Sport

ron.jpg
Klejdi Kaimi12:40 | 28/03/2020

Të takosh idhullin tënd është një ëndërr e kthyer në realitet. Kjo i ka ndodhur edhe ish-basketbollistit të Real Madrid, Luka Doncic, kur takoi për herë të parë Cristianon Ronaldo.

“Isha rreth 16 vjeç kur e takova atë. Isha shumë nervoz. Unë as nuk mund të flisja, kështu që unë nuk e pyeta asgjë. Një gjë që kam dashur të bëja, ka qenë të bëja një xhiro me një nga makinat e tij. Ai ka shumë makina sportive, të cilat gjithkush dëshiron që t’i ketë”, deklaron slloveni.

21-vjeçari tani luan me Dallas Mavericks dhe ende vazhdon të jetë një tifoz i madrilenëve. “Vazhdoj t’i ndjek ndeshjet e Reali dhe nga Amerika. Ka qenë një eksperiencë shumë e bukur për mua dhe do të jem gjithmonë një madrilen”, mbyll Doncic. /abcnews.al

Ceferin.png
Vladimir Prenga12:22 | 28/03/2020

Aleksander Ceferin, presidenti i UEFA-s, ka folur së fundmi për “La Repubblica”dhe normalisht një temë e rëndësishme ishte ajo ë fillimit të kampionateve në Europë dhe merkato. “Nëse klubet nisin të luajnë, edhe ne mund t’i mbarojmë kupat e Europës.

Pastaj, për vitin e ardhshëm mund të rregullohet numri i ndeshjeve në funksion të kampionatit Europian”, shprehet fillimisht Ceferin, i cili më pas flet edhe për transferimet e lojtarëve dhe lë të kuptohet se po mendohet që futbollistët, të cilëve kontrata u mbaron këtë verë, të qëndrojnë deri në janar në ekipet aktuale.

“Nëse sezoni nis përsëri, do të ishte i nevojshëm një kompromis. Tregu duhet të jetë i përshtatshëm. Ju nuk mund t’i thoni një lojtari të luajë deri në fund të gushtit dhe pastaj ai nuk mund të ndryshojë skuadër sepse merkato është mbyllur”, mbyll presidenti i UEFA-s, Aleksander Ceferin. /abcnews.al

torasa-e-cale.jpg
Vladimir Prenga11:54 | 28/03/2020

Elton Cale dhe Agustin Torassa janë dy miq të mirë te Tirana. Të dy lojtarët ishin vjet pjesë e Flamurtarit, kurse në verë u transferuan te bardheblutë. Ata shoqërohen të dy shumë me njëri-tjetrin, ndërkohë që shpesh ngacmohen edhe në rrjetet sociale.

Edhe tani në kohë karantine, ata vijojnë me “shigjetimet” miqësore. Lojën e nisi Torassa, i cili postoi një video ku Cale shfaqet duke pozuar në shtrat dhe duke tentuar të tregojë trupin. Sigurisht e gjitha me shaka.

Braziliani normal e kishte ruajtur një video, ku shfaqet argjentinasi duke prerë vetullat. Gjithçka sheshit, me ndjekësit e lojtarëve që me siguri janë argëtuar me postimet e dy futbollistëve. /abcnews.al

duro-e-matraxhiu.jpg
Vladimir Prenga11:21 | 28/03/2020

Klodian Duro, ish-futbollisti i kombëtares shqiptare, i cili ka pasur një karrierë të pasur brenda dhe jashtë vendit, është ndaluar nga Policia e Shtetit para disa ditësh dhe shkak është bërë një denoncim i bërë nga ish-bashkëshortja e tij. Sot ai ka dalë para gjykatës dhe i ka shpëtuar burgut, pasi gjykata ka vendosur masën paraprake arrest shtëpie për Duron.

“Arrestimi i këtij shtetasi u bë pasi, duke thyer urdhrin e mbrojtjes e marrë nga ish-bashkëshortja e këtij shtetasi, ka ushtruar dhunë fizike ndaj saj si edhe e ka përndjekur në mënyrë të vazhdueshme.

Materialet procedurale u referuan Prokurorisë pranë Gjykatës së Shkallës Parë Tiranë për veprat penale “Dhuna në familje”, “Përndjekja” dhe “Veprime në kundërshtim me vendimet e gjykatës”, thuhej në njoftimin e Policisë së Shtetit, një ditë më parë.

 

REAGIMI – Lajmi për arrestimin e Duros është raportuar në çdo media, ndërkohë që së fundmi ka ardhur edhe një reagim nga Andi Matraxhiu, i cili ka bashkëpunuar me trajnerin gjatë kohës që drejtonte Kamzën.

“Media te nderuara, veç gazit konstant, shkelni ndonjëherë pedalin e frenave… Klodian Duro është një futbollist që i ka dhënë shumë futbollit tonë. Nëse ka gabuar, ka organe kompetente që do të merren. Por sulmi juaj është shumë i neveritshëm. Akoma pa folur gjykata, keni dalë në konkluzione.

Padyshim unë s’jam avokat i Klodit, por mënyra barbare që ju trajtoni personat në hall, është në stilin e “hijenave” të uritura. Këtë sulm të kotë e kam provuar edhe vetë 1 vit më parë, ku më shpallët kriminel lufte, për diçka që gjykata prej shumë kohësh ka vulosur pafajësinë time.

Ndaj dhe solidarizohem me Klodin, por kjo s’do të thotë se përkrah dhunën. Thjesht, duhet të jeni më pak të amplifikuar në volumin e lajmeve që trajtoni”, shkruante mbrëmë Matraxhiu në llogarinë e tij në “Facebook”. /abcnews.al

 

Postimi i Matraxhiut
Zidane.png
Veronik Istrefaj10:59 | 28/03/2020

Zinedine Zidane ka qenë padiskutim një prej futbollistëve më të mirë të futbollit modern. Ylli francez ka inspiruar miliona futbollistë dhe një prej tyre, është dhe mesfushori i Liverpool, Ginni Wijnaldum.

“Tulipani” i të kuqve ka dhënë një intervistë sot, ku ka pranuar se e mban numrin 5 te Liverpool vetëm për shkak të Zidane. Zizou e mbajti numrin 5 në fanellë te Real Madrid, aty ku ishte shumë i suksesshëm.

“Numri 5 është numri im i fatit. Kur isha i vogël, e mbaja këtë numër prej idhullit tim, Zinedine Zidane, që ka qenë i suksesshëm te Real Madrid. Kur erdha te Liverpool, zgjodha menjëherë numrin 5. Ishte shumë i lumtur për këtë gjë”, shpjegoi Wijnaldum./abcnews.al

Florian-Marku.png
Vladimir Prenga10:40 | 28/03/2020

Florian Marku, boksieri shqiptar që jeton dhe stërvitet në Angli, ka bërë së fundmi një postim në llogarinë e tij në “Facebook” dhe dyshon se ka kaluar Coronavirusin. Ai u bën thirrje të gjithëve të qëndrojnë në shtëpi, pasi vetëm kështu mund të kalohet kjo situatë e vështirë.

“Nuk e di nëse e kalova Coronavirusin apo jo, por kam qenë 13 ditë me temperaturë dhe i këputur. Tani ndjehem shumë më mirë dhe kam filluar stërvitjen në shpi. Asgjë s’është e pamundur kur ka vullnet dhe dëshirë.

Ju përshëndes të gjithëve, duke ju uruar shëndet dhe qëndroni në shtëpi kujdesuni për veten, por edhe për familjarët tuaj. Sot më shumë se kurrë duhet të jemi të bashkuar, për të mirën e gjithsecilit nga ne. Bëni durim, ky virus do marr fund atëherë kur të gjithë të sensibilizohemi dhe të qëndrojmë në shtëpi, në këtë mënyrë nuk infektohemi dhe nuk infektojmë të tjerë”, shkruan Marku. /abcnews.al

duro-1280x826.png
Vladimir Prenga10:21 | 28/03/2020

Klodian Duro, ish-futbollisti i kombëtares shqiptare, i cili ka pasur një karrierë të pasur brenda dhe jashtë vendit, është ndaluar nga Policia e Shtetit para disa ditësh dhe shkak është bërë një denoncim i bërë nga ish-bashkëshortja e tij.

Sot ai ka dalë para gjykatës dhe i ka shpëtuar për momentin burgut, pasi gjykata ka vendosur masën e sigurisë “arrest shtëpie” për Duron. Vendimi është marrë nga gjyqtari, Bedri Qori.

Gazetarja Glidona Daci tha për abcnews.al se Duro u arrestua pranë banesës së ish-bashkëshortës. Ndërkohë një reagim ka ardhur edhe nga avokati ti tij i cili është shprehur se Duro ka shkuar në banesë për të takuar vajzën.

“Duro ka shkuar në banesën e ish-bashkëshortes për të takuar vajzën. Procesi i divorcit të tyre ndodhet në apel për shkak se ish bashkëshortja nuk e ka lejuar që të takohej vajzën. Me datë 21 vajza ka pasur ditëlindjen dhe ish-bashkëshortja nuk e ka lejuar”, deklaroi avokati.

Gjithashtu avokati Erjon Kullolli thotë që Duro i ka siguruar ushqime për vajzën e tij, por që nuk e ka takuar.

NJOFTIMI I POLICISË –  “Arrestimi i këtij shtetasi u bë pasi, duke thyer urdhrin e mbrojtjes e marrë nga ish-bashkëshortja e këtij shtetasi, ka ushtruar dhunë fizike ndaj saj si edhe e ka përndjekur në mënyrë të vazhdueshme.

Materialet procedurale u referuan Prokurorisë pranë Gjykatës së Shkallës Parë Tiranë për veprat penale “Dhuna në familje”, “Përndjekja” dhe “Veprime në kundërshtim me vendimet e gjykatës”, thuhej në njoftimin e Policisë së Shtetit, një ditë më parë. /abcnews.al

Luftetari-Kukesi-Superiore-1.jpg
Vladimir Prenga09:58 | 28/03/2020

Klubet e Superiores kanë trokitur në derën e kryeministrisë. Prej dy ditësh, Liga Profesioniste e Futbollit ka dërguar një letër dhe i drejtohet kryeministrit Edi Rama dhe qeverisë së tij, që të ndihmojnë klubet e Kategorisë Superiore, pasi si çdo biznes po përballet me një situatë të vështirë financiare.

Në letër i referohen shpalljes së gjendjes së fatkeqësisë natyrore, që detyron shtetin të përgjigjet për dëmet financiare nga pasojat që sjellin të gjitha vendimet për ndalimin e përhapjes së Coronavirusit në vendin tonë.

Ndër të tjera përmendet se klubet nuk mund të përfitojnë kështu as të ardhurat nga biletat, reklamat dhe sponsorizimet, ndaj edh po hasin në vështirësi për të paguar futbollistët dhe stafin. Tashmë mbetet të shihet nëse qeveria do ta marrë në konsideratë këtë kërkesë të klubeve të Superiores. /abcnews.al

 

solano.jpg
Vladimir Prenga09:39 | 28/03/2020

Ronaldinho është arrestuar prej ditësh në Paraguai, ndërkohë që një tjetër e ka pësuar të enjten. Bëhet fjalë ish-sulmuesin e Neëcaste United, Nolberto Solano. Ai është ndaluar nga policia, për shkak se kishte shkelur orarin e vendosur nga autoritetet. Në Peru, nga ora 20:00, deri në 05:00, asnjë nuk lejohet të dalë.

Solano u ndal për shkak se ishte grumbulluar me miqtë e tij dhe mediat atje e quajnë një “party”, por vetë zëvendëstrajneri i Perusë shprehet se ishte thjesht një darkë shoqërore. Ia ka folur për një radio në vendin e tij, “RPP Noticias”.

“Nuk ishte një festë, ishte një darkë ku fqinjët më ftuan mua. Shkoi vonë, por nuk ishin më shumë se 5-6 vetë. Pendohem shumë për këtë dhe kërkoj falje. Nuk dua që të justifikohem. Është e vështirë për të gjithë kjo situatë dhe gjëja me e rëndësishme është shëndete. pa të nuk mund të bëjmë asgjë”, shprehet Solano. /abcnews.al

berbatov-jovic.jpg
Vladimir Prenga09:18 | 28/03/2020

Dimitar Berbatov, sulmuesi bullgar që ka luajtur me klubi si Leverkusen, Manchester United dhe Tottenham, ka dhënë një intervistë së fundmi dhe flet edhe në lidhje me lojtarin e Real Madrid, Luka Jovic. Serbi ka qenë në qendër të vëmendjes për sjelljen e tij dhe Berbatov e këshillon atë të bëjë durim dhe të disiplinohet.

“Ashtu si unë, Jovic është nga Ballkani dhe ne andej duam të ‘jetojmë’ pak më tepër. Shpresoj që suksesi dhe lëvizja e tij te Reali të mos ia kenë rritur mendjen. Kjo është e rrezikshme dhe ai duhet të disiplinohet”, thotë fillimisht Berbatov.

Më pas ai shton: “Gjithsesi ai është akoma një lojtar i ri dhe pati një sezon të shkëlqyer te Frankfurt, që i dha atij edhe transferimin në Madrid. Për momentin gjërat nuk po shkojnë mirë për të, por mos të harrojmë që përpara tij është një lojtar si Benzema, të cilin e kanë nënvlerësuar”.

Në fund, Berbatov shprehet se Jovic mund t’u bëjë punë shumë klubeve në Premier League: “Jovic duhet të ketë durim. Nëse dëshiron të luajë menjëherë, atëherë të zgjedhë të shkojë në huazim ose një klub që ta blejë dhe të luajë më shumë. E shoh atë si një lojtar shumë të dobishëm për shumë klube të Premier League”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono