VIDEO/ Mundi i tij shpërblehet, lojtari i Shpresave firmos kontratë 3-vjeçare në Angli

schedule19:50 - 30 Nëntor, 2021

schedule 19:50 - 30 Nëntor, 2021

Lojtarët shqiptarë që po arrijnë të bëjnë mirë në kampionatet angleze janë të shumtë. I fundit që i është shtuar listë së tyre është Anis Mehmeti, lojtari i Shpresave të Shqipërisë i cili ka arritur të bëjë për vete drejtuesit e skuadrës së Wycombe Wanderers, të cilët kanë rënë dakort dhe kanë firmosur një kontratë 3-vjeçare.

Skuadra ku aktivizohet Mehmeti aktualisht ndodhet në ligën e tretë angleze dhe qëllimi kryesor i tyre këtë sezon është ngjitja në kategorinë e dytë angleze, dhe për këtë projekt shqiptari është parë shumë i rëndësishëm.

Mesfushori i përfaqësueses Shpresa, sot ka nënshkruar një marrëveshje që e lidh deri në vitin 2024 me klubin në fjalë.

“Jam i lumturuar që hodhëm këtë firmë pasi ishte një rrugëtim i gjatë. Jam këtu që të qëndroj dhe dua të kthehemi përsëri në Championship ”, ishin fjalët e Mehmetit pas firmës në intervistën që dha për faqen e klubit pas firmës së kontratës.

/f.a/abcnews.al