Presidenti i Ukrainës, Volodymyr Zelensky, e quajti “shantazh energjetik” veprimin e gjigandit rus Gazprom për t’i ndërprerë furnizimet me gaz Polonisë dhe Bullgarisë, në një video-mesazh të mërkurën në mbremje, sipas The Guardian.
Ai tha se ky veprim tregon se “askush në Europë nuk mund të shpresojë të mbajë ndonjë bashkëpunim normal ekonomik me Rusinë”.
“Rusia e konsideron si armë jo vetëm gazin, por çdo tregti. Ajo thjesht pret momentin kur mund të përdoret një zonë tregtare”.
Ndërsa përshëndeti gjithashtu një marrëveshje me BE-në për të pezulluar detyrimet dhe kuotat mbi eksportet e Ukrainës, ai tha se eksportet e Ukrainës do të ndihmojnë në stabilizimin e tregjeve.
“Rusia po përpiqet të provokojë një krizë globale të çmimeve. Të fillojë kaosi në të gjitha tregjet bazë dhe veçanërisht në tregun ushqimor. Eksportet e Ukrainës do të ndihmojnë në stabilizimin e tregjeve. Pra, është e dobishme jo vetëm për ne, por edhe për të gjithë europianët”.
/abcnews.al
