Kosovë/ Arrestohen dy persona që po tentonin të bllokonin objektin e komunës në Zveçan

Policia e Kosovës ka arrestuar dy persona në Zveçan, pasi pas mesnatës po saldonin hekura në objektin e komunës.

Zëdhënësi i Policisë për rajonin e veriut, Veton Elshani, deklaroi se është sekuestruar edhe një automjet, shkruan Kosova Press.

“Kemi marrë informacionin që diku pas orës 1 pas mesnatës, dy persona kanë nisur të saldonin hekura në objektin e Komunës në Zveçan. Policia ka dalë në vendin e ngjarjes, i ka arrestuar dy persona dhe ka sekuestruar një automjet”, ka thënë ai.

Disa ditë më parë strukturat paralele ilegale kanë rrethuar hyrjen kryesore në objektin e komunës në Zubin Potok, duke vendosur rrethoja prej hekuri.