Loading ...
Thomas Markle, babai i Dukeshës së Sussex, Meghan Markle, është arrestuar nga FBI-ja në Shtetet e Bashkuara, në kuadër të një hetimi për dyshime mbi posedimin e materialeve të abuzimit seksual me fëmijë.
Sipas raportimeve, çështja ka marrë përmasa ndërkombëtare, pasi autoritetet në SHBA, Meksikë dhe Filipine po hetojnë zbulimin e materialeve të paligjshme në disa prona dhe ambiente të lidhura me të.
Agjentët federalë amerikanë kanë kryer një bastisje në qendrën e të moshuarve Maravida, në Lakeland të Floridës, ku Thomas Markle banon aktualisht. Operacioni vjen pas zbulimit të materialeve të dyshuara në një depo me qira pranë ish-shtëpisë së tij në Rosarito të Meksikës.
Ndërkohë, autoritetet meksikane kanë zhvilluar një tjetër operacion kontrolli në këtë depo, rreth pesë kilometra larg ish-rezidencës së Markle. Në aksion morën pjesë pjesëtarë të Gardës Kombëtare, ekspertë të forenzikës dixhitale dhe përfaqësues të prokurorisë së Baja California.
Edhe në Filipine, policia po vijon hetimet pas raportimeve për gjetjen e imazheve të abuzimit seksual me fëmijë në një banesë ku Markle kishte jetuar më parë. Sipas raportimeve, autoritetet filipinase janë pranë ngritjes së akuzave zyrtare ndaj tij.
Një dëshmitar okular në operacionin në Meksikë ka treguar se një prej agjentëve reagoi i tronditur nga materiali i gjetur, duke thirrur shprehjen spanjolle “Ay cabrón”.
Thomas Markle ka qenë prej vitesh në marrëdhënie të tensionuara me vajzën e tij, Meghan Markle, e cila ka ndërprerë kontaktet me të.
