Loading ...
Në Kosovë prej orës 07:00 të mëngjesit të kësaj të diele ka nisur procesi I votimit për zgjedhjet parlamentare.
E para që ka votuar ka qenë Kryetarja e Komisionit Qendror të Zgjedhjeve, Valdete Daka. Menjëherë pas votimit në prononcimin e saj për mediat Daka u ka bërë thirrje qytetarëve që të ushtrojnë të drejtën e votës, duke respektuar masat anti-Covid.
“Unë posa e kryva obligimin tim . SI kryetare mund të konfirmoj se KQZ’ja ka përfunduar të gjitha përgatitjet për këtë ditë. Sot KQZ’ja do të bëjë monitorimin e mbarvajtjeve të zgjedhjeve. Ftoj qytetarët të respektojnë të gjitha rregullat e pandemisë dhe ta ushtrojnë të drejtën kushtetuese. I ftoj të gjitha subjektet politike që gjatë ditës të respektojnë të gjitha rregullat e KQZ-së”, ka thënë Daka./abcnews.al
