Loading ...
KBUDAPEST- Ka nisur pjesa e dytë e finales së UEFA Champions League mes PSG dhe Arsenalit, e cila po luhet në stadiumin “Puskas Arena” në Budapest.
Skuadra londineze kryeson me rezultatin 0:1 falë golit të shënuar nga Kai Havertz në minutën e 6-të të takimit.
Arsenali e nisi ndeshjen në mënyrën më të mirë të mundshme, duke gjetur rrugën e rrjetës që në minutat e para dhe duke marrë kontrollin e rezultatit. PSG reagoi pas golit të pësuar dhe krijoi disa raste për barazim, por pa arritur të mposhtë mbrojtjen e organizuar të ekipit të Mikel Arteta.
Me avantazhin minimal të Arsenalit është mbyllur pjesa e parë, ndërsa gjithçka mbetet e hapur për 45 minutat e mbetura të finales së madhe evropiane.
Formacionet zyrtare:
PSG: Safonov, Dembele, Doue, Hakimi, Kvaratskhelia, Marquinhos, Mendes, Neves, Pacho, Ruiz, Vitinha.
Arsenal: Raya, Gabriel, Havertz, Hincapie, Lewis-Skelly, Mosquera, Odegaard, Rice, Saka, Saliba,Trossard.
Finalja po dhuron spektakël të padiskutueshëm mes dy skuadrave që kanë dominuar sezonin evropian, me PSG-në që synon të mbrojë trofeun dhe Arsenalin që kërkon kurorën e parë në historinë e tij në Champions League/abcnews.al
