Djathtë

BASHKIAKET-1280x707.jpg
ent ela19:50 | 03/07/2019

Kryetarët aktualë të bashkive, përfaqësues të opozitës nuk do të lejojtë transferimin e pushtetit vendor tek të sapozgjedhurit në 30 qershor.

Kryebashkiakët opozitarë u takuan sërish të mërkurën në selinë blu me kreun Demokrat Lulzim Basha për të diskutuar deri në arritjen e kësaj vendimmarrje.

Vendimi i drejtuesve opozitarë të pushtetit vendor u bë publik 3 ditë pas zgjedhjeve lokale të 30 qershorit, të cilat opozita vazhdon t’i quajë ilegjitime.  /ABC News Albania 24/7

aleatet-1280x715.jpg
ad min14:40 | 31/05/2019

Pesë krerët e partive aleate të demokratëve kane zhvilluar një takim me mbështetësit e tyre në qytetin e Shkodrës, nga ku kanë përsëritur thirrjen drejtuar qytetarëve për t’iu bashkuar në protestën e radhës më 2 Qershor.

Takimi e radhës për të diskutuar për zgjedhje të lira e të ndershme, grupimi i qendrës së djathtë, aleatët e Lulzim Bashës në opozitë, e zhvilluan në Shkodër.

Duka: “Kryeministri, ata që janë në Parlament sot, i anatemon, i quan zëvendësues të Partisë Demokratike”.

Mediu: “Problemi i dytë i madh që kemi ne janë liritë politike, në momentin kur qytetarët nuk janë të lirë për të votuar, për të përcaktuar me votën e tyre se kush është e ardhmja e fëmijëve të tyre, e familjeve të tyre, e Shkodrës dhe mbarë Shqipërisë, atëherë ne nuk kemi bërë as më shumë e as më pak, por jemi kthyer në një lloj sistemi autoritar, të ngjashëm me diktaturën, ku vendoset çdo gjë nga një grup njerëzish politik. Prandaj, kemi propozuar një sistem proporcional, kombëtar apo rajonal, me lista të hapura”.

Sipas tyre, mos konsiderimi i protestave që vijojnë prej muajit shkurt, duhet ti japë më shumë vullnet qytetarëve për qëndresë.

Ndoka: “Mijëra qytetarëve që kanë protestuar në Tiranë. Askush nuk është sprapsur, ka pasur rritje të qytetarëve që e kuptojnë se ky është mesazhi më i fort që i jepet politikës shqiptare në tërësi, dhe ju bëj thirrje që në 2 qershor të jemi të gjithë së-bashku, për të protestuar, për të sensibilizuar”.

Shehi: “Ne po rezistojmë për gjënë që është më esenciale që kemi fituar këto 27-28 vjet, lirinë për të zgjedhur. Po e humbëm edhe këtë, këtu demokracia mbetet një fjalë boshe pastaj, dhe kthehemi atje ku kemi qenë”.

Dule: “Ju si shkodranë keni qenë përherë në krye të betejave demokratike. Më 30 Qershor zgjedhje nuk duhet, nuk mund dhe nuk do të ketë”.

Krerët e partive aleate të demokratëve përsëritën thirrje për bashkim në protestën e radhës së opozitës, paracaktuar për pasditen e së dielës./ABC News Albania 24/7

dashamir-shehi-1280x757.jpg
ad min20:15 | 29/04/2019

U nënshkrua sot platforma për marrëveshje kushtetuese e pesë partive aleate të demokratëve në opozitë. I ftuar në studion e “Mbrëmje Ide”, Dashamir Shehi ka folur për platformën e grupit të qendrës së djathtë dhe 12 pikat që ajo përmban.

Mirela Milori: Çfarë synon në mënyrë të përmbledhur platforma juaj, të ulë palët në tryezën e bisedimeve apo të hapi rrugë të reja për zgjedhjen e ngërçit?

Dashamir Shehi: “Dy gjëra dhe janë dy elementë të rëndësishëm përtej 12 pikave. E para është që të ezaurojë deri në fund gjithë hapësirën e mundshme të negociuehsme në bazë të kushteve që kemi vënë. Për largimin e Ramës që e firmosëm bashkë me PD-në, por t’i ezaurojë dhe mendojnë se ka ende hapësirë për negociata, për Presidenti, për ndërkombëtarët. Kjo është e para, më imediatja dhe më pragmatistja.  

E dyta është që të lëmë një dokumente, një shpresë dhe  një linjë më ndryshe edhe për kohët që vijnë sepse këtu nuk do mbyllet politika. Ne kemi dalë nga Parlamenti ne kemi dalë nga zgjedhjet dhe prepuzohet se nëse nuk gjente një rrugë atëherë opozita do të rifillojë rrugën e vet malorë. Do ta shikojmë se sa do të zgjasin kjo punë një muaj një vit dhe kur mund të bëhen zgjedhjet. Dhe zgjedhjet nuk mund të bëhen nesër ose pasnesër sikundër pretendojnë disa. Zgjedhjet duhen bëra pas 6-7 muajve ose nga fundi i vitit. Nëse ata bëhen në të njëjtin kontekst politik, me të njëjtat personazhe dhe me të njëjtat ligje nuk do të kishin më vlerë. Këto janë dy gjëra që do të thotë të mbarojmë fazën e mundësive të negociueshme për të hapur pastaj fazën e re”.

Mirela Milori: Mendoni se do të pranohen nga të dyja palët këto?

Dashamir Shehi: “Tani ofrojmë një dokument dhe ofrojmë vullnetin tonë. Mendoj se në shumicën e këtyre pikave jemi dakord edhe me PD-në. Po ta shikosh atë që kemi nënshkruan edhe me PD-në nuk ka ndonjë diferencë të madhe. Diferenca është në dy tre pika në të cilat PD ka qenë më sensitive. Siç është ndryshimi i Kodit Zgjedhor. Nuk ka qenë e përqendruan shumë në kufizimin e mandateve PD”./abcnews.al

platforma-1280x735.jpg
ad min17:45 | 29/04/2019

Platforma për marrëveshje kushtetuese e pesë partive aleate të demokratëve në opozitë, më përkatësisht Partisë Republikane, partisë Agrare Ambientaliste, Demokristiane, Lëvizjes për Zhvillim Kombëtar dhe Partisë Bashkimi për të Drejtat e Njeriut, përpos propozimit për rrugën dhe mjetin me të cilin duhet ndjekur arritja e zgjedhjeve të lira e të ndershme, përcakton edhe një numër ndryshimesh si detyrë e qeverisë teknike.

Mes 12 pikave të platformës, pjesë e së cilës janë kërkesat e hershme të aleatëve për ndryshimin e sistemit zgjedhor përmes përcaktimit të listave të hapura, janë edhe disa ndryshime kushtetuese që do të lëviznin balancat e pushteteve në vend.

I tillë është edhe përcaktimi me dispozitë tranzitore kushtetuese për një periudhë 15 vjeçare të krijimit të një qeverie kujdestare 6 muaj përpara zgjedhjeve, duke përcaktuar me ligj formën, kriteret e përfaqësimit dhe detyrat e saj. Ky propozim do t’i hiqte tagrin e organizimit të zgjedhjeve çdo qeverie në pushtet, dhe synon mbajtjen e zgjedhjeve të pa kontestueshme.

Një tjetër propozim i kësaj platforme e cila punon në funksion të kufizimit të pushtetit është ai për kufizimin e mandatit të kryeministrit dhe deputetëve, si dhe  zgjedhja e presidentit të republikës jo më nga parlamenti, por nga vota e qytetarëve. Të dyja teza të ngritura edhe më parë, e para nga vetë kreu i demokratëve Lulzim Basha gjatë fushatës së 2017-ës, ndërsa e dyta nga partia LIBRA kur në drejtimin e saj ishin Ben Blushi dhe Mimoza Hafizi.

Rishikimi i reformës administrative është një tjetër detyrë e qeverisë tranzitore për aleatët, kjo sipas tyre me qëllim çuarjen e pushtetit lokal afër dhe në shërbim të njerëzve dhe jo vetëm në qendrat e mëdha urbane.

Platforma e partive të vogla shkon edhe më tej duke prekur sistemin gjyqësor në propozimet e saj, kur kërkon një vlerësim të drejtë të reformës në drejtësi për funksionimin urgjent të gjykatës kushtetuese, jo funksionale prej marsit të vitit të shkuar, dhe gjykatës së lartë, qoftë me një amendim të përkohshëm të ligjeve, në mënyrë që këto institucione të bëhen funksionale./abcnews.al

fatmir-mediu.jpg
ad min17:39 | 25/04/2019

Pas zyrtarizmit të koalicionit opozitar të firmosur mes partisë demokratike dhe aleatëve të saj, këta të fundit kanë ndërmarrë një lëvizje organizative përmes krijimit të “Grupimit të Qendrës së Djathtë”, i cili ka për qëllim unifikimin e qëndrimeve të 5 partive të vogla sa i përket kërkesave të tyre për garantimin e zgjedhjeve të lira e të ndershme.

Partitë e vogla opozitare zotohen përmes krijimit të ‘Grupimit të Qendrës së Djathtë’ se unifikojnë qëndrimin e tyre sa i përket kërkesave për garantimin e standardeve demokratike në zgjedhje.

E duket se i pari qëndrim i përbashkët i partive të vogla opozitare është pikërisht një prej kërkesave të hershme të artikuluaka nga krerët e tyre, ndryshimi i sistemit zgjedhor. Propozimi i 5 partive aleatë të Partisë Demokratike është pikërisht modeli me lista të hapura.

Nard Ndoka: “Kemi bashkëpunim ndër vite për kauzën tonë të përbashkët në shumicën e rasteve si ka qenë kodi zgjedhor”.

Republikanët, Ambientalistët, Demokristianët, Lëvizja për Zhvillim Kombëtar dhe Partia për Bashkimi për të Drejtat e Njeriut përmes këtij grupimi kanë vendosur të zhvillojnë veprimtarinë e tyre si një forum i përbashkët, në përputhje me platformën e nënshkruar në formë marrëveshjeje me Partinë Demokratike.

Agron Duka: “Faktori kryesor që sjell hemorragji të vazhdueshme është ekonomia, pasiguria, jeta sociale e kulturore”.

Përmes këtij akti partitë e vogla opozitare zotohen të kenë qëndrime të unifikuara në kërkesat që do të garantojnë zgjedhje të lira e të ndershme.

Fatmir Mediu: “Garantohet që vota e qytetarëve shkon tek kandidatët që ata duan dhe jo tek kandidatët që paracaktojnë liderët e partive politike”.

Takimi i zhvilluar në tiranë, do të përsëritet në çdo qark të vendit, ku bazuar në strategjinë e përbashkët politike do të trajtohen të gjitha temat që janë prioritet i aksionit opozitar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono