Një 43-vjeçar shqiptar i dënuar në Itali me 20 vite burg është arrestuar në Tiranë. Bëhet fjalë për Petrit Lekndreaj, i cili ishte shpallur në kërkim ndërkombëtar nga Interpol Roma për ”Trafik droge”, “Plagosje” dhe “Armëmbajtje pa leje”.
Në operacionin e arrestimit të 43-vjeçarit morën pjesë Forca e Posaçme te Operacioneve Speciale dhe Kërkimit pranë policisë së kryeqytetit. Interpol Tirana në bashkëpunim me Interpol Romën në Itali po kryejnë të gjitha procedurat për ekstradimin e tij drejt Italisë./abcnews.al
