtuesit e organizatës.
Nga hetimi u identifikua kush identifikoi bazat logjistike, kush gjeti makinat për t’u përdorur për transport dhe kush ishte përgjegjës për transferimin e drogës në Itali, në veçanti dy vëllezër të tjerë shqiptarë, të cilët shpërndanin në qendër-veri në Itali.
Drejtuesit e grupit kishin marrëdhënie edhe me dy autorë nga Salerno, që i përkisnin dy organizatave të veçanta kriminale të tipit Camorra, të furnizuar me kokainë e cila më pas rishitej nga italianët në provincat e Salernos dhe Avellino-s./abcnews.al
