Mbi 263 milion doza të administruara në SHBA

Rreth 263 milion doza të vaksinës kundër Covid-19 janë administruar në Shtetet e Bashkuara, sipas të dhënave të botuara nga Qendrat Amerikane për Kontrollin dhe Parandalimin e Sëmundjeve.

CDC raportoi se janë administruar 263,132,561 doza, rreth 79% e 334,081,065 e dozave totale. Më shumë se 46% e popullsisë – 153 milion njerëz  kanë marrë të paktën një dozë dhe 35% e popullsisë – 117 milion njerëz  janë vaksinuar plotësisht.

SHBA mbetet një nga vendet më të prekura në botë nga koronavirusi. Vendi ka regjistruar 33,550,115  raste dhe 596,946 viktima që nga fillimi i pandemisë./abcnews.al