“Paketa kundër krimit zgjedhor”, PD: Prioritet garantimi i fushë së barabartë për të gjithë prioritet

schedule12:11 - 13 Shkurt, 2020

schedule 12:11 - 13 Shkurt, 2020

Partia Demokratike paraditen e kësaj të enjteje kanë bërë publike propozimet e saj në tryezën 4 palëshe për reformën zgjedhore. Përmes një konference për mediat përfaqësuesit e PD për reformën zgjedhore Oerd Bylykbashi, Enkelejd Alibeaj dhe Ivi Kaso kanë dhënë detaje në lidhje me propozimet për reformën zgjedhore.

Ideleguari i PD për tryezën për Reformën Zgjedhore Bylykbashi është shprehur se synimi është garantimi i fushë lojës së barabartë për të gjithë aktorët. Sipas tij prioritet është parandalimi i krimit zgjedhor, në goditjen e tij para ditës së votimit, një rritje e instrumnentave, fuqizimi i instrumenteve që do të kenë në dorë pikërisht organet ligjzbatuese, me një kornizë kontrolli të fortë në mënyrë që jo vetëm të luajnë roline tyre por edhe të mos abuzohen nga qeveria.

“Sigurisht masat që ne parashikojmë, janë masa që kërkojnë mbi të gjitha respektimin e parimit themelor, që ka OSBE që është garantimi i fushë lojës së barabartë për të gjithë aktorët zgjedhorë, një parim i cili është konsakruar në paragrafin 5.4 të Dokumentit të Kopenhagenit të OSBE-së dhe që ka për qëllim, mbi të gjitha shkëputjen e shtetit nga politika, qënien e shtetit një organizëm neutral i cili funksionon në interes të publikut, të zgjedhësve dhe jo si aktor në favor të një partie që garon për të rrëmbyer pushtetin. Tre paketat tona prekin disa aspekte. Çështjet kryesore janë një rol i ri aktiv Prokurorisë dhe Policisë së Shtetit në parandalimin e krimit zgjedhor, në goditjen e tij para ditës së votimit, një rritje e instrumnentave, fuqizimi i instrumenteve që do të kenë në dorë pikërisht organet ligjzbatuese, me një kornizë kontrolli të fortë në mënyrë që jo vetëm të luajnë roline tyre por edhe të mos abuzohen nga qeveria. Por gjithashtu duke iu dhënë një rol të rëndësishëm instrumentave të tjerë në dorën e zgjedhësve për të qenë ata faktor kryesor në denonciin dhe goditjen e krimit zgjedhor. Një nga elementët kryesore që OSBE/ODIHR-i nënvizon në disa raporte; 2015, 2017, 2019 janë shitblerja e votës, është presioni mbi zgjedhësit që janë punonjës të administrarës, cenimi i sekretit të votës, cenimi i lirisë së votës.Qëllimi i propozimeve tona është që të godasin pikërisht këto fenomene, qoftë duke i parandaluar, qoftë duke i djekur penalisht, në mënyrë që të rritet besimi jo vetëm tek procesi, por edhe tek legjitimitetiti i organeve që dalin nga zgjedhjet”, deklaroi Bylykbashi.

Nga ana tjetër gjatë prezantimit të propozuar nga PD-ja për parandalimin e  krimit zgjedhore Ivi Kaso sqaroi futjen e nocionit të “sinjalizuesve”, të cilët do të denoncojë çdo fenomen të shit-blerjes së votës.

Duke futur nocionin e “sinjalizuesve” sa i përket kundravajtjeve administrative dhe veprave penale në fushën e zgjedhjeve, duke shkuar në një linjë me një legjislacion që ne e kemi që prej vitit 2006 dhe i amenduar në vitin 2016 sa i përket sinjalizuesve në përgjithësi. Pra nuk është një nocion i panjohur në kornizën ligjore aktuale. Por është një risi e propozimit të këtij nocioni për veprat penale në fushën e zgjedhjeve. E kemi propozuar si projekt amendamentet për të shtuar dy nene në kodin zgjedhor. Sinjalizuesit tradicionalisht dhe në mënyrë të natyrshme janë ajo pjesë e votuesve që janë identifikuar si votues të subjekteve kundërshtare, ose neutral ndaj të cilëve ushtrohet presion i madh vecanërisht nga subjektet që janë në pushtet. Për shkak të fyerjes, presionit ose përballë ryshfetit të propozuar kanë një predispozicion të brendshëm që ta denoncojnë atë nëse do tu mundësohet një kornizë ligjore që tu ofrojë atyre mbrojtje dhe garanci për vijimësi qoftë të marrëdhënieve të punës apo veprave penale të caktuara. Pra dy propozimet tona janë ato për shtimin e dy neneve në kodin zgjedhor”, tha Kaso.

Ndërkohë Enkelejd Alibeja  ka sqaruar mënyrën teknike të kësaj pakete, ku ai ka dhën detaje në lidhje me 4 direktiva kryesore që ata janë bazuar për të draftuar dispozitat ligjore.

“E para, mbrojtësi më i madh i votës është qytetari.Së dyti, duhen dhënë qytetarit instrumente në dorë për ta mbrojtur votën. Së treti, agjencitë ligjzbatuese do të duhet të mbrojnë votën duke zbatuar ligjin. Policia nuk duhet të heqë kapelen për të bërë vota për pushtetin. Polici duhet të mbajë në kokë kapelen dhe në dorë ligjin.Së katërti, shkelja e detyrimeve ligjore prej institucioneve shtetërore do të duhet të çojë në pavlefshmëri të zgjedhjeve”, është shprehur Alibeaj./abcnews.al