arrestime
in a10:19 | 28/03/2020
46 vjeçari Artur Vaqo, banues në Durrës ra në prangat e policisë së Durrësit, pasi ishte në kërkim ndërkombëtar.
Mësohet se Artur Vaqo rezulton i dënuar në Itali për veprimtari kriminale në fushën e narkotikëve.
Njoftimi i Policisë:
Strukturat e Policisë Durrës, krahas angazhimit maksimal për monitorimin e zbatimit të masave kufizuese të ndërmarra për parandalimin e përhapjes së COVID-19, vijojnë punën për parandalimin, evidentimin dhe goditjen e paligjshmërisë, kapjen e personave që qarkullojnë me armë dhe lëndë narkotike, si dhe atyre të shpallur në kërkim kombëtar dhe ndërkombëtar.
Në këtë kuadër, specialistët për Hetimin e Trafiqeve dhe Narkotikëve në Drejtorinë Vendore Durrës, në bashkëpunim me Interpol Tirana, në bazë të informacioneve të marra në rrugë operative, bënë të mundur kapjen e shtetasit në kërkim ndërkombëtar: Artur Vaqo, 46 vjeç, banues në Durrës
Gjykata e Torinos, këtë shtetas e ka dënuar me 13 vjet e 4 muaj burg, për kryerjen e veprave penale “Drejtim i organizatës kriminale, me qëllim trafikun ndërkombëtar të lëndëve narkotike” dhe “Përdorimi i armëve të zjarrit”, parashikuar nga Kodi Penal italian”, njoftoi policia.
in a11:24 | 25/03/2020
Policia e Vlorës ka njoftuar se në kuadër të operacionit ndërkombëtar “Lulet e Pranverës”, ka rënë në pranga një 39-vjeçar banues në Vlorë.
Strukturat e Policisë së Vlorës bëjnë me dije se vazhdon monitorimi dhe zbatimi i masave kufizuese të ndërmarra për parandalimin e përhapjes së COVID-19.
Informacion/ Vlorë
Vijon operacioni ndërkombëtar “Lulet e Pranverës”.
Kapet dhe ndalohet një prej të shpallurve në kërkim në kuadër të këtij operacioni.
Strukturat e Policisë Vlorë, krahas angazhimit maksimal për monitorimin e zbatimit të masave kufizuese të ndërmarra për parandalimin e përhapjes së COVID-19, vijojnë punën për parandalimin, evidentimin dhe goditjen e paligjshmërisë, kapjen e personave që qarkullojnë me armë dhe lëndë narkotike, si dhe atyre të shpallur në kërkim kombëtar dhe ndërkombëtar.
Në këtë kuadër, në vijim të operacionit ndërkombëtar “Lulet e Pranverës”, të zhvilluar në shkurt të vitit 2019, Policia e Vlorës, në bashkëpunim më Interpol Tirana, në bazë të informacioneve të marra në rrugë operative, ka organizuar punën dhe si rezultat është bërë kapja e shtetasit në kërkim ndërkombëtar:
- F. Xh., 39 vjeç, banues në Vlorë.
Gjykata e Lecce-s, Itali, ka lëshuar urdhër-arrestin për këtë shtetas, për kryerjen e veprës penale “Trafikimi i lëndëve narkotike”, kryer në kuadër të grupit të strukturuar kriminal për drogat, parashikuar nga Kodi Penal dhe Dekreti i Presidentit Italian.
in a08:47 | 10/03/2020
Një 56-vjeçar banues në Durrës është arrestuar nga Policia për shkak se ka godituar me mjet mjet presër 25-vjeçarin A.N.
Burime nga policia bëjnë më dije se konflikti ka ndodhur për motive të dobëta, ndërsa 25-vjeçari ndodhet në spital nën kujdesin e mjekëve.
Materialet i kaluan Prokurorisë së Rrethit Gjyqësor Durrës, për veprat penale “Vrasja me dashje, e mbetur në tentativë” dhe “Mbajtja pa leje e armëve të ftohta”.
Durrës /Informacion
Specialistët për Hetimin e Krimeve në Komisariatin e Policisë Durrës arrestuan në flagrancë shtetasin:
- B., 56 vjeç, banues në Durrës.
Ky shtetas, më datë 09.03.2020, në lagjen nr. 16, Durrës, pas një konflikti për motive të dobëta, ka goditur me mjet prerës (thikë), në pjesën e gjoksit, shtetasin A. N., 25 vjeç, banues në Durrës, i cili ndodhet në spital nën kujdesin e mjekëve.
Materialet i kaluan Prokurorisë së Rrethit Gjyqësor Durrës, për veprat penale “Vrasja me dashje, e mbetur në tentativë” dhe “Mbajtja pa leje e armëve të ftohta”.
ger ta09:41 | 04/03/2020
Policia e Tiranës ka arrestuar 5 persona, ndërsa janë shpallur në kërkim 2 të tjerë. Sipas bluve të kryeqytetit nga hetimet e kryera ka rezultuar se në bashkëpunim me njëri-tjetrin kanë regjistruar 4 subjekte fiktive dhe gjatë viteve 2018-2019 kanë bërë ndërmjet tyre shitje fiktive në vlera të konsiderueshme monetare që arrijnë vlerën 130.052.820 lekë, duke i shkaktuar shtetit, nëpërmjet tatimit mbi vlerën e shtuar, një dëm financiar në vlerën 20.568.304 lekë.
Burime për ABC Neës bëjnë me dije së të arrestuarit në këtë operacion janë, Leonard Runa 33 vjeç, Elsion Allushi 34 vjeç, Adrian Keke 51 vjeç, Samuel Hajdini 32 vjeç dhe Shpat Agolli 35 vjeç.
Njoftimi i plotë:
Në vijim të goditjeve të njëpasnjëshme kundër informalitetit, Seksioni për Hetimin e Korrupsionit në Drejtorinë Vendore të Policisë Tiranë, në bashkëpunim me Drejtorinë e Hetimit Tatimor pranë Drejtorisë së Përgjithshme të Tatimeve dhe Prokurorinë pranë Gjykatës së Shkallës së Parë Tiranë, pas një pune njëmujore, me metoda speciale të hetimit, finalizoi me sukses Operacionin Policor “NDËRMJETËSI“, në kuadër të të cilit u bë kapja dhe ndalimi i shtetasve:
-Sh. A., 35 vjeç, banues në Tiranë, administrator i një shoqërie, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave” dhe “Mospagim i taksave dhe tatimeve”;
-S.H 32 vjeç, specialist i sektorit te asistences dhe sherbimit te tatimpaguesve, ne drejtorine e sherbimit te tatimpaguesve ne Drejtorine Rajonale tatimore Tirane për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave”, “Mospagim i taksave dhe tatimeve” dhe “Shpërdorimi i detyrës”;
-E. A., 34 vjeç, banues në Tiranë, administrator i zyrës së kontabilitetit në një firme private, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave”, “Mospagim i taksave dhe tatimeve” dhe “Shpërdorimi i detyrës”;
-L. R., 33 vjeç, banues në Tiranë, ekonomist tek zyra e kontabilitetit në një firme private, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave” dhe “Mospagim i taksave dhe tatimeve”, .
-A. K., 51 vjeç banues në Tiranë, i përfshirë në skemën e mashtrimit, pasi ka bërë deklarimet e subjekteve fiktive, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave” dhe “Mospagim i taksave dhe tatimeve”;
Gjithashtu u shpallën në kërkim shtetasit me iniciale I. D. dhe D. S., për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave” dhe “Mospagim i taksave dhe tatimeve”.
Për të gjithë këta shtetas, Gjykata e Rrethit Gjyqësor Tiranë ka caktuar masën e sigurimit “Arrest në burg“.
Nga hetimet e kryera ka rezultuar se shtetasit e mësipërm, në bashkëpunim me njëri-tjetrin kanë regjistruar 4 subjekte fiktive dhe gjatë viteve 2018-2019 kanë bërë ndërmjet tyre shitje fiktive në vlera të konsiderueshme monetare që arrijnë vlerën 130.052.820 lekë, duke i shkaktuar shtetit, nëpërmjet tatimit mbi vlerën e shtuar, një dëm financiar në vlerën 20.568.304 lekë.
Materialet procedurale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të mësipërm, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, “Fshehja e të ardhurave”, “Mospagim i taksave dhe tatimeve” dhe “Shpërdorimi i detyrës”.
eri Ida11:44 | 03/03/2020
Ka shkuar në 37 numri i të arrestuarve nga operacioni “Mezhgorani”. Këtë të martë policia e Përmetit ka vënë në pranga një person të shpallur në kërkim si i dënuar për organizim të lojrave të palejuara.
Përmet
Vijon operacioni “Mezhgorani”. Shkon në 37 numri i të arrestuarve.
Vihet në pranga një tjetër person i shpallur në kërkim.
Në vijim të punës për kapjen e personave të shpallur në kërkim në kuadër të operacionit policor “Mezhgorani”, u ndalua një prej personave të shpallur në kërkim.
Nga strukturat e Drejtorisë Vendore të Policisë Gjirokastër u ndalua shtetasi B. M., 32 vjeç, banues në Mallakastër, për të cilin Gjykata e Rrethit Gjyqësor Përmet ka caktuar masën e sigurisë “Arrest në burg”, për veprat penale “Organizim i lotarive të palejuara” dhe “Moskallëzim krimi”.
5 ditë më parë, pas një hetimi 6-mujor u finalizua operacioni “Mezhgorani”, në kuadër të të cilit u arrestuan, u ndaluan dhe u proceduan 53 shtetas.
Gjatë operacionit u sekuestruan 3 pushkë automatike me silenciator, 2 kallashnikov, 10 kallëpe tritol, 620 fishekë, 2 granata difensive, 71 krehër fishekësh, 20 automjete te markave të ndryshme, 40 telefona celular, dokumente noteriale, kontrata, certifikata pronësie të ndryshme, rreth 130 kg kanabis, shuma prej 10 milion lekësh, 7500 euro, si dhe 3500 euro të dyshuara të falsifikuara.
Vijon puna për kapjen e shtetasve të tjerë të shpallur në kërkim në kuadër të operacionit “Mezhgorani”./abcnews.al
ger ta09:29 | 02/03/2020
Policia italiane kanë zhvilluar një operacion të koduar “Kitchen”. Operacioni është realizuar në bashkëpunim me repartet policore në Alessandria, Como, Monza, Brianza, Pavia, Ferrara e Verona si dhe me autoritetet policore të Shqipërisë, Belgjikës, Gjermanisë, Rumanisë e Spanjës.
Sipas mediave italiane operacioni ka çuar në arrestimin e një grupi personash, të akuzuar për pjesëmarrje në aktivitet kriminal të trafikimit të lëndëve narkotike, dëmtimi i qëllimshëm, grabitje, dhe posedimin dhe shitjen e armëve.
Ndërkaq, detajet e operacionit do të jepen parditen e sotme në një konferencë për shtyp në orën 11:00. /abcnews.al
in a15:22 | 01/03/2020
Prokuroria e Përmetit ka kërkuar masën e sigurisë “arrest me burg”, për 26 nga 28 të arrestuarit në operacionin “Mezhgorani”.
Për Shpresa Gjoçin mësohet se Prokuroria ka kërkuar masën e sigurisë “arrest shtëpie”, ndërsa për Kejsi Meçon “detyrim paraqitje”.
Burime për abcnews.al bëjnë me dije se seanca për të arrestuarit është shtyrë me 3-4 orë.
eri Ida12:39 | 01/03/2020
Këtë të dielë në gjykatën e Përmetit do të zhvillohet seanca gjyqësore për të për masat e sigurisë për të arrestuarit në kuadër të operacionit “Mezhgorani“, nga i cili ra në prangat e Policisë, botuesi Henri Çili dhe 35 persona të tjerë.
Gazetari i abcnews.al, Orgest Sako raporton se pak para nisjes së seancës, prokurori Asllan Barjami ka kërkuar shkarkimin e gjykatëses Yrvete Shkreli dhe seanca do të drejtohet nga gjykatësi Dritan Hasani, i cili do të jetë edhe gjykatësi i masës se sigurisë. Ndër të tjera gazetari i abcnews.al ka theksuar se Henri Çili nuk ka pranuar asnjë nga akuzat që prokuroria ka paraqitur, ai ka theksuar akuzat ndaj tij janë politike.
Ndërkohë një ditë më parë avokati i Henri Çilit, Andi Duraj, deklaroi se klinetit të tij po i bëjnë padrejtësi dhe se Prokuroria e Përmetit është nxituar pasi nuk ka as juridiksion, as kompetencë për ndalimin e Çilit.
Çili, është arrestuar gjatë operacionit “Mezhgorani”, mbrëmjen e të enjtes, bashkë me të janë ndaluar edhe avokati Ilir Korbi, biznesmeni Sait Fishta dhe 32 persona të tjerë. Botuesi akuzohet për 6 vepra penale, ku më e rënda është ajo e ushtrimit të ndikimit tek gjyqtarët për të liruar Arbion dhe Alban Aliko, dy lazaratasin e dënuar për vrasjen e efektivit të RENEA-s në Lazarat, Ibrahim Basha./abcnews.al
Vladimir Prenga10:28 | 29/02/2020
Derbi i kryeqytetit, Tirana-Partizani, një ditë më parë ka pasur tension dhe Policia e Shtetit nuk ka qëndruar duarkryq para shkeljeve ligjore. Sot ajo ka dalë me njoftim dhe bën me dije se janë arrestuar dy persona, ndërkohë që janë proceduar edhe 9 të tjerë. Gjithashtu po punohet për identifikimin e të tjerë personave, si dhe për kapjen e atyre që janë shpallur në kërkim.
NJOFTIMI I POLICISË – 11 të proceduar, ndër ta dy të arrestuar për shkatërrim të pronës, prishje të rendit e qetësisë dhe hedhje të sendeve të forta në fushë, gjatë zhvillimit të ndeshjes së futbollit midis ekipit të Tiranës dhe Partizanit, në stadiumin “Air Albania”.
Më datë 28.02.2020, në orën 19:00, në stadiumin “Air Albania” u zhvillua ndeshja e futbollit ndërmjet skuadrave të Tiranës dhe Partizanit. Gjatë zhvillimit të ndeshjes së futbollit janë kryer veprime të dhunshme nga tifozët, janë hedhur sendet të forta në fushën e lojës, janë dëmtuar stolat, si dhe janë futur në fushën e lojës gjatë zhvillimit të ndeshjes.
Pas veprimeve të shpejta hetimore të kryera nga ana e Seksionit për Hetimin e Krimit në Komisariatin e Policisë Nr. 1 Tiranë, janë identifikuar dhe arrestuar në flagrancë dy tifozë, për veprat penale “Veprime të dhunshme në aktivitetet sportive” dhe “Shkatërrimi i pronës”, konkretisht: A.M., 24 vjeç dhe M.U, 27 vjeç, të dy banues në Tiranë.
Gjithashtu u proceduan në gjendje të lirë për veprën penale “Shkatërrim prone” dhe 9 tifozë të tjerë, konkretisht shtetasit: M.H, A.P, G.M, L.T, A.M, A.O, K.R, R.J dhe K.M. Vijon puna për kapjen e personave të shpallur në kërkim dhe identifikimin e përsonave të tjerë të përfshirë në këto veprime të kundërligjshme. Materialet hetimore do t’i referohen Prokurorisë Pranë Gjykatës së Shkallës së Parë Tiranë, për veprime të mëtejshme. /abcnews.al
in a10:56 | 27/02/2020
Policia e Korçës në bashkëpunim me Policinë Kufitare dhe Prokurorinë e Rrethit bën me dije se është finalizuar operacioni i koduar “Kryqëzimi”. Si pasojë e këtij operacioni arrestohen në flagrancë 4 shtetas dhe 1 tjetër shpallet në kërkim.
Autorët kapen kapen duke transportuar 8 persona të huaj në kufi.
Informacion nga Policia:
Finalizohet një tjetër operacion policor për goditjen e veprimtarisë kriminale në fushën e dhënies së ndihmës shtetasve të huaj, për kalim të paligjshëm të kufirit kundrejt fitimit.
Pas një hetimi të kryer nga DVP-Korçë në bashkëpunim me Policinë Kufitare dhe Prokurorinë e Rrethit Gjyqësor Korçë, u finalizua operacioni i koduar “Kryqëzimi”.
Kapen duke transportuar 8 shtetas të huaj, arrestohen në flagrancë 4 shtetas dhe 1 tjetër shpallet në kërkim.
Nga strukturat e Sektorit për Hetimin e Krimeve në Drejtorinë Vendore të Policisë Korçë, në bashkëpunim me Drejtorinë Vendore të Kufirit dhe Migracionit Korçë dhe Prokurorinë pranë Gjykatës së Shkallës së Parë Korçë, u finalizua me sukses operacioni policor i koduar “Kryqëzimi”, si rezultat i të cilit u bë kapja dhe arrestimi në flagrancë i shtetasve:
K. S., 24 vjeçe, banuese në Vlorë; F. K., 24 vjeç; R. D., 19 vjeç; R. H., 20 vjeç, banues në Durrës.
Si edhe u shpall në kërkim shtetasi R. K., 17 vjeç, banues në Durrës.
Shtetasit e mësipërm, janë kapur në flagrancë nga shërbimet e policisë pranë kryqëzimit të fshatit Libonik, Maliq, duke transportuar në drejtim të Tiranës me mjetet tip “SAAB”, “Fiat” dhe “Mercedes-Benz”, tetë shtetas të huaj, të cilëve nga hetimet e kryera rezulton se iu kishin premtuar kalimin drejt vendeve të BE-së, kundrejt pagesës prej 150 euro secilit.
Në cilësinë e provës materiale u sekuestruan 4 automjete dhe 6 celularë.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprën penale “Ndihma për kalim të paligjshëm të kufijve, kryer në bashkëpunim” e cila dënohet me burgim nga pesë deri në dhjetë vjet./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
