koronavirus

spain-coronavirus.jpg
eri Ida12:04 | 31/03/2020

Spanja vijon të jetë nën pushtetin e frikshëm të koronavirusit ku vetëm në 24 orët e fundit janë shënuar 849 viktima duke e cuar në 8189 numrin e personave që kanë humbur jetën.

Lajmi bëhet i ditur nga ministria e Shëndetësisë e cila raporton se numri total i të infektuarve në vend është 94.417 persona, 9 000 më shumë se dita e hënë. Ndërkohë deri më tani janë shëruar rreth 19 mijë pacientë dhe mbi 500 persona ndodhen në terapi intensive.

Spanja është vendi i dytë në botë pas Italisë që shënon shifrat më të larta të viktimave nga COVID 19, dhe e treta porsa i përket numrit të personave të infektuar. /abcnews.al

 

altin-prenga.jpg
ger ta11:56 | 31/03/2020

Në kushtet e bllokimit të lëvizjes, fermerët e vegjel në Lezhë po përballen me vështirësi.

Dorëzimi i produkteve tek grumbulluesit është e vetmja zgjidhje që fermerët kanë për të vijuar prodhimet. Nëse kjo nuk do të ishte e mundur atëherë prodhimi do të reduktohej vetëm për përdorim personal.

Altin Prenga prodhues i produkteve bujqësore dhe blegtorale thotë se duhen gjetur zgjidhje te tjera.

“Pensionistët që gjithmonë kanë qenë ata që kanë punuar kopshtnijet, fatkeqësisht është në dorë të tyre një jesh e mikrobujqësisë. Ata janë edhe të izoluar brenda na nga frika dhe shumë baçe do të mbesin pa punuar këtë vit”, thotë ai.

Prenga ka friken se kete vit mund te ulen mbjelljet. Sipas tij kjo do të reflektohet ne prodhim dhe mund të sjellë rritje të çmimit.

“Ne realisht e dimë që kemi të bëjmë me një situatë kaotike. Por duhet të diskutohet edhe puna e fermerëve se është një nga ato temat që nuk është prekur fare. Këto janë situata të tmerrshme dhe krijojnë viktima, një ndër to është edhe fermeri”, shprehet ai.

Është momenti që të kthehet vëmendja nga bujqësia si një element që  nuk të jep fitime të mëdha por mund të jetohet.

Altini vazhdon të grumbulloje produktet e fermerëve të zonës pasi ai vazhdon të shpërndajë në familje, por nuk e di sesa kjo do të zgjasë./abcnews.al

wuhan-coronavirus-5-bestaetigte-faelle-von-coronavirus-in-den-usa.jpg
eri Ida11:49 | 31/03/2020

Dy raste të tjerë janë konfirmuar pozitiv këtë të martë në Kosovë duke e çuar në 108 numrin e personave të infektuar me koronavirus. Lajmi është bërë i ditur nga Instituti Kombëtar i Shëndetësisë Publike të Kosovës.

Instituti Kombëtar i Shëndetësisë Publike të Kosovës përmes njoftimit për mediat është shprehur se pacienti nga Gjakova është kontakt i dy familjarëve të rezultuar pozitiv dhe pacienti i dytë pozitiv nga Prizreni është infektuar jashtë shtetit.

Në IKShPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 2.265 kontakte të rasteve.

Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente./abcnews.al

Infektivi_0-1.jpg
Autor E11:32 | 31/03/2020

Ka shkuar në 8 numri i të prekurve nga koronavirusi në rrethin e Shkodrës.

Numri më i madh i të prekurve duket të jetë në Vaun e Dejes, ku edhe është shënuar rasti më i ri ditën e sotme.

Abc News mëson se i prekuri më i ri është nipi i një familjeje në Vaun e Dejes, në të cilën më parë ishin infektuar edhe xhaxhai i tij, gjyshja, nusja e xhaxhait si edhe një vajzë.

Pak ditë më parë, në redaksinë e abcnews.al erdhi një denoncim nga Vau i Dejes, ku një pjestare e familjes së prekur pretendonte se të afërmve të tjerë nuk i ishte marrë tamponi edhe pse kishte të prekur brenda tyre.

Kur xhaxhai ishte ndjerë keq, nipi i kishte bërë frymëmarrje artificiale atij.

Xhaxhai rezultoi me koronavirus, ndërsa rasti më i ri sot është pikërisht nipi i cili duket të jetë infektuar prej tij. /abcnews.al

dokt-1280x646.gif
eri Ida11:27 | 31/03/2020

Mjeku epidemiolog në Prishtinë Lulzim Raka në një lidhje direkte për ABC Neës me gazetaren Juli Xhokaxhi është shprehur se është e vështire për momentin të bëhet një panoramë e qartë në lidhje me pikun e kurbës së koronavirusit.

Ai është shorehur se për të bërë një parashikim të tillë është e nevojshme të paktën që të kalohet dhe prilli.

Mjeku Raka ka theksuar se deri më tani falë masave të marra kurba si në Kosovë ashtu edhe në Shqipëri është e menaxhueshme, por patjetër kujdesi duhet të jetë i madh dhe jo vetëm tashmë por dhe në rastin e uljes së numrin të të infektuarve.

Pjesë nga intervista:

A keni adaptuar terapi mjekimesh në Kosovë si vendet e tjera?

Lakorja e rasteve në Kosovë ende është e sheshtë, por një pasqyrë e tillë do të shikohet kur të arrihet kur të arrihet pacienti i 100 dhe kjo lakore urojmë të jetë e sheshtë dhe të mos jetë vertikale, me të cilën do të kaloheshin dhe kapacitetet e përballjes së kapacitetit mjekësor. Sa i përket terapisë është e njëjta me atë që përdoret dhe në Shqipëri të barnave virale, ndërsa sa i përket barnave që janë reklamuar dhe folur për to nuk kanë ardhur akoma në Kosovë.

Duke bërë një lloj bilanci të personave që janë prekur në Kosovë me COVID 19 cilët janë moshat që janë më të prekur?

Përsa i përket një raporti të tillë janë të prekur të gjithë moshat dhe pse numri më i lartë është i atyre të moshave të mesme dhe të moshuarve. Tashmë çdo ditë ka një shtrirje më të gjërë të rasteve me përfshirjen e komunave të reja dhe besoj se me ardhjet e reja mendoj se do të shkojmë në fazën të gjurmojmë rastet dhe të testojmë sa më shumë raste. Ne nuk mund ta ndjekim rastin e Kinës, Koresë së Jugut dhe të Singaporit pasi nuk i kemi kapacitetit.

Nëse do të ishte mundësia për të bërë testimi në masë, mendoni se do të kishim mundësinë ta shuanim në një masë më të shpejtë?

Çdo gjë varet nga kapacitetet ekzistuese Sot dëgjojmë çdo ditë informacione për testime të reja të ndryshme siç janë ato molukolare, dhe jo në bazë të antitrupave. Janë teste që kanë mund ti afrohen 95% të tregimit  që shumë shtete të botës që kanë kapacitet po e bëjmë si një mënyrë për të bërë të mundur zbulimin e shumë pacientëve në një kohë të shkurtër, që shumë pacientë të izolohen në shtëpi dhe të mos kemi kontaktin e tyre me personel mjekësor duke mos i rrezikuar.

Ka një pikëpyetje për mënyrën e përhapjes së infeksionit, pasi ka dhe raste që nuk kanë një histori udhëtimi apo kontakte me persona të tjerë të infektuar. A ngre kjo pikëpyetjen se mund të ketë dhe mënyra të tjera përhapje?

Unë mendoj se jo, pasi OBSH ka rikonstatuar se nuk ka përhapje në rrugë ajrore, përveç rasteve të disa intervenimeve shëndetsore. Një element i rëndësishëm për pyetjen tuaj është fakti i prezencës së personave simptomatik dhe presimptomatik. Virusi përqëndrimin më të madh e ka 2-3 ditë para shfaqjen dhe këto njerëz nuk i zbatojnë këshillat dhe dalin jashtë e kontaktojnë me të afërmit kemi të bëjmë dhe me infektimin dhe me supërshpërndarjen.

A besoni se masat shtrënguese në kosovë dhe në Shqipëri mund ta ndërpresin zinxhirin e këtij virusi?

Në asnjë vend  nuk mund dhe nuk respektohen 100 % por këto masa janë që të këputet zinxhiri i lakores. Në fazën që kur jemi futur lakoren e viziton virusi tashmë. Kulmi i kapaciteteve shëndetsore nuk duhet që të preket. Në Kosovë pritet që lakorja të fillojë rënien, kjo lakore lidhet me numrin e vdekjeve dhe shfaqjen e rasteve të reja dhe kjo tregon se është lajm i mirë. Ne akoma nuk jemi në atë fazë jemi në rritje.

Kjo do të thotëse kur të fillojë zhbërja do të jetë pak a shumë i njëtë pak a shumë në të gjithë shtetet, apo secili vend e ka në mënyrë individuale?

Kjo varet nga specifikat dhe nga kapacitetet e tyre por kjo periudhë prej shfaqjes së rasteve të para një javë apo dy javë para mesatarja është 8 javë. Dhe masat e ndërmarra dhe do të ndërmerren varet nga numri i rasteve ditore dhe javore dhe masat duhet te jenë graduale.

A ndodh që mund të zhduket, siç mund të  ketë ndodhur me SARS që mendohet se është zhdukur?

Është vështirë të parashikohet kjo për koronavirusin, pasi është shtrirje globale është virus i ri akoma nuk ka bërë 3 muaj, dhe nuk e dimë se si do të sillet. Ndoshta ndikojnë rrezet ultravjollcë, klima mirëpo nuk duhet të presim se ky është një virus që mund të zhduket. Pasi kujdesi duhet të jetë dhe për më vonë.

Sa i takon masave të marra, është dhe një diskutim nëse duhet të bëhet një diziinfektim total në çdo ambient siç e kemi parë të ndodhe në kinë dhe në Itali, por nga ne nuk është bërë në masë. A do të duhej një lloj dezinfektimi

Në kushte pandemie kjo është një masë që e  kanë bërë shumë shtete. Kundërshtarët e diinfektimeve masive ka pro dhe kundër në këtë diskutim. Çdo vendim që merret në kohë pandemish nuk është i lehtë, i vetmi qëllim është mbrojtja e jetës së njerëzve.

Një tjetër diskutim është ai me rracat njerëzore se si reagojnë ndaj një virusi të caktuar. Sa vlen një gjë e tillëpër koronavirusin?

Sa i përket imunitetit, ky është jë virus i ri që askush nuk ka imunitet i prek të gjithë sa i përket racave ka pasur disa mendime se ai prek racën e verdhë por rastet dhe situatae fundit në SHBA dhe në Itali e hodhi poshtë një gjë të tillë. Realiteti tashmë na tregon se nuk ka rëndësi se ku ndodhesh.

Vaksinimi i popullatës është një tjetër vendim. Përshembull si në rastin e malarias ku ka qenë një vaksinë e përdorur. A mund të kemi një procedurë të tillë dhe sa mund të ndikojë kjo mbrojtje si popullatë ndaj koronavirusit?

Përdorimi i vaksinave që është bërë në rastin e turbekulozit dhe të malarias janë në fazë hulumtimi pasi akoma nuk ka një përgjigje të saktë nëse ajo do të ketë një efekt të veçantë për koronavirusin.

Çfarë vjen nga natyra edhe zgjidhjen e ka në natyrë”, a mund të mendojmë se mund të ketë një zgjidhje sa më e thjeshtë?

Patjetër që mund të jetë, por ne mund të ndihmojmë që ta kalojmë këtë betejë.

Kur besoni se duhet të dalim lirdhëm nga shtëpia?

Është pyetje 1 mln dolarëshe, por nëse marrim në shqyrtim atë që kanë kaluar vendet e tjera do të na duhet muaji prill muaji i përballjes me koronavirusin. /abcnews.al

adsdsff-1280x729.jpg
Autor E11:19 | 31/03/2020

Zv.ministrja e Shëndetësisë, Mira Rakacolli konfirmoi 20 raste të reja me koronavirus gjatë 24 orëve të fundit në Shqipëri.

Numri më i madh i rasteve të reja janë konfirmuar pikërisht në qytetin e Durrësit, i cili përjetoi një qetësi në këtë drejtim pas rasteve të para gjatë fillimit të krizës së koronavirusit në vend, shkruan abcnews.al.

Siç raporton Minsitria e Shëndetësisë, në Durrës janë konstatuar 12 të prekur të rinj duke e çuar numrin total të rasteve në 26 në këtë rreth.

Rrethi i dytë me zgjerimin më të madh në rasteve me koronavirus gjatë 24 orëvë të fundit është Tirana me 5 persona që rezultuan pozitivë.

Gjatë ditës së sotme nuk ka patur asnjë rast të ri në Korçë, ndërsa është shënuar nga një rast i ri në Fier dhe Shkodër.

Në total, Shqipëria numëron 243 raste me koronavirus, 13 persona kanë ndërruar jetë, kurse 52 persona janë shëruar. Ministria njofton ndërkohë që 78 persona gjenden të shtruar në spital.

Rastet e reja me koronavirus gjatë 24 orëvë të fundit
12 raste Durrës
5 raste Tiranë
1 rast Shkodër
1 rast Korçë
1 rast Mirditë.  /abcnews.al

ambulanca-infektivi.jpg
ger ta11:14 | 31/03/2020

Është rritur papritur numri i të prekurve me koronavirus në vend. Ndonëse në ditët e fundit pati ritme të ulëta, ministria e Shëndetësisë konfirmoi se janë shënuar 20 raste të reja në 24 orët e fundit, duke e çuar në 243 numrin e të infektuarve.

Ndërkaq, te spitali Infektiv janë aktualisht janë 77 të shtruar. 8 prej tyre janë në terapi intensive ndërsa 3 nga këta janë të intubuar. Siç njofton ministria, pjesa tjetër e të shtruarve në pavion janë në gjendje të stabilizuar deri në këto momente. Ndërkohë në spitalin COVID 2 “Shefqet Ndroqi” është një pacient i shtruar.

Lajmi i mirë është që gjatë 24 orëve të fundit kemi 8 pacientë të shëruar duke e çuar numrin e të shëruarve nga COVID-19 në 52.

Njoftimi nga ministria e Shëndetësisë: 

Në 24 orët e fundit janë testuar 145 persona të dyshuar, prej të cilëve janë konfirmuar 20 raste të reja me COVID-19.
Deri në këto momente janë testuar 1671 raste të dyshuara dhe prej tyre janë të konfirmuar pozitivë me COVID-19, 243 raste.
Mbrëmjen e kaluar dhe mëngjesin e sotëm kanë ndërruar jetë në spitalin Infektiv një paciente 82-vjeçare nga Tirana dhe një pacient 62 vjeçar nga Durrësi, të konfirmuar me COVID-19, me sëmundje bashkëshoqëruese.

Shkon në 13 numri i personave që kanë ndërrur jetë nga COVID-19 në Shqipëri. Ministria e Shëndetësisë dhe Mbrojtjes Sociale u shpreh ngushëllimet familjeve të të ndjerëve.

Ju informojmë se aktualisht, në shërbimin infektiv aktualisht janë 77 të shtruar. 8 prej tyre janë në terapi intensive ndërsa 3 nga këta janë të intubuar. Pjesa tjetër e të shtruarve në pavion janë në gjendje të stabilizuar deri në këto momente. Ndërkohë në spitalin COVID 2 “Shefqet Ndroqi” kemi një pacient të shtruar.
Lajmi i mirë është që gjatë 24 orëve të fundit kemi 8 pacientë të shëruar duke e çuar numrin e të shëruarve nga COVID-19 në 52.
Harta e të prekurve nga COVID-19 zgjerohet në Tiranë, Durrës, Shkodër, Mirditë dhe Korçë, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.
Shpërndarja gjeografike e rasteve pozitive, është si vijon:
– Tiranë 129 raste
– Durrës 26 raste
– Lushnje 4 raste
– Elbasan 5 raste
– Fier 23 raste
– Kavajë 4 raste
– Rrogozhinë 2 raste
– Korçë 15 raste
– Vlorë 5 raste
– Shkodër 8 raste
– Lezhë 5 raste
– Berat 1 rast
– Has 2 raste
– Krujë 5 raste
-Tropojë 4 raste
– Pukë 3 raste
– Mirditë 2 raste

Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Respektoni masat e distancimit social sepse vetëm kështu mund ta përballojmë këtë sfidë! Ministria e Shëndetësisë apelon qytetarët të telefonojnë në numrin 127 të urgjencës kombëtare nëse dyshojnë se kanë shenja të COVID-19.

/abcnews.al

1585179914_1584223249infektivi-1.jpg
eri Ida11:05 | 31/03/2020

Rritet numri i viktimave nga koronavirusi në Shqipëri, një 62 vjeçar ka humbur jetën duke e çuar në 13 numrin e viktimave.

Ministria e Shëndetsisë bën me dije se mëngjesin e kësaj të marte ka mundur jetën një 62 vjeçar nga Durrësi, të konfirmuar me COVID-19, me sëmundje bashkëshoqëruese.

Ndërkohë mbrëmjen e kaluar ka ndërruar jetë në spitalin Infektiv një paciente 82-vjeçare nga Tirana.

Ndërsa numri i përgjithshëm i personave të konfirmuar pozitiv me koronavirus në vendin tonë është 243 persona dhe 52 të tjerë janë shëruar. /abcnews.al

infektivi-e1580298075329.jpg
Autor E11:02 | 31/03/2020

Është rritur sërish numri i të prekurve nga koronavirusi në vend edhe pse me ritme më të ulta gjatë ditëvë të fundit.

Ministria e Shëndetësisë konfirmon se gjatë 24 orëvë të fundit janë konstatuar 20 raste të reja duke e ëuar numrin total të të prekurve nga koronavirusi në 243.

Gjatë 24 orëve të fundit kanë ndërruar jetë 2 persona duke e çuar numrin e viktimave ka shkuar në 13.

Zonat më të prekura deri më tani janë Tirana, Fieri dhe Durrësi, ndërsa sëfundmi, hartës së koronavirusit i janë shtuar Mirdita, Tropoja dhe Kruja.

Shpërndarja gjeografike e rasteve pozitive, është si vijon:
– Tiranë 129 raste
– Durrës 26 raste
– Lushnje 4 raste
– Elbasan 5 raste
– Fier 23 raste
– Kavajë 4 raste
– Rrogozhinë 2 raste
– Korçë 15 raste
– Vlorë 5 raste
– Shkodër 8 raste
– Lezhë 5 raste
– Berat 1 rast
– Has 2 raste
– Krujë 5 raste
-Tropojë 4 raste
– Pukë 3 raste
– Mirditë 2 raste

🔴MINISTRIA E SHËNDETËSISË DHE MBROJTJES SOCIALE – Përditësimi i situatës së COVID-19 nga Zv/Ministrja e Shëndetësisë, Mira Rakacolli

Gepostet von Ogerta Manastirliu am Dienstag, 31. März 2020

Vijon…

koronavirusi-infektivi-urgjenca17.jpg
Autor E10:39 | 31/03/2020

Ka shkuar në tre numri i personave të prekur nga Task Forca për Koronavirusin pranë Ministrisë së Shëndetësisë.

Mësohet se i infektuar është mjeku Andi Koraqi, shef i Laboratorit të Mikrobiologjisë në QSUT.

Më parë, nga Task Forca ishte infektuar Skënder Brataj, shefi i Urgjencës Kombëtare dhe pak ditës më vonë edhe Drejtoresha e Operatorit të Shërbimit Shëndetësor Mirela Cami. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono