Loading ...
Një person ka mbetur i plagosur me armë zjarri pak pas mesnate në periferi të Tiranës.
Ngjarja është regjistruar në zonën e Shkozës, ndërsa personi i plagosur është Anxhelo Kumaraku, efekti policie, punonjës në komisariatin nr. 4 në Tiranë.
Sipas burimeve për ABC News, autori i dyshuar është larguar nga vendngjarja me një fuoristradë tip BMW, policia e ka identifikuar dhe ka ngritur pika kontrolli për arrestimin e tij.
Efektivi është dërguar në Spital ku mësohet se ndodhet jashtë rrezikut për jetën.
Hetimet kanë nisur sakaq për zbardhjen e plotë të ngjarjes.
Njoftimi i policisë
Më datë 18.05.2026, rreth orës 00:10, në zonën e Shkozës, në rrethana ende të paqarta, është plagosur, dyshohet me armë zjarri, shtetasi A. K., rreth 30 vjeç, punonjës policie jashtë shërbimit.
30-vjeçari është transportuar në spital dhe ndodhet jashtë rrezikut për jetën.
Menjëherë pas marrjes së njoftimit, shërbimet e Policisë kanë ngritur pika kontrolli dhe po vijojnë kontrollet intensive në zonë, me qëllim kapjen e autorit/ëve.
Grupi hetimor dhe Agjencia e Mbikëqyrjes Policore (AMP), nën drejtimin e Prokurorisë, ndodhen në vendngjarje dhe po punojnë për sqarimin e plotë të rrethanave, identifikimin e autorit/ëve dhe dokumentimin ligjor të ngjarjes.
