Mbërrijnë 5 mijë dozave Pfizer në Kosovë, Ministria e Shëndetësisë tregon se kush do vaksinohet nesër

schedule22:46 - 4 Maj, 2021

schedule 22:46 - 4 Maj, 2021

Pas ardhjes së kontigjentit të radhës prej 4 mijë e 680 doza të vaksinës Pfizer në Kosovë, ministria e Shëndetësisë ka publikuar një njoftim për procesin e vaksinimit.

MSH ka thënë se me rekomandim të Komitetit për vaksinim kundër COVID-19, këto doza të vaksinës Pfizer/Biontech do të përdoren për vaksinimin e punonjësve shëndetësorë, të cilët nuk kanë mundur të vaksinohen në fazën e parë të vaksinimit për arsye shëndetësore për çka duhet të kenë dëshmi, shkruan lajmi.net.

Vaksinimi do të rifillojë nesër, e mërkurë 5 maj 2021 me punëtorët shëndetësor nga e tërë Kosova, të cilët do të vaksinohen në sallën “1 Tetori”  në Prishtinë, duke filluar nga ora 10:00. ​

Ministria e Shëndetësisë ka pranuar sot 4680 doza të vaksinës Pfizer/Biontech kundër COVID-19, pjesë e parë e 95 000 dozave të cilat Bashkimi Evropian i ka ndarë për Kosovën në kuadër të mbështetjes së vendeve të Ballkanit Perëndimor në vaksinimin kundër COVID-19.