Tirana

torasa-e-cale.jpg
Vladimir Prenga11:54 | 28/03/2020

Elton Cale dhe Agustin Torassa janë dy miq të mirë te Tirana. Të dy lojtarët ishin vjet pjesë e Flamurtarit, kurse në verë u transferuan te bardheblutë. Ata shoqërohen të dy shumë me njëri-tjetrin, ndërkohë që shpesh ngacmohen edhe në rrjetet sociale.

Edhe tani në kohë karantine, ata vijojnë me “shigjetimet” miqësore. Lojën e nisi Torassa, i cili postoi një video ku Cale shfaqet duke pozuar në shtrat dhe duke tentuar të tregojë trupin. Sigurisht e gjitha me shaka.

Braziliani normal e kishte ruajtur një video, ku shfaqet argjentinasi duke prerë vetullat. Gjithçka sheshit, me ndjekësit e lojtarëve që me siguri janë argëtuar me postimet e dy futbollistëve. /abcnews.al

Grent-Halili.png
Veronik Istrefaj18:26 | 27/03/2020

Sulmuesi i Tiranës, Grent Halili, ka folur në emisionin Fan Zone në Supersport, ku pranoi se mbiemri ka ndikuar disi në karrierën e tij. Gjithashtu, Halili pranoi se e ka menduar edhe largimin, si dhe “mposhti” motrën e tij, Goldi Halili, për kreun e presidencës në të ardhmen.

“Unë apo Goldi? President besoj se do të jem unë. Goldi të them të drejtën është fokusuar te disa biznese tjera të familjes. Besoj se presidencës në të ardhmen ta marr unë. Nëse më lejoni që t’iu them, familja ime është infektuar nga virusi “Tirona” prej shumë kohës. Besoj se do të infektohet dhe brezi në vazhdim. Shpresoj që një ditë të realizohet kjo gjë, është diçka që dua ta bëj. Por nuk do ta shoh si fëmijën e tretë, ashtu siç e shikon babai im.

Kemi fatin që babai na ka ndërtuar diçka që mund të na e realizojë, ta kemi më të thjeshtë. Minutazhi te Tirana? Të them të drejtën, unë mund të flas nga mëngjesi deri në darkë dhe njerëzit do të mendojnë vetëm atë që duan të mendojnë. Por nga momenti që kam filluar karrierën, 16 vjeç, kam sakrifikuar shumë veten time për interesat e klubit, për biznesin familjar. E kam menduar gjithashtu të transferohem te një klub tjetër, por absolutisht prezenca ime në atë klub, nuk ndikon as te stafi, as tek ekipi, pasi unë jam përpjekur dhe përpiqem çdo ditë që të jem si të gjithë të tjerët. Suksesi i këtij viti ka ardhur pasi kemi menduar për të mirën e grupit, jo individual. Edhe unë kam parë vetëm interesin e klubit dhe në fund fare, nëse arrijmë objektivat, jemi të gjithë të kënaqur.

Thjesht dua të rinis stërvitjen me grupin, me ekipin, të rikthehemi sa më shpejt në fushën e lojës. Mezi po presim të ngremë titullin kampion, e duam në fushë. Për në lokal te Blloku, do të dalim kur të fitojmë titullin kampion. Për pjesën tjetër, unë jam single”, tha Halili./abcnews.al

dosti.jpg
Vladimir Prenga14:59 | 26/03/2020

Ngacmime nga distanca edhe në kohë karantine. Fanatics shigjetuan të parët, ndërsa më pas Guerrils iu përgjigjën. Tashmë në lojë futet edhe një ish-futbollist, madje kampion dhe golashënues i Superiores (Kategoria e Parë quhej atëherë) në vitin 1993.

Edmond Dosti, i cili tani jeton në Austri, u kujton rivalëve bardheblu një humbje të thellë në derbi, me rezultatin 8-0. Sigurisht të kuqve u djeg disfata e fundit me shifrat 5-1 në “Air Albania Stadium”, por gjejnë ngushëllim te historia dhe bilanci që kanë në përballjet me rivalët e përjetshëm të qytetit.

Dosti, veç fotos që ka statistikat e derbit dhe rezultatin e fitores së tyre më të thellë, ndër të tjera shkruan: “Edhe pse e dhimbshme, ky është realiteti: derbi dhe kryeqyteti ka vetëm një emër, FK Partizani. PMTP”. /abcnews.al

 

doda.jpg
Vladimir Prenga13:18 | 26/03/2020

Izmir Doda, fotografi i Tiranës, gjatë kësaj periudhe po qëndron në shtëpi, për shkak të situatës së krijuar në vend nga Coronavirusi. Veçse të shkrepë, Doda është i mirë edhe me programet profesionale për modifikimin e fotove.

Gjatë kësaj kohe ka gjetur një mënyrë për të kaluar kohën, teksa fillimisht ia nisi duke u veshur fanella të ndryshme futbollistë të Superiores, më pas duke i vendosur ata në foto me personazhe të njohur të botës së sportit, si Neymar apo CR7.

Së fundmi ka menduar t’i kthejë ata në super heronj. Ernest Muçi, si Ninja, Edvan Bakaj si Superman dhe Jurgen Çelhaka si Spiderman janë krijimet e fundit të fotografit Doda, i cili i ka shpërndarë ato në faqen e tij në “Instagram”. /abcnews.al

Cobbinah.png
Igli Nikolli16:32 | 25/03/2020

Winful Cobbinah është izoluar i vetëm në shtëpinë e tij dhe po pret kalimin e këtyre ditëve shumë të vështira. 28-vjeçari i Tiranës, i cili po kalonte një moment fantastik përpara ndërprerjes së kampionatit, ka reaguar me anë të një postimi në rrjetet sociale.

Ganezi ofensiv ka besim se ditë më të mira në presin dhe i dërgon urimet më të mira të gjithëve. Koronavirusin e cilëson si një gjë idiot dhe po pret me padurim rifillimin e ndeshjeve dhe rikthimin në fushën e blertë.

Shpresoj vetëm për më të mirën në këto kohë të vështira. Do e kalojmë këtë gjë idiote të quajtur korona. Ditë më të mira në presin, mezi po pres të rikthehem përsëri në fushë”, shkruan ganezi i bardhebluve. /abcnews.al

 

tefik-osmani-emoji.jpg
Vladimir Prenga15:33 | 25/03/2020

Tefik e Osmani është sfiduar nga Grent Halili për të postuar një foto në “Instagram” dhe mbrojtësi i Tiranës nuk është stepur aspak, edhe pse bëhej fjalë për “#uglyfacechallenge”.

Gjithsesi fotoja nuk mund të jetë çfarëdo dhe korçari ka zgjedhur një të hershme, kur ishte pjesë e Tiranës në vitin 2011. Në një takim kundër Skënderbeut, Osmani u tregua i papërmbajtshëm kur Ivan Gvozdenovic u ndeshkua me karton të kuq.

Mbrojtësi shfaqet duke iu vërsulur arbitrit lezhjan Edvin Hoxha, ndërkohë që në Instagram me foton e postuar sfidon Emirjon Sinon, që ishte arbiter i katërt në atë përballje, si dhe Lorenc Jeminin, Andi Koçin, Ermal Barushin dhe Adrian Beqirin. / abcnews.al

osmani.jpg
Veronik Istrefaj20:32 | 24/03/2020

Mbrojtësi i Tiranës, Tefik Osmani, ka dhënë një intervistë për PanoramaSport, ku ka treguar si po e kalon izolimin, jetën pa futboll, titullin kampion dhe rifillimin e kampionatit.

IZOLIMI – “Uroj që jo vetëm njerëzit e sportit, por gjithë shqiptarët ta kalojmë sa më shpejt këtë situatë. Si të gjithë të tjerët edhe unë pranë familjes po qëndroj. Është shumë e vështirë për ne futbollistët nuk jemi mësuar të qëndrojmë kështu. Ama çdo e keqe e ka dhe një të mirë. Po  kënaqen fëmijët. Jemi çdo moment me ta dhe po e shijoj në shtëpi. I kam zhvilluar të gjithë lojërat që kam bërë fëmijë me dy çunat e mi”.

PA FUTBOLL – “Për ne futbollistët, thonë që vdesim dy herë. Një herë kur lë sportin dhe një herë kur të vjen nga Zoti. Mendoj që ky moment tani është sikur na ka rënë para-infarkt, por ne nuk jemi dorëzuar edhe kemi lëvizur, brenda orareve që ka vendosur Ministria e Shëndetësisë”.

FUTBOLL NË VERË? – “Vetëm le të nisë të luhet sa më shpejt. Nuk ka rëndësi muaji. Në  Shqipëri janë kushtet në të gjitha stadiumet dhe mund të luash dhe ne orën 22:00”.

STËRVITJA – “E thashë dhe më lart. Kam dalë nuk mund të rrijë një futbollist i mbyllur në shtëpi. Jam në një moshë që e kuptoj dhe vet për çfarë kam nevojë kam bërë vrapime dhe xhiro me biçikletë dhe menjëherë brenda rregullores se nuk i dihet mos më vjen ndonjë gjobë”.

TITULLI – “Tiranën me sa e njoh unë nuk do të kënaqej asnjëherë me titullin në tavolinë. Por edhe po të vendosej kështu mendoj që e meriton. Me 9 pikë përpara nuk do të kundërshtonte njeri”, tha Osmani./abcnews.al

Doka.png
Igli Nikolli17:36 | 24/03/2020

Albi Doka numëron 24 ndeshje të zhvilluara këtë sezon dhe është një njdë rlojtarët që ka dhënë kotributin e tij për ecurinë fantastike të Tiranës. Bardheblutë kryesojnë renditjen në Superiore me 9 pikë më shumë se Kukësi ndjekës dhe janë afër rikthimit te titulli pas 11 vitesh.

Mbrojtësi i djathtë i është përgjigjur disa pyetjeve në “Instagram”, aty ku nuk e kursen humorin dhe ironinë. Gjënë më të lumtur cilëson momentin kur të dalë kampion me Tiranën e madhe, teksa 22-vjeçari përgjigjet kështu kur e pyesin nëse janë të vërteta zërat e një transferimi te Partizani.

Sa të bukur e ke uniformën e ekipit ti Klejdi Bare”, duke iu drejtuar mesfushorit të Malagës në La Liga 2 (e ka uniformën bardheblu si Tirana). Më pas sërish titulli. Abazaj i Kukësit është miku i tij më i mirë. “Për të dal kampion ke, veç prit pak sa të fillojë kampionati prap”, i shkruan sulmuesi i Kukësit, teksa Doka ka këtë përgjige: “Akoma ke shpresa ti byrazeri im?”. /abcnews.al

 

tirana-video.png
Vladimir Prenga13:39 | 24/03/2020

“Rri në shtëpi, së bashku ia dalim”. Këtë mesazh po e dëgjojmë, po e shikojmë dhe e lexojmë kudo. Pandemia prej Coronavirusit është sfida më e madhe në këto momente e të gjithëve dhe jeta është ngadalësuar. Nuk ka më as futboll, çdo ditë është bosh, jo vetëm fundjavat.

Kështu edhe në Shqipëri, ku ka ndalur çdo kampionat. Tirana është skuadra që po e përjeton më shumë, pasi u ndal një periudhë e bukur me rezultatet pozitive, me tifozë të shumtë që shkonin në “Air Albania Stadium”.

Gjithsesi në kampin bardheblu e kanë mendjen vetëm te kalimi i këtij momenti të keq, për të qenë më pas gati për sprintin final drejt titullit kampion: “Bashkë për një qëllim, për jetën. Slogani nuk ndryshon, por tashmë për një mision jetik për secilin nga ne! Vetëm në këtë mënyrë mund t’ia dalim! Tani bashkë për misionin e jetës, për të ardhmen tonë.

Bashkë për të respektuar me rigozititet të gjitha masat e marra, që së shpejti të jemi përsëri kështu! Bashkë për të qëndruar në shtëpi e për ta mposhtur këtë virus. Misioni është i njëjtë për të gjithë…

Na mungon futbolli, na mungojnë emocionet, stërvitjet, na mungojnë “+3”, selfiet, stadiumi i mbushur plot… Do mundohemi edhe pak në mënyrë që bashkë ta rinisim aty ku e lamë, për sprintin final drejt titullit kampion!”. /abcnews.al

hasani.jpg
Vladimir Prenga08:39 | 24/03/2020

Sfida e qerosit, kjo është e radhës në rrjetet sociale dhe asaj i është bashkuar edhe mesfushori i Tiranës, Edon Hasani. Shkodrani e ka publikuar foton në llogarinë e tij në “Instagram” dhe dominon edhe disa prej miqve të tij futbollistë, ku spikasin emrat e Bekim Balajt, Rubin Hebajt dhe Arlind Kalasë.

Hasani nuk ndalet me kaq, pasi lëshon edhe një batutë. “Tani të më lutet edhe Edi Rama të dal jashtë, nuk dal”, shkruan mesfushori i bardhebluve me shaka. Shumë futbolliste, dhe jo vetëm, janë detyruar të qethen vetë në shtëpi këtë periudhë.

 

Postimi i Edon Hasanit

Për shkak të situatës së krijuar nga përhapja e COVID-19, tani është e pamundur të gjesh një sallon për t’u qethur dhe zgjidhja është të të qethë ndonjë familjar. Ata që i kanë berberë janë me fat, kurse të tjerët po bëhen qerosë, si Edoni. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono