Seksi, OBSH jep alarmin: Mos i ndërroni shpesh partnerët, burrat me burra të bëjnë kujdes maksimal!

schedule18:02 - 27 Korrik, 2022

schedule 18:02 - 27 Korrik, 2022

Më shumë se 18 mijë raste të lisë së majmunëve janë raportuar nga 78 vende të ndryshme në mbarë botën, sipas njoftimit të OBSH-së, e cila shpalli më 23 korrik përhapjen e virusit emergjencë shëndetësore globale.

Deri më tani 98% e rasteve janë gjetur jashtë vendeve afrikane, më së shumti te burrat homoseksualë, sipas raportit të OBSH.

Për këtë arsye drejtori i Përgjithshëm i Organizatës, Dr. Tedros Adhanom Ghebreyesus, i kërkoi këtij grupi të konsideronte reduktimin e numrit të partnerëve seksualë dhe ndarjen e informacionit të kontaktit me çdo partner të ri.

Lexo edhe: OBSH e shpalli emergjencë globale, si lija e majmunëve u përhap në mbarë botën

Ai thekson se vaksinimi dhe marrëdhëniet e kujdesshme seksuale janë mënyrat e vetme për të frenuar përhapjen e virusit.

“Ky është një shpërthim që mund të ndalet… mënyra më e mirë për ta bërë këtë është të zvogëloni rrezikun e ekspozimit,” tha Tedros në një konferencë shtypi në Gjenevë.

“Kjo do të thotë të bësh zgjedhje të sigurta për veten dhe të tjerët.”

Lija e majmunëve është në proces riemërimi për të shmangur përdorimin e emrit si “armë” ose në mënyrë raciste, tha drejtori i reagimit emergjent të OBSH-së, Mike Ryan.

Agjencia e OKB-së rekomandon vaksinimin për grupet me rrezik të lartë, duke përfshirë burrat që kryejnë marrëdhënie seksuale me burra dhe që kanë partnerë të shumtë seksualë, si dhe vaksinimin e punonjësve shëndetësorë.

Lexo edhe: Lija e majmunit emergjencë globale, sa e rrezikuar është Shqipëria? Mjeku tregon në “Abc Live” grupet me risk të lartë infektimi

OKB paralajmëroi se duhen disa javë pas marrjes së dozës së dytë të vaksinës për të fituar mbrojtje të plotë, kështu që njerëzit duhet të marrin masa të tjera paraprake deri atëherë.

Rreth 10 për qind e pacientëve janë shtruar në spital nga shpërthimi aktual dhe pesë kanë vdekur, të gjithë në Afrikë, tha OBSH.

Tedros tha se rreth 16 milionë doza të vaksinave të miratuara janë në dispozicion, por vetëm në masë, kështu që do të duhen shumë muaj për t’i futur ato në shishe./abcnews.al/