Loading ...
Një automjet tip Mercedes-Benz është përfshirë nga flakët në hyrje të një parkimi nëntokësor në qendër të Fierit.
Ngjarja ka shkaktuar panik te qytetarët për shkak të tymit të shumtë që ka përfshirë zonën.
Menjëherë në vendngjarje kanë mbërritur shërbimet e Policisë dhe dy automjete zjarrfikëse, të cilat kanë ndërhyrë për shuarjen e zjarrit.
Sipas të dhënave paraprake, flakët janë përhapur në pjesën e motorit të automjetit. Ndërhyrja e shpejtë e zjarrfikësve ka bërë të mundur neutralizimin e zjarrit, duke shmangur përhapjen e tij.
Nuk raportohet për persona të lënduar.
