Barcelona

Lautaro.jpg
Igli Nikolli17:20 | 28/03/2020

Prej kohësh flitet për një transferim të Lautaro Martinez te Barcelona në fund të këtij sezoni. Klubi katalanas ka vendosur të investojë te sulmuesi i Interit, i cili ka një klauzolë largimi prej 111 milion eurosh.

Dëshira e madhe për të luajtur përkrah Leo Messit i ka mbushur mendjen sulmuesit zikaltër për të pranuar ofertën e Barcelonës, por ai ka një kusht. Sport.es raporton se 22-vjeçari ka kërkuar që të plotësohen dëshirat teknike të Interit.

Emra si Vidal, Semedo, Rakitic dhe Todibo, mund të përfshihen në këtë operacion dhe pritet të kalojnë në skuadrën e Antonio Contes. Nuk përjashtohet as një shkëmbim me Antoine Griezmann, me klubin italian që do gjente menjëherë pasuesin e Lautaros në sulm. /abcnews.al

Messi-Ter-Stegen.png
Klejdi Kaimi13:58 | 27/03/2020

Portieri i Barcelonës, Marc-Andre Ter Stegen, do të vazhdojë të qëndrojë në Katalonjë. Gjermani është shumë pranë rinovimit të kontratës me katalanasit dhe mesa duket në ditët në vijim do të vijë dhe zyrtarizimi.

Në fakt ka disa kohë që agjenti i Ter Stegen është në bisedime me drejtuesit e Barcelonës, por duke parë dhe situatën e vështirë që Spanja dhe jo vetëm po kalon, firma është shtyrë disi. Duke respektuar dhe masat e mara për parandalimin e Covid-19, takimi është shtyrë për disa ditë.

Paraqitjet e portierit të kombëtares gjermane kanë qenë fantastike me fanellën e Barçës, ku shpesh herë ka qenë ai heroi i ekipit. Nga kontrata e re pritet të ketë dhe një rritje në pagën e Andres. Në mediat spanjolle flitet se Barcelona i ka ofruar rinovimin për katër ose pesë vitet të tjera. Gjithçka pritet të mësohet në ditët në vijim. /abcnews.al

Coutinho.png
Vladimir Prenga10:29 | 27/03/2020

Skenare nga më të ndryshmet në merkato. Juventusi kërkon një mbrojtës të majtë dhe sërish në skenë del emri i brazilianit Marcelo, i cili këtë sezon te Real Madrid nuk ka pasur shumë hapësira edhe për shkak të një dëmtimi.

Në këto kushte, transferimi në Itali është në momentin e duhur dhe aty do gjente Cristiano Ronaldon. Marrëdhënia e tij me portugezin është mjaft e mirë dhe bardhezinjtë, sipas Marca, i kanë bërë gati një kontratë 4-vjeçare.

 

COUTINHO – Braziliani nuk do të blihet nga Bayern Munchen, që do ta kthejë mesfushorin e avancuar te Barcelona. Katalanasit nga ana tjetër duan të përfitojnë financiarisht dhe emri i Coutinho është në listën e lojtarëve që duhen shitur në merkaton e verës.

Edhe për shkak të krizës nga Coronavirusi, çmimi i tij do të ulet ndjeshëm. PSG dhe Inter janë dy klubet që raportohet se e duan brazilianin, madje nëse kalon te zikaltrit, mendohet të përfshihet në marrëveshjen për kalimin e Lautaro Martinez në Spanjë te Barcelona.

Gjithsesi, Mundo Deportivo raporton se Coutinho është i vendosur që të transferohet në Premier League, aty ku ka shkëlqyer me skuadrën e Liverpool. Chelsea shikohet si favorit, por do të duhet të bindë katalanasit. /abcnews.al

Griezman-Mesi-Barcelona.jpg
Vladimir Prenga08:31 | 27/03/2020

Kriza ka prekur edhe një klub të madh si Barcelona, që së fundmi ka dalë me një deklaratë dhe bën me dije se do të ketë ulje pagash për futbollistët dhe për të gjithë ata që punojnë për klubin. Në ditët e shkuara është raportuar se futbollistët nuk janë dakord më këtë vendim.

Sa i takon shkurtimit të pagave, ende nuk ka shumë detaje, por thuhet se do të ketë një proporcionale të pagës, pasi klubi i Barcelonës të këshilluar mirë me Departamentin e Punës së Katalonjës. Situata nuk është normale dhe vetë klubi spanjoll është i penalizuar nga përfitimi i të ardhurave në këtë periudhë.

Veç njoftimit në lidhje me pagat, klubi i Barcelonës ka bërë me dije se ka vënë në dispozicion ambientet e saj janë vënë në shërbim të Departamentit të Shëndetit në Katalonjë, si dhe po mbështesin projekte të ndryshme që Spanja të përballojë këtë situatë të vështirë që ka krijuar pandemia e Coronavirusit. /abcnews.al

Stoichkov.png
Igli Nikolli14:28 | 25/03/2020

Hristo Stoichkov është futbolli më i madh që ka nxjerrë Bullgaria. 54-vjeçari fitoi “Topin e Artë” në 1994, vit ku udhëhoqi kombëtaren e vendit të tij në gjysmëfinalet e Kupës së Botës. Ish-sulmuesi i kaloi vitet më të bukura te Barcelona, ndërsa sot ka nisur karrierën e gazetarit. Stoichkov bën intervista të ndryshme dhe po zbavitet me këtë gjë, teksa ka dhënë një prononcim shumë interesant për Mundo Deportivo.

INTERVISTAT – “Kam kryer më shumë se 50 me fenomenë nga e gjithë bota. Nuk e përjashtoj realizimin e një DVD-je. Nuk zgjedh dot më të mirën. Më të lehtat janë ato që bëj për familjen time Barcelonën. Kur bisedoj me Messin, ai e kupton që kam përjetuar të njëjtën gjë, ‘Topin e Artë’. Nuk do të shohim më një futbollist si ai”.

TRAJNERËT – “Mourinho më do shumë. Është gjithmonë interesante ta dëgjosh atë, është një djalë që të surprizon. Më pëlqejnë edhe intervistat me Ancelottin, janë të lezetshme, ai është një person i jashtëzakonshëm. E dini ku më kanë trajtuar shumë mirë? Tek Atletico Madrid.

Presidenti është fantastik, edhe Simeone u soll në një mënyrë të jashtëzakonshme me mua. Intervistova Jurgen Klopp tre ditë përpara finales së Champions League. Më ftoi të shkoja në hotelin ku ishte Liverpool, Klopp është një fenomen”.

PREFERENCA – “Kam intervistuar të gjithë njerëzit që dua, duke përfshirë edhe Hagi e Popescu, ish-shokët e mi të skuadrës. E dini me cilin nuk do bëj kurrë një intervistë? Me Cristiano Ronaldon. Nuk kam asnjë lloj dëshire ta bëj. Nuk dua. Bëj intervista për futbollin, nuk kërkoj tituj të bujshëm, flas për anekdota, për mësime jete… Me më të mirët”. /abcnews.al

barcelona-1.jpg
Klejdi Kaimi11:49 | 25/03/2020

Këtë verë pritet një revolucion i vërtetë te Barcelona. Bordi drejtues i katalanasve ka vendosur të ndërtojë një ekip krejtësisht të ri për sezonin tjetër. Kjo do të thotë se do të largojë gati gjysmën e ekipit aktual, ku nuk përjashtohet dhe largimi i disa yjeve. Sigurisht ata do shiten dhe duhen para për të bërë përforcime.

Sipas katalanases “Sport”, ky vendim do të prekë të gjithë repartet. Nga porta bëhët fjalë për portierin Neto, i cili duhet të bëjë valixhet gati. Në mbrotje çudi bën emri i Samuel Umtiti, pasi francezi është një nga titullarët në formacionin katalanas. Emri tjetër është ai i Carles Alenës.

Në mesfushë pritet të largohen Ivan Rakitic dhe Arturo Vidal. Emrat e të dy lojtarëve kanë disa kohë që qarkullojnë në media për t’u larguar dhe mesa duket tashmë ka ardhur koha. Mosha e tyre e madhe apo dhe konkurrenca në mesfushë janë disa nga arsyet se pse ato do të largohen nga Barcelona.

Edhe Philippe Coutinho do të largohet përfundimisht. Nuk dihet nëse Bayern Munich do ta blejë përfundimish kartonin e brazilianit. Surpriza e madhe është Antoinne Griezmann. Francezi që erdhi me shumë bujë nga Atletico Madrid, mund të largohet pas përfundmit të këtij sezoni. /abcnews.al

 

Faqja e parë e Sport
stoichkov.jpg
Vladimir Prenga10:50 | 25/03/2020

Hristo Stoichkov, legjenda e Barcelonës, fitues i “Topit të Artë” në vitin 1994, jeton në Shtetet e bashkuara të Amerikës dhe si të gjithë të tjerët po qëndron i izoluar në shtëpi. Ai e di shumë mirë që duhet të mbrohet dhe të mbrojë kështu edhe të tjerët. Jemi në një moment ku njerëzit duhet të heqin dorë nga egoizmi dhe të mendojnë për të ardhmen dhe kalimin e kësaj pandemie të krijuar nga Coronavirusi.

Stoichkov, tashmë 54 vjeç, tregon se çfarë bën për t’u mbrojtur nga COVID-19. “Po mbrohem shumë. Ha shumë hudhra, qepë dhe pi ujë të ngrohtë. Gjithashtu bëj banja me ujë të nxehtë për një kohë të gjatë, në mënyrë që të mbrohem nga ky virus”, shprehet fillimisht bullgari në intervistën e dhënë për “El Mundo Deportivo”.

Më tej ai shton: “Jam në Miami, me gruan dhe vjehrrën time. Ajo është 80 vjeçe dhe duhet të kujdesemi edhe më shumë për ata, sepse mosha e vjetër po e pësojnë më shumë nga Coronavirusi. Pranë nesh jeton edhe vajza, por nuk e kam parë nipin tim brenda një jave. Nuk mund të rrezikojmë, është një sëmundje që transmetohet lehtë”.

Po në SHBA çfarë po ndodh? “Masat po bëhen më të rrepta. Po shohim çfarë po ndodh në Spanjë dhe Itali, ndaj edhe janë marrë masa më parë. Duhet të mbrojmë të moshuarit. Unë jam atlet i lindur dhe kam luajtur sport gjithë jetën time. Jam i shëndetshëm, por këtë periudhë duhet të kujdesem për vete shumë më tepër, që të mos infektohen ata që duam më shumë. Nuk duhen trembur njerëzit, por t’i edukojmë që të mbrojnë veten dhe të afërmit e tyre.

Flas me miqtë e mi në Barcelonë. E di që janë mbushur spitalet atje dhe numri i të prekurve dhe viktimave po rritet. Kjo krizë po na jep mundësinë të shohim si është bota. Kina e zgjidhi për dy muaj, por mobilizoi vendin, i futi në karantinë njerëzit dhe askush nuk i shkeli rregullat. Italia dhe Spanja janë të dobëta, si pjesa tjetër e Europës. Të shohim tani se çfarë do të ndodhë në SHBA”, deklaron legjenda Stoichkov. /abcnews.al

 

United-Manchester-1280x557.png
Igli Nikolli23:30 | 24/03/2020

Manchester United nuk po ia del të rikthehet në nivele të larta që prej tërheqjes së Alex Ferguson. “Djajtë e Kuq” kanë shpenzuar shumë, por klubi ka gabuar në menaxhim të skuadrës.

Objektivi i madh i klubit anglez është një sulmues i madh. Emra të ndryshëm ndodhen në listën e Ole Gunnar Solskjaer, por Mundo Deportivo zbulon emrin për të cilin janë gati të nisin negociatat.

Ai është Antoine Griezmann, sulmuesi i Barcelonës. Francezi nuk ka zhvilluar një sezon pozitiv dhe ardhja e mundshme e Neymar do të ndikojë në largimin e tij. United po përgatit ofertën e duhur financiare për të bindur klubin spanjoll. /abcnews.al

 

Bayern-Bundesliga-e1582041093782.jpg
Igli Nikolli20:00 | 24/03/2020

E ardhmja e Marc-Andre Ter Stegen me Barcelonën është në dyshim. Klubi spanjoll do të bëjë shumë ndryshime në merkaton e verës dhe portieri gjerman pritet të nisë një aventurë të re.

27-vjeçari nuk ka pranuar ende rinovimin dhe Juventus e Chelsea janë gati t’i plotësojnë çdo dëshirë. Gjithsesi, karriera e Ter Stegen mund të vazhdojë në Bundesligë, aty ku është aktivizuar më parë me M’Gladbach.

Katalanasja Sport raporton Bayern Munchen ka piketuar “gardianin” e Barcelonës si pasuesin ideal të Manuel Neuer. Një hipotezë që pëlqehet shumë nga Ter Stegen, i cili ka mall për vendin e tij dhe është gati të rikthehet. /abcnews.al

 

Messi-Griezmann.png
Igli Nikolli19:36 | 22/03/2020

Antoine Griezmann ka hasur shumë vështirësi në sezonin e parë me Barcelonën. 8 gola dhe kampionat dhe 2 në Champions League, në 33 ndeshje të zhvilluara në total, janë shumë pak për një lojtar të kalibrit të tij.

Fakti që nuk është aktivizuar në majë të sulmit është një nga shkaqet, teksa skuadra si PSG, Chelsea, Manchester United dhe Arsenal po monitorojnë me kujdes situatën e francezit. Kartoni i tij vlerësohet rreth 100 milion euro, por Mundo Deportivo është e sigurt që Griezmann nuk do të largohet.

Sipas të përditshmes spanjolle, 29-vjeçari dhe Leo Messi janë zgjedhur nga klubi për të marrë pjesë në seancën fotografike të prezantimit të fanellave të sezonit të ardhshëm. Një indicie që konfirmon raportin e mirë mes kampionit të botës dhe klubit katalanas, edhe pse rikthimi i Neymar lë të hapur çdo mundësi në lidhje me të ardhmen e Griezmann. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono