Në foto farmacia e grabitur
Detaje të reja janë mësuar nga grabitja e ndodhur mbrëmjen e sotme në Tiranë. Burime bëjnë me dije për gazetaren Xhensila Kodra se autori dyshohet se ka përdorur një pistoletë lodër. Në kërcënimin e saj ai ka marrë xhiron ditore mbi banak rreth 200-300 mijë lekë. Ai ka kryer grabitjen i vetëm, por nuk dihet nëse ka pasur persona të tjerë që e kanë pritur jashtë.
Autori dyshohet se është Kristi Çinari 21 vjeç, i njëjti që pak ditë më parë grabiti filialin e institucionit financiar Kredo.al në rrugën Bardhyl në Tiranë.
Lidhur me këtë ngjarje ka reaguar edhe policia e cila thekson se janë ngritur pika kontrolli dhe po bëhet krehja e zonës në afërsi të vendit të ngjarjes me shërbime të shtuara policore.
Reagimi i policisë: Më datë 26.01.2021, rreth orës 20:13, në rrugën “Bardhok Biba”, një person ende i paidentifikuar dyshohet se nën kërcenimin e armës ka vjedhur në një farmaci.
Sherbimet e Policisë menjeherë kanë ngritur pika kontrolli dhe po bëhet krehja e zonës në afërsi të vendit të ngjarjes me sherbime të shtuara. Grupi hetimor ndodhet në vendngjarje dhe po punon për fiksimin e çdo prove që do çojë në identifikimin dhe kapjen e autorit./mv.abcnews.al
