Kosova shtrëngon masat anti-Covid, vendosen orare për daljen

schedule13:07 - 31 Tetor, 2020

schedule 13:07 - 31 Tetor, 2020

Ministri i Shëndetësisë, Armend Zemaj, në një konferencë për media pas mbledhjes së Komitetit për parandalimin e  pandemisë, ka bërë publike masat e reja të marra për mbrojtjen nga COVID-19 në Kosovë.

Me masat e reja, personave mbi moshën 65-vjeçare u lejohet dalja jashtë shtëpisë gjatë këtij orari 6:00-10:00 dhe 16:00-19:00, ndërsa jashtë këtij orari kanë të drejtë të dalin vetëm për nevoja shëndetësore.

Zemaj tha se  se qendrave tregtare u ndalohet aktiviteti nga ora 21:00 deri në orën 5 të mëngjesit. Gjithashtu edhe gastronomisë i ndalohet veprimtaria nga ora 21:00 deri në orën 5 të mëngjesit, përveç shërbimit “merr me vete”

“Qendrat tregtare do t’iu ndalohet veprimtaria nga 21:00 deri në 5 të mëngjesit. Gastronomia: 21 deri në orën 5, përveç shërbimit të take aëay”, ka thënë Zemaj.

Ministri gjithashtu ka treguar se institucionet publike dhe private do të duhet që të reduktojnë stafin. Në këtë kufizim të stafit nuk përfshihen institucionet e sigurisë dhe shëndetësia.

“Është e domosdoshme që të reduktohet numri i stafit në nivel qendror, në institucionet publike dhe private.  Shëndetësia dhe Siguria do të vazhdojnë të punojnë me kapacitete të plota”, ka thënë Zemaj.

“Ligjëratat të zhvillohen vetëm online nëpër universitete”, ka shtuar ai. Ministri ka thënë se këto masa do të analizohen brenda 2 jave dhe do të rishikohen.