Gareth Bale qëndroi disa sezone te Real Madrid, por në asnjë moment nuk arriti të bëhet ylli i madh i ekipit dhe të gëzojë simpatinë e të gjithëve. Uellsiani shënoi shumë gola me Real Madrid, disa prej tyre në ndeshje të rëndësishme, por kaq nuk mjaftoi për të shmangur kritikat.
Cesc Fabregas çuditet për këtë. Spanjolli shprehet se sipas tij Bale ishte shumë i suksesshëm te Real Madrid. “Me Gareth Bale është rast i çuditshëm. Nuk e di përse jo për të tjerët, por për mua ai ka qenë i suksesshëm te Real Madrid.
Ai shënoi në dy finale të Champions League, shënoi kundër nesh (Barcelonës) në finalen e Kupës, shënoi më shumë se 100 gola dhe njerëzit ende po e kritikonin atë. Unë i rikthehem kësaj historie dhe nuk e kuptoj dot kurrë përse ndodh kështu”, u shpreh mesfushori i Monaco. /abcnews.al
