zgjedhje

Zyra-e-Presidentit-600x337-2.jpg
eri Ida19:01 | 14/03/2020

Koronavirusi ka shtyre zgjedhjet në për Kryetar të Komunës në Podujevë. Njoftimi është dhënë nga vetë presidenti i Korovës, Hashim Thaçi i cili ka marrë vendimin për shtyrjen e zgjedhjeve për Kryetar të Komunës në Podujevë, pas pranimit të rekomandimit nga Kryetarja e Komisionit Qendror të Zgjedhjeve, Valdete Daka.

Në mbështetje të nenit 6 të Ligjit Nr. 03/L-094 për Presidentin e Republikës së Kosovës (GZ, nr. 47,  25 janar 2009), nenit 4 të Ligjit nr. 03/L-072 për Zgjedhjet Lokale në Republikën e Kosovës (GZ, nr. 32, 15 qershor 2008), si dhe duke marrë parasysh kërkesën e Komisionit Qendror të Zgjedhjeve, të pranuar nga Zyra e Presidentit më 14 mars 2020, Presidenti i Republikës së Kosovës ka nxjerr vendim për shtyrjen e mbajtjes së zgjedhjeve të jashtëzakonshme për Kryetar në Komunën e Podujevës.

Data e zgjedhjeve do të përcaktohet më vonë, pas vlerësimit të gjendjes epidemiologjike dhe pas pranimit të vlerësimit se do të jetë e sigurt që të mbahen zgjedhjet për Kryetar të Komunës së Podujevës.

Ndërkohë deri më tani në kosovë janë konfirmuar tre raste të prekur me koronavirus./abcnews.al

polling-station-1465990562.jpg
eri Ida17:02 | 13/03/2020

Qeveria britanike ka vendosur shtyrjen e zgjedhjeve lokale që do të zhvilloheshin në maj.

Shkak për shtyrjen e zgjehdjeve në Britani është bërë përhapja e koronavirusit në të gjithë botën që tashmë është kthyer në një pandemi.

Masa e Boris Johnson vjen pasi Komisioni Zgjedhor këshilloi shtyrjen e zgjedhjeve të 7 majit deri në vjeshtë për të “zbutur” përhapjen e Covid-19. Sipas mediave ndërkombëtare bëhet me dije se një  zëdhënëse e qeverisë është shrprehur se po shikohet legjislacioni për të shtyrë zgjedhjet lokale, kryetare, policore dhe komisionerët e krimit deri në maj të vitit të ardhshëm.

Pjesë e këtyre zgjedhjeve ishte zgjedhja për kryetarin e Komunës në Londër të vitit 2020, i cili në detyrë Sadiq Khan shpreson të fitojë për herë të dytë./abcnews.al

106423294-15832924118932020-03-04t032532z_514579111_hp1eg3409ik9m_rtrmadp_3_usa-election-biden.jpg
eri Ida08:49 | 04/03/2020

Ish-zëvendës presidenti i SHBA-së Joe Biden ka fituar 9 nga 14 shtetet që votuan për të zgjedhur një kandidat Demokrat për zgjedhjet presidenciale të nëntorit.

Biden ka fituar në Masaçusets, Minesota, Oklahoma, Arkansas, Alabama, Tenesi, Karolinën e Veriut dhe Virxhinia. Ndërkohë Bernie Sanders pritet që të fitojë në Kaliforni dhe tre shtete të tjera.

Të dy këta kandidatë udhëheqin garën për t’u përballur me Presidentin Republikan Donald Trump në nëntor.

Ndërkohë, ish-kryetari i bashkisë së Neë York-ut Michael Bloomberg ka shpenzuar më shumë se gjysmë miliardë dollarë në fushatën e tij, por nuk ka fituar një shtet të vetëm.

c81eedbe16c34fb682e22394bea799cd_18.jpg
eri Ida13:54 | 03/03/2020

Likud e Benjamin Netaniau është sërish partia e parë në Izrael me 37 deputetë, duke përmbysur sondazhet dhe rezultatet e zgjedhjeve të shtatorit në vend.

Rivali i tij kryesor Beni Gantz, lider i partisë së qendrës Bardhë e Blu, ka ndaluar në 32 vende në parlament. Kjo është hera e tretë që vendi shkon në zgjedhje brenda një viti

Sipas të dhënave të para blloku i partive të djathta që mbështet Netaniaun mund të marrë 59 vende në parlament, dy më pak se sa numri i duhur për të pasur një mazhorancë.

Sfida e këtyre zgjedhjeve të parat në një situatë koronavirusi në Izrael me 18 qendra votimi të vecanta për më shumë se 56000 izraelitë në karantinë – duket ende pa fitimtar. Edhe pse rezultati është një triumf për Netaniaun i cili në 17 mars do të jetë në gjykatë ku do të përballet me akuzat për korrupsion, mashtrim dhe abuzim me pushtetin./abcnews.al

AP_20060690489271.0.jpg
eri Ida10:32 | 01/03/2020

Ish-zëvendëspresidenti Joe Biden ka triumfuar në garën e katërt për zgjedhjet nominuese presidenciale të 3 nëntorit.

Në votimin e së shtunës kandidati demokrat ka marrë mbi 48 për qind të votave në shtetin e Karolinës e Jugut, duke u ngjitur në vend të dytë dhe duke rritur shanset për të qenë ai pretendenti përballë presidentit Donald Trump.

Mediat vendase raportojnë se mbështetja më e madhe për Biden ka ardhë nga votuesit afroamerikanë, që është komuniteti vendimtar në shtetin perëndimor të Amerikës.

Ndërkohë kryesuesi aktual i primareve, Bernie Sanders, mori më pak se gjysmën e votave të Biden, apo mbi 19 për qind, ndërsa ndjekësi i tij, Tom Steyer me 11 për qind njoftoi tërheqjen finale nga gara për nominim.

Rivalët e tjerë, ish-kryebashkiaku Pete Buttigieg, i treti në listën e kandidatëve demokratë për presidentë dhe senatorja Elizabeth Ëarren, aktualisht e katërta, secili morën më pak se 9 për qind të votave.

Të martën pritet që të jetë dhe një ndër garat më të rëndësishme pasi do të votohet njëkohësisht në 14 shtete dhe ku përcaktohet ndarja e rreth një të tretës së delegatëve në këtë fazë primare, mes tyre edhe shtetet më të populluara, si Kalifornia dhe Teksasi./abcnews.al

zgjedhjee.jpg
eri Ida09:25 | 01/03/2020

Zgjedhjet parlamentare në Sllovaki janë fituar nga partia opozitare (OLaNO). Me pothuajse të gjitha rezultatet e numëruara, partia ka siguruar pothuajse 25% të votave.

Mediat ndërkombëtare raportojnë se rezultati ka zbuloi se partia e qendrës së majtë Smer-SD, e cila mbizotëroi në politikën Sllovake për një dekadë fitoi pak më shumë se 18%.

Nga ana tjetër kryeministri Peter Pellegrini ka pranuar humbjen. Fushata zgjedhore u mbizotërua nga zemërimi i publikut për vrasjen e vitit 2018 të një gazetarit Jan Kuciak dhe të fejuarës të tij Martina Kusnirova. Fushata e partisë ishte e orientuar drejt luftës së korrupsionit./abcnews.al

800-0-e289f401bae1e6ed0613ebf09085042b-1.jpg
eri Ida09:33 | 23/02/2020

Kandidati për president të ardhshëm të Shteteve të Bashkuara nga radhët e partisë demokratike, Bernie Sanders, e ka përforcuar edhe më shumë statusin e udhëheqësit në garën brenda partisë pas rezultatit shumë pozitiv në Nevada.

Sanders pritet që të jetë dhe fituesi i zgjedhjeve partiake në këtë shtet. Sipas rezultateve të para, Sanders do të shënojë fitore bindëse me epërsi të lartë ndaj kandidatëve të tjerë. Mediat amerikane shkruajnë se pas numërimit të 50 për qind të kutive të votimit në Nevada, Bernie Sanders i ka marrë 47 për qind të votave, ndërsa Joe Biden ndodhet në vendin e dytë me vetëm 19 për qind.

Ndërkohë në vendin e tretë ndodhet kandidati homoseksual, Pete Buttigieg, me 15 për qind të votave, kurse në vendin e katër Elizabeth Ëarren me vetëm 10 për qind./abcnews.al

kreu-osbeodhir.jpg
R D12:23 | 20/02/2020

Sot PD-ja propozoi në tryezën e reformës zgjedhore që gjyqtarët e zgjedhjeve të mos preken nga Vettingu për 4 vite. Ky moratorium sipas tyre duhet të vendoset pasi gjyqtarët ndjehen të kërcënuar nga mazhoranca. “Arma” e kërcënimit është vettingu! Pra sipas PD-së procesi i vetingut ndikohej nga mazhoranca në pushtet, në zgjedhjet e fundit lokale dhe për këtë i referohet raportit të fundit të OSBE-ODIHR.

“Aktualisht është e pamundur që trupa gjyqësore për zgjedhjet të jetë e pandikuar dhe jashtë presionit të vetingut, siç kërkon ODIHR, pasi procesi nuk ka një radhë të fiksuar se kush gjyqtar kalon ne veting, duke bërë që të gjithë të jenë të ekspozuar ndaj vendimit të papritur të Komisionit të Vetingut, ndërkohë që gjyqtari mund të jetë duke marrë një vendim të rëndësishëm për zgjedhjet”, thonë burimet nga PD-ja.

Precendeti u krijua në zgjedhjet e 30 qershorit 2019, ku u konstatuan probleme edhe pse ishin votime me 1 kandidat. Asokohe PD ankimoi në gjykatë duke kërkuar që të shpallen të pavlefshme mandatet e kryebashkiakëve. Të gjithë e kujtojmë vendimin absurd të Gjykatës së Durrësit e cila brenda 1 jave doli me dy vendime të ndryshme: Një 1 gjyqtar i njihte mandatin Valbona Sakos, dhe 1 tjetër jo!

Më poshtë gjetjet e OSBE-ODIHR në zgjedhjet e 30 qershorit, sa i përket gjykatave

Si autoriteti më i lartë për mosmarrëveshjet zgjedhore, Kolegji Zgjedhor, me ligj, përbëhet nga tetë gjyqtarë, të cilët zgjidhen me short nga Këshilli i Lartë i Drejtësisë. Si rrjedhojë e procesit të vetingut të gjyqtarëve, Kolegji Zgjedhor ka aktualisht vetëm gjashtë gjyqtarë. Ndonëse kaq mjafton për gjykimin me trupa prej pesë gjyqtarësh, siç e kërkon ligji, disa seanca është dashur të shtyhen për shkak të numrit të pamjaftueshëm të gjyqtarëve për arritjen e kuorumit.

Vendimet e Kolegjit Zgjedhor duhet të merren brenda dhjetë ditësh; ato janë të formës së prerë dhe duhet të zbardhen brenda tre ditësh nga marrja e vendimit. Ndonëse vendimet jepen në seanca të hapura për publikun, ato janë të aksesueshme vetëm në faqen zyrtare të Kolegjit Zgjedhor për personat që kanë një fjalëkalim të posaçëm, gjë që nuk e lehtëson informimin e përgjithshëm të publikut rreth rregullave të procesit zgjedhor dhe nuk kontribuon në transparencën për zgjidhjen e mosmarrëveshjeve zgjedhore.

Si KQZ-ja, ashtu edhe Kolegji Zgjedhor iu përmbajtën afateve të parashikuara me ligj për gjykimin e mosmarrëveshjeve zgjedhore. Deri më 30 qershor, në KQZ u paraqitën 16 ankesa ndaj vendimeve të KZAZ-ve, kryesisht në lidhje me regjistrimin e kandidatëve. Trembëdhjetë vendime të KQZ-së u ankimuan në Kolegjin Zgjedhor, i cili hodhi poshtë tre prej tyre dhe la në fuqi nëntë vendime të KQZsë.50 Interpretimi i ngushtë i Kolegjit Zgjedhor të legjitimitetit të palëve garuese për të kundërshtuar regjistrimin e garuesve të tjerë cenon të drejtën për t’u ankimuar ndaj ligjshmërisë së regjistrimit të kandidatëve.

Më 13 qershor, KQZ-ja hodhi poshtë kërkesën e Partisë së Unitetit Kombëtar për t’u tërhequr nga pjesëmarrja në zgjedhje, duke e bazuar vendimin pjesërisht tek arsyetimi se dekreti i Presidentit i datës 10 qershor është i pavlefshëm. Më 24 qershor, Kolegji Zgjedhor e hodhi poshtë ankimin ndaj vendimit të KQZ-së dhe e konstatoi gjithashtu të pavlefshëm dekretin e 10 qershorit të Presidentit.

/abcnews.al

deputet-1280x706.jpg
eri Ida08:44 | 14/02/2020

Ish Deputet i PD Andon Frrokaj është shprehur se qeveria kujdestare është krijimi i një qeverie që do të garantojë zgjedhje të lira dhe të ndershme.

Nga ABC-ja e Mëngjesit përballë Enkel Demit ish deputeti demokrat është shprehur se Partia Demokratike është e e vendosur që të mos ketë asnjë qeverisje me PS-në dhe se personat që do të zgjidhjen për qeverinë teknike do të jenë persona jopolitikë.

“Partia demokratike nuk do të qeverisë me PS-së por një qeveri tranzitore që do të menaxhojë situatën parazgjedhore ëstë ajo që ka thënë ddhe mbështet PD-ja. Kjo qeveri do të jetë e zgjedhur me persona që gëzojnë integritetin personal dhe shoqëror për të shoqëruar vendin në zgjedhje të lira. Persona jo politike, formula e zgjedhjes do të vijë në hapa të mëtejshëm të këtyre personave, por PD është e e vendosur që të mos ketë asnjë qeverisje me PS-në. PD-ja kërkon vetëm zgjedhje të lira dhe të ndershme përmes një qeverie tranzitore. Duke futur në draftin e saj mbrojtjen e votës denoncimin e saj në lidhje me çdo abuzim të votës”, tha Frrokaj.

Gjithahstu is deputeti demkrat ka theksuar se qeveria kujdestare do të jetë një qeveri e cila do të krijojë besimin te shqiptarët, pasi besimi është humbur nga qytetarët.

Qeveria kujdestare do të jetë një qeveri e cila do të krijojë besimin te shqiptyarët, pasi besimi është humbur nga qytetarët. Njerëzit po ikin, vendi nuk është vetëm në krizë politike. Socialistet e ndershëm nuk e pranojnë rezultatin. 30 qershori ishte një farse qytetarët nuk moren pjesë, ato vetë votuan dhe nuk ju doli numri i barabartë me numrin e votuesve dhe fletëve të votimit. Këshilli i Evropës deklario se nuk pati zgjedhje në shqipëri se në shqipëri nuk ka përfaqësues në pushtetin lokal,” është shprehur ndër të tjera ish deputeti./ abcnews.al

bushatiiiiiiiiii.jpg
eri Ida13:09 | 13/02/2020

Deputeti i Partisë Socialiste Ervin Bushati këtë të enjte nga studio e Abc Neës është shprehur se qeveria kujdestare është e papranueshme dhe është në kundërshtim me kushtetutën. Këto janë terma valium që opozita po i nxjerr për të qetsuar zgjehdësit e tyre dhe jo që ne ti marrim seriozisht një propozim të tillë.

Ai ka theksuar se ulja e opozitës në tryezën e Reformës Zgjedhore është një sinjal pozitiv për qetsimin dhe reflektimin e vetë PD-së.

Ne si PS i qëndrojmë të njëjtit parim që kemi pas gjithmonë zgjedhjet janë në 2021 dhe do të shkojmë për të kërkuar një mandat të rinovuar me kryeministër Edi Ramën, me vjen keq që thonë se nuk shkojmë me një kryeministër, por më vjen mire se janë të qetë dhe me argumentet e tyre dhe po bisedojnë. PD po vjen në tavolinë me të njëjtat parime që ka pasur deri më tani, doli nga parlamenti ka bërë një sërë gabimesh, por më në fund e ka kuptuar se vetëm përmes dialogut në institucione do të dilet nga një krizë e tillë. Tashmë ne duhet të bisedojmë me opozitën parlamentare dhe joparlamentare për të rënë dakord në lidhje me mbylljen e reformës zgjedhore”, tha Bushati.

Në studio me Juli Xhakoxhi, Bushati  është shprehur se partia Socialiste i qëndron parimit se zgjedhjet do të jenë në 2021, me në krye kryeministrin Edi Rama.

Nuk ka për të pasur zgjedhje të parakohshme PD nuk është gati me veten e vete. Gjithë argumentet e tjerë në që hedh opozita për qeveri kujdestare dhe zgjedhje të parakohshme janë për të qetsuar zgjedhesit e tyre nuk janë për tu marrë seriozisht nga ne. Ne marrim parasysh vetëm argumentët e ndërkombëtareve,” ka shprehur deputeti i PS-së./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono