Policia e Tiranës ka arrestuar gjatë orëve të fundit shtatë persona. blutë e kryeqytetit bëjnë me dije se të arrestuarit akuzohen për vepra të ndryshme penale.
Sakaq, materialet i kanë kaluar Prokurorisë së Rrethit Gjyqësor Tiranë, për veprime të mëtejshme procedurale.
Njoftimi i plotë:
Vihen në pranga 7 shtetas, për vepra të ndryshme penale.
Specialistët për Hetimin e Narkotikëve bënë ekzekutimin e vendimit për ndalimin e shtetasit J. C., 26 vjeç, i shpallur në kërkim për veprën penale “Prodhimi dhe shitja e narkotikëve”.
Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit E. M., 34 vjeç, pasi për motive të dobëta, ka goditur me grushte dhe sende të forta shtetasin S. H., 41 vjeç, i cili ndodhet jashtë rrezikut për jetën.
Specialistët për Hetimin e Krimeve në Komisariatin e Policisë Nr. 5 bënë arrestimin në flagrancë të shtetasit F. H., 35 vjeç, pasi ka ushtruar dhunë fizike ndaj shtetasit N. G., 57 vjeç.
Specialistët e Qarkullimit Rrugor bënë arrestimin në flagrancë të shtetasve:
– S. D., 37 vjeç, L. B., 30 vjeç dhe V. V., 27 vjeç, pasi u kapën duke drejtuar mjetet përkatëse, në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
/abcnews.al
