Rritet numri i të infektuarve në Vlorë, bashkëshortët rezultuan negativ në testin e parë

09:50 | 26/03/202009:500

Është shënuar viktima e 6-të nga Koronavirusi në Shqipëri.

Një 71-vjeçare ka humbur jetën mbrëmjen e djeshme në spitalin “Infektiv”.

Mësohet se 71-vjeçarja vuante nga hipertensioni ç’ka është bërë edhe shkak që të humbë betejën për jetën.

Deri tani numri i të infektuarve ka arritur 146 të infektuar nga Covid-19, 17 prej të cilëve janë shëruar duke mundur koronavirusin.

Pritet që numri i të infektuarve të pësojë rritje edhe gjatë ditës së sotme.

Ndërkohë në qytetin e Vlorës është konfirmuar edhe rasti i 5-të i infektuar nga Covid-19. Bëhet fjalë për një 70 vjeçare nga fshati Poro i Vlorës.

Siç raporton gazetari i ABC News Elton Nikaj bashkëshorti është izoluar në shtëpi.

Në 10 ditët e fundit cifti i bashkëshortëve ka qenë nën vëzhgimin e institucioneve shëndetësore në Vlorë.

Ditën e djeshme është kryer izolimi i banesës së bashkëshortëve por edhe i zonës përreth në fshatin Poro ndërsa po kryhet gjurmimi i të gjithë personave të tjerë që çifti i bashkëshortëve mund të ketë patur kontakt.

Çifti i bashkëshortëve ka ardhur nga Italia në datën 8 mars pas vizitës tek të afërmit e tyre.

Ata kanë bërë testin e parë për Covid-19 i cili ka rezultuar negativ ndërkohë në testin e dytë bashkëshortja ka rezultuar pozitive dhe bashkëshorti negativ.

Fshati Poro ndodhet rreth 20 km larg qytetit të Vlorës dhe siç dihet është një fshat mjaft i populluar./abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono