Sot po mbahet takimi mes kryeministrit të Kosovës, Albin Kurti dhe presidentit të Serbisë, Aleksandar Vuçiç në Ohër të Maqedonisë. Shpresat janë të shumta për arritjen e një marrëveshje me shefin e politikës së jashtme Joseph Borell, i cili është shprehur optimisht së bashku me sekretarin e përgjithashëm të NATO-s që shpreson të arrihet përparim për sigurinë dhe të ardhmen europiane.
Jens Stoltenberg ka postuar një mesazh në Twitter duke mbështetur të dy vendet dhe dialogun.
The #EU-facilitated talks in Ohrid are important and I expect @predsednikrs & @albinkurti to engage constructively & make progress. This is key for lasting stability & the region’s European & Euro-Atlantic future. @NATO_KFOR continues to work for a stable & peaceful Kosovo.
— Jens Stoltenberg (@jensstoltenberg) March 18, 2023
“Bisedimet e ndërmjetësuara nga BE që po mbahen në Ohër janë të rëndësishme dhe unë pres si nga presidenti i Serbisë dhe i Kosovës të angazhohen në mënyrë konstruktive dhe të shënojnë përparim në dialog.
Ky është çelësi për një stabilitet të qëndrueshëm dhe të ardhmen europiane dhe euroatlantike të rajonit.
Forcat e NATO-s dhe të KFOR do të vazhdojnë të punojnë për një Kosovë stabile dhe paqësore, “ theksoi ai.
/abcnews.al
