Rusia
So Nila14:35 | 01/04/2020
Rusia ka dërguar një avion me maska dhe pajisje mjekësore në SHBA pasi Donald Trump pranoi një ofertë të ndihmës humanitare nga Vladimir Putin për të luftuar shpërthimin e koronavirusit.
“Ne presim që Rusia të dërgojë një avion me ndihma mjekësore sot, pasi presidenti Putin ia ofroi këtë presidentit Trump ditën e djeshme,” tha zyrtari i administrates.
”Ne do të vendosim në përdorim të menjëhershëm çdo mjet që agjencia për ushqimin dhe ilaçet miraton. Në të njëjtën mënyrë edhe Shtetet e Bashkuara po dërgojnë ndihma në vendet e tjera,”
Ndërkohë nga ana tjetër ndihma që Amerika ka pranuar nga Rusia ka të ngjarë të shkaktojë polemika midis kritikëve të Trump, të cilët kanë thënë që Putini do të portretizojë gjestin e vullnetit të mirë si një grusht shteti në marrëdhënie me popullin dhe do ta përdorë atë për të forcuar përpjekjet e Rusisë për t’i shpëtuar sanksioneve për ndërhyrje në zgjedhjet e SHBA 2016.
Kujtojmë se Amerika tani numëron 188592 raste të konfirmuara me koronavirus dhe 4056 vdekje./abcnews.al
So Nila12:20 | 26/03/2020
Moska do të mbylli të gjitha restorantet, kafenetë, dyqanet dhe parqet duke filluar që nga 28 marsi deri në 5 prill pas deklaratës së presidentit Vladimir Putin, ditën e djeshme.
Kryebashiaku njoftoi për masat që ishin marrë: “Masat e prezantuara sot janë të pazakonta në historinë e Moskës moderne dhe do të krijojnë shumë shqetësime në përditshmërinë e çdo personi. Por më besoni, ato janë absolutisht të nevojshme në mënyrë që të ndalojmë përhapjen e infeksionit të koronavirusit dhe të ulim numrin e rasteve.”
Përjashtime do të bëhen për dyqanet e ushqimeve dhe farmacitë dhe restorantet që shpërndajnë ushqime, të cilat do të qëndrojnë hapur. Qytetarët e Moskës u këshilluan të mos vizitojnë objektet fetare.
Rusia ka parë rritjen e saj më të lartë në numra në 24 orët e fundit. Numri total i të infektuarëve me koronavirus ka shkuar në 840 dhe 3 vdekje.
Putini tha javën e kaluar se Rusia kishte arritur të ngadalësojë përhapjen e koronavirusit falë masave të hershme dhe të ashpra- dhe numri i rasteve të konfirmuara është çuditërisht i ulët, pavarësisht se Rusia më Kinën i ndan vetëm një kufi dhe rasti i parë është konfirmuar në janar./abcnews.al
So Nila09:10 | 26/03/2020
Ndërsa koronavirusi i ri ka vrarë më shumë se 21,000 njerëz dhe vazhdon të përhapet në të gjithë botën, Rusia ka rritur masat e saj për të trajtuar pandeminë dhe për të parandaluar përhapjen e saj brenda vendit.
Deri më tani ka pasur 658 raste me të prekur në Rusi dhe tre viktima.
Qeveria ruse ka urdhëruar ndalimin e të gjitha fluturimeve ndërkombëtare duke filluar nga nesër, njoftoi të enjten media shtetërore ruse.
Një përjashtim do të bëhet vetëm për fluturimet për riatdhesimin e shtetasve rusë nga jashtë./abcnews.al
nev ila23:30 | 20/03/2020
Shkenctarët rusë po testojnë prototipe të ndryshme vaksinash, kundër Covid-19, për të gjetur të duhurën kundër Koronavirusit.
Këtë javë, ata “nisën studimet e imunogjenit tek kaviet laboratorike …,” njoftoi përmes një deklarate Instituti Vektor.
Përbërja, doza, mënyra e administrimit të vaksinës së ardhshme do të përcaktohet përmes testimeve, raporton abcnews.al.
Ndërkohë shkenctarët rusë kanë fotografuar edhe imazhet e “vrasësit të padukshëm” i quajtur Covid-19.
Madhësia e këtij virusi është 100-120 nanometra. Imazhet u morën me metodën e kontrastit negativ në një mikroskop elektronik transmetimi JEM-1400.
Instituti i Shendetit Publik kishte deklaruar më herët se zhvillimi i vaksinës mund të zgjasë nga katër deri në gjashtë muaj, ndërkohë që për produktin përfundimtar do të duhen deri në 3- vjet. Gjithsesi shkencëtarët e institutit rus janë shprehur optimistë se vaksina do të vijë shumë më shpejt.
Organizata Botërore e Shëndetit vlerësoi se prodhimi e vaksinës kundër Covid -19, kërkon një kohë nga 12-18 muaj.
Nga e Premtja deri sot, Rusia ka konfirmuar 199 raste infektimi nga koronavirusi ndërkohë që ditën e enjte u tha se u shënua dhe vdekja e parë nga ky virus, por autopsia e viktimës më pas, rezultoi se gruaja 79-vjeçare e cila vuante edhe nga shqetësime të tjera shëndetësore, kishte vdekur në të vërtetë nga një mpiksje gjaku.
Në gjithë botën, Covid-19 ka infektuar 250,000 raste vetëm këtë javë, duke vrarë 10 000 njerëz në shumë vende, që prej fillimit të shpërthimit në qytetin kinez Wuhan, dhjetorin e kaluar.
Nuk ka ende asnjë vaksinë dhe asnjë trajtim të drejtpërdrejt mbi këtë virus./abcnews.al
Autor E14:54 | 28/02/2020
Turqia i ka shpallur objektiva armiqësor që mund të goditen kurdoherë të gjitha bazat dhe mjetet ushtarake të Presidentit Asad pas sulmit të mbrëmshëm, i cili la dhjetra ushtarë turq të vrarë në Idlib të Sirisë.
Burimet zyrtare bëjnë me dije se nga sulmi mbetën të vrarë 33 ushtarë turq, ndërsa ka raportime se numri është shumë më i madh. Ndërkohë, nuk është ende e qartë nëse brigada turke që po lëvizte në Siri u sulmua nga aviacioni i Sirisë apo i Rusisë.
Sëfundmi, Ministria e Mbrojtjes e Rusisë deklaroi se ushtria turke nuk duhej të ishte në zonën ku ndodhi sulmi pasi atje mendohej se ishin grupet militante që luftojnë kundër Asadit.
Në këtë mënyrë, Rusia ka pranuar në mënyrë indirekte se ishin avionët e saj që vranë dhjetra ushtarë turq mbrëmë, raporton abcnews.al.
Fill pas sulmit të mbrëmshëm, në Turqi u mblodh Këshilli i Sigurisë Kombëtare për të parë se si do të veprohet nga tani e tutje me Sirinë.
Ka raportime se Turqia do t’i shpallë luftë Sirisë duke nisur një operacion në shkallë të gjerë, gjë e cila ka nxitur reagimin rus.
Sëfundmi, Rusia ka kaluar në ngushticën e Bosforit dy fregata të pajisur me raketa të avancuara. Bëhet fjalë për fregatat Admiral Grigoriviç dhe Admiral Makarov.
Fregatat ruse janë nisur herët në mëngjes nga Deti i Zi dhe do të pozicionohen në Egje, përballë territorit sirian.
Kalimi i shpejt nga Deti i Zi për në Mesdhe ka të bëjë me përgatitjet e Rusisë për ndonjë tensionim të mëtejshëm të situatës nga e cila Turqia të mbyllë ngushticën e Bosforit dhe Dradanelet. /abcnews.al
eri Ida13:32 | 26/02/2020
Kryeministri Edi Rama ka pranuar se marrëdhëniet mes Shqipërisë dhe Rusisë është fakt se janë në një nivel mjaft të ulët, dhe duket se marrëdhëniet mes këtyre dy vendeve janë shkëputur që me ikjen e Stalinit.
Shefi i qeverisë nga Moska në një konferencë për mediat krah ministrit të jashtëm rus është shprehur se këto marrëdhënie do të rikuperohen pasi rusia nuk është armik për askënd.
“Marrëdhënie tona me Rusinë janë të ulëta ambasadori rus më ka thënë se është vendi i vetëm në botë që nuk ka pasur një telefonatë mes tiranës dhe moskës, besoj që pas ikjes së Stalinit. Asnjë telefonatë e lërë më vizita e takime, Por kjo mund të trajtohet pasi nuk mendoj se rusi është armik për askën për të cilën ne jemi përkrah ndonjëherë,. është konlkurrent por jo armik. ka shumë gjëra që ne kemi për të ndryshuar. Ne jemi të qartë se Rusia do të ndryshojë. ne do të përpiqemi për këtë,” tha Rama.
Nga ana tjetër ministri Lavrov, është shprehur se në momentin që ai ka marrë postin drejtues, pikërisht në vitin 2004 ai ka qenë personalisht në Shqipëri në statusin e kryeministrit, ku është takuar me ministrin e Jashtëm të asaj kohe, Lulzim Basha.
Në këtë vizitë diplomati rus ka theksuar se ka nënshkruar një traktat miqësie në atë kohë, por që nuk u ratifikua pasi “pala shqiptare e harroi këtë dokument”.
Kryeministri Rama i është përgjigjur ministrit se ka të drejtë dhe është në dijeni të një marrëveshje të tillë, dhe sapo të kthehet në Shqipëri do ta rishikojë këtë dokument, edhe pse të qeverisë së mëparshme Berisha, për ta bërë efektiv si shenjë të bashkëpunimit me Rusinë.
“Ka pasur një marrëveshje dhe udhëheqësit të sotëm të opozitë,s por më duhet t’i mbetem parimit, gjithçka është miratuar nga qeveria e mëparshme, nuk është se nuk duhet pranuar nga qeveria aktuale, kur të kthehem në vend do ta shoh me kujdes dhe do tu dëshmoj se bëj çfarë them“, është shprehur Rama./abcnews.al
eri Ida22:36 | 20/02/2020
Një sulm i madh kibernetik që ka prekur më shumë se 2,000 faqe internet në Gjeorgji një vit më parë, është kryer nga Rusia, kanë thënë Gjeorgjia, Mbretëria e Bashkuar dhe Shtetet e Bashkuara.
Së fundmimediat ndërkombëtare raportojnë se qeveria britanike ka thënë se inteligjenca ushtarake ruse (GRU) ka qenë mbrapa “tentimeve për të dëmtuar sovranitetin e Gjeorgjisë”. Ministri i Jashtëm britanik, Dominic Raab e ka përshkruar këtë incident si “absolutisht të papranueshëm”. Ministria e Jashtme ruse ka mohuar të japë koment.
Ndërkohë qendra Kombëtare për Siguri Kibernetike e Britanisë ka gjetur se GRU “ka qenë pothuajse me siguri” mbrapa sulmeve që kanë prekur mijëra faqe, përfshirë atë të presidentit dhe transmetuesit televiziv kombëtar.
Ky njëherësh është konsideruar shembulli i parë i madh i një sulmi të tillë të kryer nga GRU, prej vitit 2017. Nga ana tjetër sulmet kibernetike janë dënuar edhe nga sekretari amerikan i Shtetit, Mike Pompeo duke thënë: Shtetet e Bashkuara i bëjnë thirrje Rusisë të ndalë këtë qasje në Gjeorgji dhe kudo”. Në shumë raste, faqet online janë zëvendësuar me një fotografi të ish-presidentit gjeorgjian, Mikheil Saakashvili, me përshkrimin “Unë do të kthehem”./abcnews.al
Autor E10:10 | 20/02/2020
Lufta në Siri është egëruar shumë gjatë muajve të fundit teksa ushtria e Asad po rimërr nga rrebelët zonën e fundit të mbetur në duart e tyre, qytetin e Idlibit.
Nisur nga tensioni si edhe interesat e fuqive të mëdha, në Sirinë e Veriut gjenden një numër i madh ushtrish, siç është ajo e Turqisë, elementë të ushtrisë amerikane si edhe Rusia.
#US army vehicle pushes #Russia police vehicle off the road, today, eastern Qamishli NE #Syria. pic.twitter.com/X5RNPyqafL
— Mohammad (@ibrashino) February 19, 2020
Rivaliteti SHBA-Rusi është i njohur dhe kjo është duke u reflektuar edhe në Siri.
Sëfundmi, në rrjetet sociale është duke qarkulluar një video nga veriu i Sirisë ku një mjet i blinduar i SHBA nxjerr nga rruga një mjet të blinduar të Rusisë, i cili po përpiqej të parakalonte.
Nga luftimet e javëve të fundit në Idlib raportohet se janë shpërngulur 900 000 persona që tani jetojnë në çadra mes të ftohtit dhe bombave. /abcnews.al
ger ta22:07 | 07/02/2020
Koronavirusi në Kinë, i cili ka marrë qindra jetë dhe po përhapet me shpejtësi në vende të tjera të botës, ka marrë një shpjegim tjetër në Rusi.
Në një kohë, kur teoritë për origjinën e tij janë të shumta, rusët e lidhin me Amerikën.
Një nga rrjetet kryesore televizive kombëtare, Channel One, madje ka nisur një rubrikë kushtuar teorive të koronavirusit në programin kryesor të lajmeve të mbrëmjes, Vremya (“Koha”).
Sipas këtij televizioni, shkak për përhapjen e virusit janë SHBA dhe Presidenti Trump.
Një nga idetë e transmetuara është se prania e fjalës “korona”, që do të thotë kurorë si në latinisht ashtu edhe në rusisht, në fjalën koronavirus lë të kuptohet se Donald Trump është i përfshirë në një farë mënyre.
Me sa duket, kjo ndodh për shkak se ai kryesonte konkursit e bukurive, duke u dorëzuar fituesve kurorat e tyre. Në fakt, shkencëtarët e quajtën virusin për shkak të formës së saj si kurorë./abcnews.al
So Nila14:18 | 03/02/2020
Alarmi për përhapjen me shpejtësi të koronavirusit është kthyer në një shqetësim të madh në të gjithë botën, ku secili shtet ka marrë masa për parandalimin e përhapjes së tij.
Së fundmi duket se Rusia ka vendosur që të dëbojë të huajt e diagnostikuar me koronavirusin e ri, teksa Kina ka fajësuar Shtetet e Bashkuara për nxitje të frikës për shpërthimin e virusit, në vend që të ofrojë ndihmë konkrete.
Kryeministri rus, Mikhail Mishustin këtë të hënë në një takim me kabinetin qeveritar ka thënë se një forum vjetor për investime, që ishte planifikuar të mbahej në Soçi më vonë gjatë këtij muaji, është shtyrë për shkak të virusit.
Aktualisht në Rusi është konfirmuar për dy raste të prekura nga virusi, të cilët janë të dy shtetas kinezë.
Ndërkohë, numri i rasteve të vdekjes si pasojë e virusit në Kinë ka arritur në 362, derisa rreth 17,300 persona janë infektuar me koronavirusin e ri në shumë vende të botës.
“Virusi i ri është shtuar në listë të sëmundjeve shumë të rrezikshme. Kjo gjë do të na lejojë neve të dëbojmë shtetas të huaj, nëse ata diagnostikohen me një sëmundje të tillë”, ka thënë Mishustin. Njoftimi i Mishustinit ka ardhur disa orë pasi Shtetet e Bashkuara kanë thënë se planifikojnë të marrin shtetasit amerikanë nga provinca kineze Hubei, ku ka shpërthyer fillimisht virusi./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
22:17 | 01/04/2020
