Përplasen dy automjete në Krujë, një viktimë

Një person ka humbur jetën si pasojë e një aksidenti rrugor të ndodhur pak minuta më parë pranë fshatit Bilaj, në Krujë.

Sipas informacioneve paraprake, dy automjete janë përplasur me njëri-tjetrin, ndërsa për shkak të përplasjes së fortë një person ka ndërruar jetë në vendngjarje.

Forca të Policisë dhe grupi hetimor kanë mbërritur në vendin e aksidentit dhe po punojnë për zbardhjen e rrethanave dhe shkaqeve që çuan në këtë ngjarje të rëndë.